لو آنكـ ماآنت من قوم لها في داخلي مقدار ... ماجيت انخاكـ يالغالي وربعي ربعي عتيبه

[فيصل بن جامع]

بسم الله الرحمن الرحيم

صباحكم فل ومساءكم كآدي ..

قصيده رائعه آتمنى آن تنال رضائكم وآستحسانكم ...

.
.

تتوه افكار وندوّر قصيد ..وتنجلي افكار
....................... من اللي غادر إدياره وصارت غيبته غيبه

وتضيع إحقوق والدنيا مشاريه وغلا واسرار
....................... وادور لي على رجلٍ فعول الطيب تحكيبه.!

ولاحصلت كود اللي من إرجالٍ لهامقدار
....................... ابو محمد في وقت الطيب تلقى طيبته طيبه

يابو محمد انا جيتك من اوضاع الزمن محتار
....................... زمانٍ جنن العاقل ..خبير فيه وادريبه.!

ابشكي لك عن اللي صار واللي مابعد قد صار
........................ حبيبٍ راح وايامي تناديه وتهذريبه.!

حبيبٍ في وسط عيني يساوي له دوّل واقطار
........................ وانا في عينه اسوالي رجالٍ إسمها هيبه

حبيبٍ أنسج حروفي على ذكره وكلٍ غار
........................ من حروفي وهي دائم تودد له تغني به

ولكّن شوفني عقب الغياب المجرم الغدار
........................ آحاسيسي تقول : البعد بانت لك عذاريبه.!

وانا اقول الزمن هذا إلا منه نوى يختار
........................ سرقّك وبان في راسك من أفعال الزمن شيبه .!!

لو إن إيفل يابو محمد يحس بضيقتي إنهار
........................ لو أن الحظ خاواني ماعشت العمر في خيبه.!

لو إنك مانت من قومٍ لها في داخلي مقدار
........................ ماجيت انخاك يالغالي وربعي ربعي عتيبه.!

لذا جيتك وانا تايه وفي صدري تتوه افكار
........................ من اللي غادر إدياره وصارت غيبته غيبه .!!


عبد الرحمن مازن العطاوي ..

[الأدميرال]

صح لسان الشاعر عبدالرحمن
ولاهنت على النقل يافيصل
ويعطيك العافيه

[بدريه العتيبي]

صح لسان اللي قايلها

لاهنت على الطرح

[فيصل بن جامع]

الادميرال

تشرفت بمروركـ من هنا ..

وسعدت بآطلالتكـ وحضوركـ الراقي ..

بدريه العتيبي

آنرتي المكان وسعدت بتواجدكـ ..

دمتم بخير ..

[{ أبوفيصل }]

صح لسان شاعرها

سلمت ودمت على نقل هذه القصيدة

تحيتي

[بقآيآ كحل]

صـح لسـأن الشاعر ..

وتسلم يمين النـآقل ..

تحيتي ..~

[فيصل بن جامع]

خليجي

شرف آن أرآكـ آحد المارين من هنا ..

فقد سعدت بآطلالتكـ ..

بقايا كحل

آنرتي المكان بحضوركـ ..

وتشرفت وسعدت بتواجدكـ ..

دمتم بخير ..