..(( والله كبيرة ... يازمن ))..

[فهد العصيمي]

مساكم الله بالخير ....
غبت كثيراً .... ولكن من يعود إليكم كأنه لم يغيب ....

أجمل التحيات لكل المبدعين .... ((( والعذر والسموحة على الغيبة الطويلة ياجماعة ))

..... واخص المشرفين ... عشان مايزعلون علي ..............

أصافحكم ... وأستسمحكم .... في هذه المتواضعه .. وعسها تشفعلي عندكم ‍‍‍...

على شان ماأطولها ( واغثكم .. وانا توي راجع ... أخليكم مع .. هبالي شوي ..

ونتقابل في نهاية القصيدة ............. لكم الود.... والورد بعد ....
....

....


....



...



...


الله واكبر يازمن .. ماتجبر الحلم الكسير
ـــــــــــــ ماتنصف اللي قام في وجهك ولا عندك نظر

اليوم اشوفك ماتميز .. بين عنتر والف زير
ــــــــــــــــ كلٍ تساوا في نظر عينك ولاعندك قدر

اللي صغير بعين خلق الله .. تخليه الكبير
ــــــــــــــــــــــــــ واللي كبيرٍ في عيون الناس .. بعيونك صغر

والله كبيره يازمن .. غيّرت حتى اسم الحرير
ــــــــــــــــــــــــ اليوم حتى الأمعة يالوقت سكنته قصر

الله واكبر .. كيف ذل الذيب لعيون الحمير
ــــــــــــــــــــــ والسرج ياشينه إذا شفته على ظهور البقر

سبحان منهو غير الدنيا .. وخلى الوقت غير
ــــــــــــــــــــــــ سبحان منهو قلّب العادات من فوق لحدر

حتى الفتاة اللي قبل .. بلثامها خجلى تذير
ـــــــــــــــــــــــ اليوم ذبت برقع العفة وقامت تفتخر

قالت من انت من البشر .. انت بحياتك وش تصير
ــــــــــــــــــــــ يالله انا بسمع كلامك .. بس ودي تختصر

قلت الكلام إن طال .. يابنت اسمعيني للأخير
ــــــــــــــــــــــ ماهي بلالحية قصايد .. لاولالحية شعر

ماني ولد شيخ الشيوخ .. ولا على قطعة حصير
ــــــــــــــــــــــ ماجفت شفاتي عطش .. ولاشربت من البحر

إن قلتلك .. فهد .. ولد محمد .. ذي يمكن تصير؟؟
ــــــــــــــــــــــــــ لكن إذا قلت ( عتيبي) والله كبيرة يابشر

تدرين إذا قلت ( عتيبي ) حتى الورق يمكن يغير
ــــــــــــــــــــــــــ ولا القلم .. لاجا يبي يكتبها .. مال من السطر

أنتي انسانه تافهه .. يابنت والتافه حقير
ـــــــــــــــــ والله مدام الراس عايش .. مايهينه من كبر

لنتي .. ولاغيرك .. ولاحتى من اشكالك كثير
ــــــــــــــــــــــــ أعز نفسي بالحياة .. دام النهاية في قبر

لقطع يدي من كفها .. لو مدت لشرهة أمير
ـــــــــــــــــــــــ والعن أبو ساسي .. لو الهامة تبي تنزل حدر

أنا كبير بعين خلق الله .. وعند الله صغير
ـــــــــــــــــــــ حتى لو انزف يالغبية .. تنزف جروحي عطر

لوتنغرس في صدري سيوف المعزّة .. بالف خير
ـــــــــــــــــــ بس البلا .. يوم انطعن في ظهري بحربة غدر

هذا الزمان وعادته .. والوقت دايم يستدير
ـــــــــــــــــ ياما انقلب كاسه على راسه ومافيه انتثر

عقب القدوع .. ودلةٍ صفرا .. غدت كيك .. وعصير
ــــــــــــــــــــــ والمدخنة صارت معطرجو.. والشاهي .. غجر

واكثر شباب اليوم حالتهم .. غدت حالة أسير
ـــــــــــــــــــــ ذب العقال وغترته .. والثوب سواله خصر

عاشق .. متيم بالهوى .. لوتنفخه يمكن يطير
ـــــــــــــــــــــــ وان قلت ياخونا علامك .. قال اواكب هالعصر

اسمه عمر ... وليا سمعته لاحكى .. يقلب عـبير
ـــــــــــــــــــــــــــــ حتى لوان اهله بدو .. قام يتلزق بالحضر

الظاهر اني بقلب اسمي من فهد .. اباسمي سمــير
ــــــــــــــــــــــــ عشان اواكب هالحضارة .. زي مايبغى عمر

الله يرحم عودنا .. ليته يشوف اللي يصير
ــــــــــــــــــــــــ والله لوانه يدري ان اسمي سمير .. لينتحر

...... ولكم تحياتي ......................

[محـمد]

صــــــــــــــــــح لســــــــــــــــــــانك اخوي
دمــــــــــــــــــت بود

[فهد العصيمي]

صح بدنك الغريب تسلم على مرورك وتقبل تحيآتي ..

[نوف]

[align=center]




اخي العزيز فهد العصيمي

قصيده رائعه تستحق القراءه مراراً وتكراراً

تسلم يمينك على أختيارك وذوقك الراقي

لاعدمنـــــــــــــــــاك يالغالي

دمت ودام وجودك

[/align]

[فهد العصيمي]

تسلمين يا نوف على الرد الرآئع واشكرك على مرورك ولا هنتي وتقبلي تحيآتي .

[فواز الشيباني]

اخي فهد العصيمي
مشكور يا غالي
على القصيده
الرائعه ولاهنت

[((الدلبحي))]

صــــــــــــــــــح لســــــــــــــــــــانك

[اخو من طاع الله]

رائعه الابيات اخوي فهد

تسلم يمينك على الاختيار الاكثر من رائع

الله يعطيك العاافيه

[فهد العصيمي]

صح بدنكم يالربع ولا هنتم تسلمون على المرور واتمنى لكم التوفيق. اخوكم : فهد العصيمي

[النـايــــــف]

صح لسانك اخوي فهد العصمي


وبيض الله


ومعليش اخوي فهد


ونبي ننقل القصيده إلى قسم قصائد الاعضاء


تحياتي لك ،،،