هذه القصيدة هدية مقدممة إلى مجالس عتيبه

[ولـ حرب ــد]

بسم الله الرحمن الرحيم


في البدايه تحيه معطره بروائح المسك والعنبر لأبناء عمومتي اجمعين
يطيب لي المقام بين من هم نبراسا للأدب والثقافه والعلوم فلكم من اخيكم
جل الاحترام وعظيم التقدير ..... واشكرا العزيز / فهد بن عيد على دعوته
الكريمه فألف شكرا له وللجميع .



( مصافحتي )
هذه القصيده أعتذاريه .. عن قصيده وصف ملكه جمال لبنان

وعلى الله مايكون العذر أقبح من الذنب في وجهة نظر من يفهمني غلط

ولكن صدوركم الرحبه تزيد من عزمي على النشر والتواصل.


الواقع مؤلم والحياه دروس

لذلك حذفت منها بعض الابيات بعد توجيه من شخص عزيز على القلب

اليكم القصيده








يابنت أرجوك أنا مأقدر كفانـي ماضـي الغلطـات
أخـاف الله يعذبنـي وأنــا خــواف يابنـيـه

واخـاف ابساعـه اللـذه يجينـا هـادم اللـذات
ويأخذ من حشـى جوفـي بقايـا روحـي الحيـه

أنا ليّه ثمان اسنين وأنا مدمـن علـى الشهـوات
ديـار الفسـق حاستهـا مواطـي تحـت رجليـه

عيوني من كبـر همـي تخلـط الـدم والعبـرات
مِسيل الدمـع مـن عينـي حفـر بالخـد ماريـه

صحيح إنك جميله بس تبنا مـن هـوى الزينـات
تركنا الحـب غصـب وطـوع للعيـن الشقاويـه

يابنت أنتي على بالك أبأخـذ مـن بنـات الشـات
أجل مجنـون أنـا يابنـت أشيـل العقـل بيديّـه

ترى أكبر شيء يربطني مِعك جوال ابـو شاشـات
وهاتـف ينقـل أشواقـي علـى نبـرات سلكيـه

وترى كل العلوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبيـه

هـذاك اليـوم ماهلـت عيونـي لجلـك الدمعـات
لأن الدمـع ماينثـر بقـصـه حــب وهمـيـه

أنا أضحك مِعك واضحك منك وعليك أكثّر الضحكات
كأنـي بالهـوى جـنـي يعـبـي راس جنـيـه

وأنا ماني بخكري يلبـس القمصـان والشرتـات
ويفـرح قلبـه المسكيـن إذا حــب الدوينّـيـه

أنا مـن لابـةٍ أروت ضمايـا سيوفهـا الغـزوات
خلاياجسمـنـا عـاشـت عـلـى دم القبيلـيـه

ودهنتي شعرك الاسـود بألـوانٍ مـن الصبغـات
وعيـت تقبـل الصبغـه ملامـحـك الخليجـيـه

وحشرتي ردفـك المسكيـن بالبنطـال والجنـزات
خلاقـيـنٍ تصنّعـهـا مـزاجـات اليـهـوديـه

عشاني ميتٍ فـي ثغـرك الأحمـر أبـو لمعـات
تحسبينـي أبرضـخ لـك لأن إشفـاك ورديــه

ورب الكون مأرضى فيك لو إنك شيخـة الحلـوات
وإذا صمـل علـيّ العلـم أكـب ارض السعوديـه

يابنت الناس عزك فـي سـوادٍ يستـر العـورات
وعزي في شماغ أحمر وثـوب أبيـض وطاقيـه

سعودييـن نفخـر فـي عبـايـات السعـوديـات
نغـض الطـرف إجـلالً إذا شفنـا السعـوديـه

وخليجييـن نفخـر فـي عبـايـات الخليجـيـات
نغـض الطـرف إجـلالً إذا شفـنـا الخليجـيـه


وأتمنا ان اكون وصلت الى رضى الجميع
عبد الرحمن بن عيد العوفي الحربي
المدينة المنورة

منقوووووووووول

[مخاوي النشامى]

صح لسانك ولد حرب
ولكن مني أجه لك نصيحه أخويه اشتغل بعيوبك واترك عيوب الأخرين
الله يصلحك ويهديك

[ولـ حرب ــد]

مخاوي النشامى

إقرأ القصيدة و القصة زين
و تمعن بها يالغالي

هذا قصيدة الشاعر الاخ/ عبدالرحمن الحربي

عندما مدح اللبنانيات ،،، و من ثم رد على نفسه بقصيدة يمدح بها السعوديات بوجه خاااااااااااااااص ،،، و الخليجيات بوجه عااااااااام
و لا أعتقد طلعنا عيوب أحد يالاخ العزيز


و هذه القصيدة منشورة من قبل قائلها بأحد المنتديات

و شكراً

[إبن ثعلي]

تسلم ياولد حرب على حسن الاختيار وصح السان شاعرها
تحياتي

[النـايــــــف]

صح لسانك اخوي ولد حرب

وصح لسان شاعرها

وبيض الله وجهك يا الغالي

على هذا الاختيار الرائع

تحياتي لك ،،،،

[برقاوي هواوي]

صح لسانك ياولد حرب ولسان قايلها وتسلم يمينك

[ولـ حرب ــد]

ابن يعلي

النايف

برقاوي هواوي

مشكورين على مروركم العاااااااااااااااااااااااااااااااطر

[مشاري الحبردي]

صح لسانك وقايلها ومشكور على القصيدة

[الشــــيبانــي]

مشكور اخوي ولد حرب عللى نقل القصيده
تحياااااااااتي

[ولـ حرب ــد]

أشكر جميع الأخوان و الأخوات الذين قاموا بالمرور