لا صرت ما تدري ليش أنت رجال .... والله خسارة فيك ذبح التمايم

[العاذرية]

[grade="000000 000000 000000 DC143C 000000"][align=center] قصيده رااائعه
لـ نوف بنت شطيّط العتيبي




إذا المراجل لبسة شماغ وعقال
قل للعذارى يلبسنّ العمايم

ما عاد يفرق زول حرمه ورجال
دام الفعايل تشبه البعض دايم

المرجله ما هيب كلمه وتنقال
وتروح ما راحت هبوب النسايم

وإلا خشونة صوت أو رفع الأثقال
أو رزة صدور وفعل الزلايم


ولا هي بعد مفتاح موتر وجوال
وإلا ردى لسانن حديثه شتايم

المرجله شيمه عن القيل والقال
رفيع نفس (ن ) حر بالجو حايم

المرجله عقلٍ وزن وزنه جبال
ودون العقل وش فرقنا والبهايم

يا مسندي لو مايل الوقت بي مال
يا ولد أبويه يا عظيم العزايم

يا معرب الجدين من العم والخال
يا نخوة المفزوع وقت الهزايم

المرجله يا خوي هي طولة البال
هي العزم هي الصبر فالظلايم

فيها الكرم عزه دله وفنجال
فيها الكرامه عن ردى الطبع شايم

والدين لامنه خذا القلب منزال
مشى طريق الحق وابليس نايم

ومن لا عرف ربه في طيب الحال
لابد وقت الضيق بالهم هايم

حتى صلاتك مع جماعات ورجال
في خيرها يا خوي نعم الغنايم

ولامن نصف ليلك قم صفي البال
يا عظم أجرك بين ساجد وقايم

ولا من رفع ربي له كل الأعمال
حسن الذكر لا قالو فلان صايم


وخلك شريف القصد يا طيب الفال
سوء المقاصد فالبيوت الهدايم

واحذر تبيع النفس في دب الأنذال
وتتبع خوي إبليس راع النمايم

النفس خيل لك إذا كنت خيّال
ومن لا قوى نفسه قوته الهزايم

ولا صرت ما تدري ليش أنت رجال
والله خسارة فيك ذبح التمايم [/align][/grade]

[النـايــــــف]

مشكوره اختي العاذريه


وصح لسان الشاعره نوف شطيط العتيبي

[إبن ثعلي]

صح السان قائلها وتسلم يمين نا قلها
تحياتي

[العريدي]

العاذريةصح السانك و السان الشاعرة نوف و يعطيك العافية / العريدي

[ناصر بن سعدي]

صح لسان الشاعره

نوف العتيبي ..


ولاهنتي أختي العاذريه على النقل الرائع ..

..

[عــمـــر]

[align=center]يعطيج العافيه

صح لسان الشاعره نوف

وتسلمين على هذا النقل الرائع

مشكوره[/align]

[محمد العريــدي]

ابيات رائعة ..

[*دلوعة عتيبه*]

إذا المراجل لبسة شماغ وعقال
قل للعذارى يلبسنّ العمايم


روووعهـ

تسلمـ يديكـ يالغلا
ويسلم ذوقكـ

[ملكة زماني]

قصيده جدا راائعه

صح لساانك ولساان شاعرها

ابدعتي ياغلاهم

في الاختيااار

[حالم الهيلا]

[align=center]ليس غريب ان تكتب الشاعره نوف مثل هذه القصيده


ويعطيك العافيه على النقل وتسلم يمناكِ[/align]