أنته شمالي ديرتك عندك تفوق كل الدير وتقول ما أرض البدايل
لكن خذهــا وافيه من ولد روق وخذ علاها يا الشـمالي دلايــل ما فيه دار يسوقني لأرضها الشوق يا كود نجد أم الفخر والمثـــــــايل
دار الرجال إلي بهم يزخر السوق سوق الضفر ماهو بسوق الهزايل
الطيبين إلي لهم شـــــــان مرموق عند الرجال إلي تصون الفضــايل لطامه العايل ليا سيق مســـــــيوق ذباحة الحايل كــرام الفعـــــــايل
تظهر مكارمهم ليا جيت مشفـــوق وتظهر فعايلهم ليا قال قايــــــــــل
تكفون يا وجيه السعد وخذت النوق تكفون يا عتيبه عيال الحمـــــــايل
وشوي لما كن غاد له حقــــــــــوق والغبن عقب أدما ثناياه زايــــــــل بله وردوها عتيبه عن البـــــــــوق وأقفوا ولا منوا عليه الجمايـــــــل
وطريحهم محل ما طاح وسحــــوق عليه يسعن السباع الختايـــــــــــل
هذا من أول يوم زارق ومــــزروق قبل يتوحد شمل كل القبايـــــــــــل واليوم من فضل الله الشر مفهــــوق في ضل شغموم من ألاد وايـــــــل
ويبقى لنا مجد محقق ومحقــــــــوق ولا يزول إلا أن برزان زايــــــــل
وأنت ونعم من لابه الطيب ويلــوق في مدح شمر بدع جزل المثايــــل
رجالهم بالطيب ماهو مسبــــــــوق ليا جاك فازع والعقال متمايــــــــل
وكل القبايل دونها يقصر العـــــوق لكن عتيبه غير والشك زايـــــــــل
صح الصحيح وكل مطرود ملحوق وتم الكلام إلي عليه الدلايــــــــــل
وأنته شمالي والشمالي لو يـــــذوق قرح نجد وتمرها كب حايــــــــــل
| 
|
04-26-2007, 04:29 PM
قصيدة الشاعر لافي الغيداني الحربي في شاعر المليون
المواضيع المتشابهه
العرض العادي
