محاورة شعريه بين شاعر الحريه وأبوفيصل

[{ أبوفيصل }]

شاعر الحريه :

سلام الله على الغياب والحضار وأهل الدار .. بعدها نبتدي المشوار والمعنى على القيمة
يبو فيصل سنين العمر تمضي و الفلك دوار ........ نبا نرسم معالمنا على البارود والغيمة

♡ تحية الورد الطائفي للجميع ♡



ابوفيصل :[poem=font="traditional arabic,6,black,bold,normal" bkcolor="transparent" bkimage="backgrounds/47.gif" border="double,7,gray" type=2 line=0 align=center use=ex num="0,black""]
هلا يامرحبا ترحيبة الشعار للشعار =توارد للهجوس أفكار تحكمني تعاليمه
ولا ياذالزمان اللي ربيعه يزعج الثوّار =غدتبه لوحة الرسام تزهى به مراسيمه
[/poem]


شاعر الحريه :

يثور الصبر في وجه السكون الظالم الجبار .. ويتعاوى ظلام الصمت ترهبنا تقاسيمه
ألا دام البقا يالزير سالم شايفه محتار ......... وأنا خابره قتال العرب يوثق ملازيمه



ابوفيصل : [poem=font="traditional arabic,6,black,bold,normal" bkcolor="transparent" bkimage="backgrounds/47.gif" border="double,7,gray" type=2 line=0 align=center use=ex num="0,black""]
ترى بيض الليال وسودها من عالم الأسرار =عسى وضح النقا لَجتاحكم تجلي مجاهيمه
بدا وجه الزمان اللي تقادح به شرار ونار =بعَد وقتٍ تبسّم وابتسم وأمست مساليمه
[/poem]



شاعر الحريه :

كلامك به يقين وشك يالله ترحم اﻷحرار .. وأنا ناشدك عن قدس العرب لو طاحت الخيمة
شعارات أنظمتنا كذبة(ن) وتصادق الفجار ...... حرام إني بري منها ومنها ماتت الشيمة


ابوفيصل :[poem=font="traditional arabic,6,black,bold,normal" bkcolor="transparent" bkimage="backgrounds/47.gif" border="double,7,gray" type=2 line=0 align=center use=ex num="0,black""]
تعيّن فالدروب اللي عليها وِجْهة الأنظار =ولاتنشد عن القدس ونداه يزلزل الزِّيمه
ليا حان الوعد حثّ المطايا فأوّل المضمار =شعارك راية التوحيد وحنا من مقاديمه
[/poem]


شاعر الحريه :

سياسات النخب تشبهك يالشاكوش والمسمار .. متى نشربك يالشاهي مع البسكوت أبو ديمة
ترى الخيل اﻷصايل يا صحيبي تشعل المضمار ..... أخاوي النمر ولا الذيب من جملة معازيمة



ابوفيصل :[poem=font="traditional arabic,6,black,bold,normal" bkcolor="transparent" bkimage="backgrounds/47.gif" border="double,7,gray" type=2 line=0 align=center use=ex num="0,black""]
عميلي ياعميلي لاتهاب الوقت والأخطار =لكم حرّية الرأي ولكم بالشاي تلقيمه
ابوهبّاش يهبش مع هواميره كما المنشار =وهامور البلد يبلع صغاره في بلاعيمه

[/poem]



شاعر الحريه :

ترى الشعب السعودي ياكل الزيتون في اﻹفطار ... زهد في عالم البترول ما يبغى مفاطيمه
يبو فيصل من السارق من اللي يعبد الدولار ..... عسى الفيل السروق اليوم نقطع له خراطيمه




صح لسااانك ياشاعر الحريه يشرفني المحاوره معك فالمحاورة معك لا تمل ولكن الجايات اكثر

[شاعر الحرية]

صح بدنك يبو فيصل والشرف لي بمحاورتك
بارك الله فيك وفي حياتك يا طويل العمر
لكن لو حذفت البدع اﻷخير أو رديت عليه
ولا وش رايك ؟!

شاكرين لشخصكم الكريم التنسيق الجميل للمحاورة

♡ تحية عاطرة لك و للجميع♡

[{ أبوفيصل }]

بسبب الخلل الحاصل بالمنتدى اللي لخبط ردودنا
نسقت المحاوره اللي جرت لكن للأسف لا املك خاصية التعديل فيه لأضع تنسيق لائق لردك

[الفلاح]

محاورة قمة في السبك والمعنى

استمتعت بها

لاتحرمونا من هالإبداعات

تحيتي لكما ولاهنتما.

[شاعر الحرية]

قراءة تستحق التأمل أيها الفلاح
فأهلا بك و بتلك القراءة الواعية

دمت دائما واعيا ومدركا لما تقرأ

شكر المولى لك هذا المرور الحر وتلك اﻹشادة الحرة
بورك الفتى النبيل .. ولاهنت ولا هان من يعز عليك

♡ تحية النبلاء للنبلاء ♡

[{ أبوفيصل }]

للفلاح

حياك الله يالفلاح عوده حميده



لشاعر الحريه

كم احببت بدع الشقر وفنونه فـ هل لنا بطااروق نبتدي به المحاورة

انا لا أُحسن البدء به فلـ يبدأ من يجيده

[شاعر الحرية]

أبشر يبو فيصل غالي والطلب رخيص
ولا أشك في إجادتك لكل اﻷلوان والفنون الشعرية أيها الشاعر الفحل

وستظل شهادتي في مثلك من الشعراء مجروحة على الدوام

♡تحية عاطرة لسموك الكريم♡

[{ أبوفيصل }]

شاعر الحريه

بِشِّرت بالجنه ،، تسلم تسلم هات البيت هاته
ولو انت شاعر صعب وشديد المراس مير يبا الله يعينّي عليك

:)


احترامي

[الفلاح]

متابع للإبداع...........

[شاعر الحرية]

في مشكلة في المنتدى يبو فيصل أو في الجهاز عندي
والله عجزت لي ساعة وأنا أكتب في اﻷبيات ما هي راضية تدخل للمنتدى

لكن مصير الشعراء يتلاقون