بسم الله الرحن الرحيم
السلام عليكم ورحمة الله وبركاتــــــــــه
وبعد
اقدملكم هذا القصيده وتمنا ان تحوز على رضا الجميـــــــــع
[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أخذت من وقتي دروس كثيــــــره= وليا خذيت الدرس ماوالله أنساه
أخذت من باسه لباسه ذخيره =الصدق درعن حزة الضيق تلقاه
والدين عزن للرجال وستيره =ومن لاأتسم بالدين ماربح مسعاه
ودرست منه الصبر وقت الحشيره= لاجاء نهارن تنصر الرجل يمناه
ودرست حقن ما يجوزإتغييره=الجار مهما جار تدمح خطاياه
وحق القرابه والوطن والعشيره=أمرن ضروري لاتحاول تخطاه
ربعك حزامك في الأمور العسيره=رجلن بليا ربع يصبر لما جاه
ويمنى بليا يسرى تراها كسيره= ولوكان يمنى توصل العلم منها
والسيف ماينقل بليا جفيره= مير أفهموا ياهل العقول المسماه
ودرست ولد الاش ما أتبع مسيره=والله ما أسمع له ولا أمشي بممشاه
أرافق الطيب ولالي بغيره= لوهو من اللأجناب حقه حفطناه
وترا الفتى يتبع لملة خشيره= أعرف جليس الرجل قدام تنصاه
وإن كان سمي كل شخص وعشيره =ترا رفيق الدين كنزن عرفناه
وأيضآ درست إن الكرم خير سيره=والأدمي رزقه مسير بدنياه
وكلآ على ماقيل يلقا مصيره=اللي كتب لك تأخذه ماتعداه
ودرست من وقتي ماأبيح السريره=للي ليا منه سمع علم وداه
الرجل كنزه ما أنكنز في ضميره=حقن عليه إنه يصونه ويرعاه
يا وقت من ماشارني ما أستشيره=مادام مقفي ليه يوم أتبع إخطاه
يقفي عسى في تالي الأمر خيره=وأقفي عنه جعل المنايا تقفاه
دار الجفاء ماهي باللرجل ديره=دار المعزه هي مقره ومرساه
لوكان يحيا بين كوخ وحصيره=أخيرمن منـــةهل المال والجاه
أمشي دروب العز لوهي خطيره=ولاكل شخصن يدرك اللي تمناه
وكلن معه عقلن وفكر وبصيره=أحد أقتدى بعقله وأحد عقله أغواه
ويالله أنا طالبك عفون وجيره =يارب أجر وجهي من النار وحماه
يارب اجرني من لهيب السعيره=ياواحدن كل الخلايق ترجاه[/poem]
| 
|
06-23-2009, 04:19 PM
العرض العادي
