مساجله بين الشاعر عبد الله بن عون والشاعر نجر بن فيصل

[عبدالله بن مناحي]

الشاعر عبد الله بن عون وجه قصيده للشاعر نجر بن فيصل يقول فيها:

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يا نجر انا حاولت اجنب هوا الغيد = وعيت يدي لا نطلق من شعفته
وعمرت له بالنفس يا نجر تخليد = لعلي اقضي ما بقا من حسفته
أثر العرب معهم مع العلم تاكيد = عودٍ قسى ماتنتعل هدفته
وبالصدفه اللي ما سبقها مواعيد = وفالموقف اللي ليتني ما وقفته
عرضت شناح الطول مسلوقه الجيد = اللي بها من قايد الريم لفته
يانجر عادت لي ليال التواديد = واحيت بقلبي ذكريات شعفته
ومن عقبها ذقت العنا والتناكيد = وسهر الليال اللي يطرا عرفته
واليوم ابا ارفع لك من العلم تسنيد = حيث ان رفع العلم يبرد حسفته
يالشاعر اللي ما تدوس المناقيد = وصرح الكرامه معتلي في شرفته
ويوم اني اسند لك وافندك تفنيد = قدام ذا جربت غيرك وعفته
ماتنتنوخ للحمول المفاريد = وجنيف انا وش حاجتي في جنفته
يانادر ما في هدادك تصاديد = فعله ينومسني لو اني كتفته
مانته هذاك اللي ليا ازرا عن الصيد = عود على راعيه ينقل علفته
انا ادري انك يا نزيه المواريد = فنجال عذري الهوا قد رشفته
وعشقك هو عشق الفاضلين المحاميد = اللي حصيله ما يلاقي كلفته
وانا ليا جا من طرفك المراديد = اما هجرت العشق والا ردفته
واقبل تحياتي مع اطلالة العيد = باللي عليك من المكارم عطفته
واغلا نقود سيق ما راح بزهيد = لو البضاعه غاليه ما صرفته

[/poet]

رد الشاعر نجر يقول :

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
حلو الهدايا من يدين الاجاويد = من الكريم اللي بسط لي صحفته
عبدالله اسند لي من الشعر تمهيد = لبس الشرف عيدت به والتحفته
واختصني من بد كل القواصيد = قصده يعبر عن ظروف صدفته
وهجدتني فآخر صيامي مهاجيد = واشتلت حملٍ فوق متني نسفته
وشكى على وزادني منه تعقيد = راي يناسبني وراي حذفته
راي الهدا يامجرد السيف تجريد = كمل على مشوارك اللي نصفته
والحب قبلكك ساق عنتر وابا زيد = وانته بعدهم يابن عون استضفته
ورقيت فوق وفي سنامه مجاويد = وبنيت له صرح رفيع وسقفته
ذكرتني باللي جرالي تراديد = عهد من الماضي وحلفٍ حلفته
والله ما اخبر لك عن الحب تجليد = لو عنه يوجد علاج وصفته
وليا حصل فيضة ربيع وتجديد = زان الطرب واللي تبا العين شفته
وانا ثلاث سنين لا انقص ولا ازيد = ارخيت في حبل الشداد وجعفته
قالوا علامك قلت يالربع ما اريد = يوم الهوا دشوه ناس عسفته
والا انت حبك معتلي فوق وبعيد = في راس عيطا ثابته ما شطفته
واخفيت خافيها على زيد وعبيد = والا ترى ما فيه ذنب اقترفته
ما انته بعارضها لرماي وقعيد = وخبل على النمه تزايد رجفته
والناس فيهم طيبين ومقاريد = اللي يدق الصيخ اللي يعفته
وانته وانا مشوارنا يقطع البيد = وشوفي بعيد ومركز الخوف طفته
جنبت عن عرعر وحزم الجلاميد = وجنيف ما اعرف قوته من ضعفته
ويا وسع نجد ليا عطيت الجراهيد = والتمر يعرف طيبه من حشفته
ياللي علي تعمد العلم تعميد = الراي جاك وسرها ما كشفته


[/poet]

[الحصان]

قصايد رائعه واختيارموفق وشكراَ جزيلاَ لك يابو مناحي و الله لايهينك

[عبدالعزيز الجلادي]

[ALIGN=CENTER]رائع ما اخترت من فحول الشعر




شكرا لك وما قصرت [/ALIGN]