الله خلق أذنين للسمع مفتاح ### ولسان بيدك هدته وامتناعه

[عيد العتيبي]

اخواني واخواتي في منتديات قبيلة عتيبة يسرني ان اشارك معكم بالأبيات المتواضعة
التالية راجيا ان تنال اعجابكم ولكو وافر التحية والتقدير
اخوكم عيد العتيبي



[poem=font="Simplified Arabic,4,black,normal,normal" bkcolor="transparent" bkimage="backgrounds/11.gif" border="groove,4,gray" type=0 line=0 align=center use=ex num="0,black"]

العرف ياهل العرف في خاطري فاح "=" نهر مـن المعنـى قـوي اندفاعـه

يبدي على العالم كما النـور منبـاح "=" من خاطري يادوب تـم اختراعـه

قاف بصدري كنـه الخيـل جِمـاح "=" صغته بحكمـة للرجـال وبراعـة

عن مشكلة بين العرب سدهـا بـاح "=" كثر الكلام اللـي يغيـض الجماعـة

في مبتغـاه قليـل المعرفـة طـاح "=" يصعب على كل القلـوب انتزاعـه

ويصيـر ثرثـار للأقـوال ميـاح "=" تلقاه بيـن النـاس مثـل الأذاعـة

يعطيك حنظل مـر ومـرار تفـاح "=" يخلط على طعم العسل سـم ساعـة

ما تسمع الا دبلـة الكبـد وصيـاح "=" ومغامـرات الهلوسـة والميـاعـة

يتعبك في المجلاس ويزيد الأجـراح "=" ومن نقـد خلـق الله عنـده مناعـة

والله ما اواطـن كلامـه ليـا نـاح "=" والناس تكـره جلستـه واجتماعـه

ماني ليا زاد الحكـي منـه مرتـاح "=" والله ما احبه ولا اهـوى استماعـه

كثر الحكي يقلون نقص في الأرواح "=" ما ني من اللي ياخذونـه بضاعـة

ولا ني بناقل هرج من جا ومن راح "=" كلن نهار العـرض ينقـل متاعـه

تراي فـي بحـر المهمـات سبـاح "=" ايضا وأهوز النجم فـوق ارتفاعـه

واقول للي يفهم القـول يـا صـاح "=" إفهم ترى المخلوق عنـده شجاعـة

الله خلـق أذنيـن للسمـع مفـتـاح "=" ولسـان بيـدك هدتـه وامتنـاعـه

اسمع وخذ من طيب القول مـا لاح "=" واحفظ كتـاب الله تحـوز انتفاعـه

وسنة محمد في السعـادة والأتـراح "=" وطبعك على ما قيل خلـه طباعـه

اللي يحسـب للخسايـر والأربـاح "=" يحفظ لسانه قبـل يطـوي شراعـه

أقولها بالصـدق مـا نـي بمـزاح "=" النور تـال الليـل يبـدي شعاعـه

عيد العتيبي[/poem]

[الحصان]

عيد العتيبي صح لسانك وبيض الله و جهك على هذه القصيدة الجميله

و لاتبخل علينا بجديدك

[عيد العتيبي]

اخوي الحصان
شكرا لمرورك العطر ومدحك الجميل
اخوي غالي والطلب رخيص ولكني اجد ان
التفاعل في المنتدى قل عما كان عليه قبل فترة
ما الأمر ؟
لك التحية والتقدير
اخوك عيد العتيبي

[السلطه]

سلمت وصح اللسانك ياعيد العتيبي



السلطه
تركي الهواوي

[إبن ثعلي]

عيد العتيبي
صح السانك قصيدة رائعه وجزلة المعنى
تحياتي لك والى الامام

[الحصان]

التفاعل مايقل بوجودك انت و جميع الاعضاء ولكن بعضا الاخوة منهم من اشغلته الدراسة و منهم من اشغلته ضروف اخرا وسوف يرجعون لنا قريباً ان شا الله

[سمران القثامي]

اسمع وخذ من طيب القول مـا لاح "" واحفظ كتـاب الله تحـوز انتفاعـه

وسنة محمد في السعـادة والأتـراح "" وطبعك على ما قيل خلـه طباعـه

اللي يحسـب للخسايـر والأربـاح "" يحفظ لسانه قبـل يطـوي شراعـه

أقولها بالصـدق مـا نـي بمـزاح "" النور تـال الليـل يبـدي شعاعـه
ابو فااااارس رااااااائع

اخوك

[BaNdEr@DaHaS]

صح لسانك ياعيد ولاهنت ولاهانو الربع

[عيد العتيبي]

اخوي الغالي
السلطة

صح بدنك
وشكرا لمرورك العذب
تحيتي وتقديري
اخوك عيد العتيبي

[عيد العتيبي]

اخوي الغالي بن ثعلي
الرائع حقا هو مرورك الغالي
الذي انار الصفحة امامي
لاعدمتك يالغالي ولا عدمت مرورك
تحيتي وتقديري
اخوك عيد العتيبي