سلام..لاحلى الانام
كم مره سمعتو..عن وحده قمر..جميله..تقط الطير من السماء :) ..وزوجها مايحبها :( ..او مو حاس بجمالها...بالعكس اذاسمع اهله يمدحونها ويتغنون بجمالها..يقول: والله منيب اشوف اللي انتم تشوفونه :D
وكم وحده..تتمتع بقدر كبير من الملح والحلى...سمعتوها تتشكى..بانها تتزين..وتتكشخ..وماذخرت شي تتلاه نفسها ..من امور الرشاقه...والدايت..والجمال...ومدهره..كريمات...ومسا جات ونوادي...ومع هذا تقول زوجي ما يعطيني وجه..وعمره ماقال انتي حلوه..او يازينك..اوحتى غار عليّ 
بعضهم اللهما ياكافي..من كثر ما تحطمت من عدم احساس زوجها بحلاوتها..بدت تفكر تعمل عمليات تجميل..كود ان زوجها يحس بالنعمه اللي ربي معطيه اياه ..وبعضهم من القهر مير ما شاورت..نفخت الغزوز :D والبراطم:D ..والصدر :D ..وشفطت البطن...عشان ابو الشباب يتنح في جمالها ويخر صريع جمالها الفتاكّ:D ..ومع كلبو هالتعب والمشاوير والمخاطر..برضو.سيد الكل..ماهوب يمها ولاشاف هالجمال اللي مطيرن عقلها وفلوسها :o ..ويمكن تحدث نتيجة اسوأ من الوضع القائم..تلقاه يقول لها: لعبتي بعمرتس..مير اول اشوى شوي :D ..ومغير مطيرن عيونه بهيفاء وهبي.. واليسا..ونانسي عجرم..يناظرهم وينفض ثوبه <<<== حركة رجاليه لا اراديه تحدث في حال شاف بنت مغريه في التلفزيون:D ..
بالله وش السر؟
هالحريم..يتشاورون..
يتحاورون..
يتساءلون..
يتحلطمون...
في جنوووون:D ..
ازواجنااا..وش يبووووون..؟
ازواجنا...
ليه مايحسون..؟
ازواجناااااااااااااااااااااا
منعمووون :D
ياقلبي انتي وياها..تدرون وش مخلي زوجتس يشوفتس جنيه ..وشيفت الشيف :D ؟؟
تدرين ليه مهما دوكرتي في عمرتس وبدعتي.:D .وراه مايجوز له ولاحتى يلفت نظره
؟
تدرين وش مخلي رجلتس يشوف معالي زايد الشينه ام برطم ازرق ويابس ازين منتس يالحلوه
السبب في العفن اللي في جدران وارضيات بيتس :D
اقرو هالخبر في اخر صفحه من الجزيره ..عدد امس..:
تحت عنوان:
(عفن) يبشّع أشكال النساء في مخ الرجل!!
000000000000000000000000000000000
االأحساء - زهير غزال:
اكتشف باحثون (عفن فطري) يعيش بين الجدران الأسمنتية وطبقات السراميك حيث يفرز هذا العفن مادة سامة تتغلغل داخل الجسم البشري وتصيب العصب البصري في مخ (الذكور) بالإضافة إلى إحداث اختلالات هرمونية جنسية ونزف لا يستثني حتى الأطفال الرضع.
وبحسب الفريق العلمي السعودي التابع لكلية الطب البيطرية والثروة الحيوانية بجامعة الملك فيصل بالأحساء، فقد تم اكتشاف هذا العفن المعروف علمياً (استافي بترس عترا) في 10 منازل بالأحساء من بين عدة عينات عشوائية وباستخدام جهاز علمي مخصص لكشف أنواع محددة من الفطريات..
ويهاجم العفن الفطري البالغين من الذكور منتجاً سماً يعرف علمياً ب(بتريو توكسي كوستزز) من شأنه تدمير العصب البصري في المخ لدى الرجل مما يتسبب بعد فترة بسيطة في استبدال أشكال جميع الإناث إلى أشكال بشعة وغريبة وغير مقبولة وهو ما يترتب عليه تصرفات غير طبيعية من الرجل تؤدي إلى حالات عنف أسري تصل إلى الطلاق، كما أن هذه المادة السامة الناتجة عن العفن، تسبب خللاً في التجاذب الجنسي بين الزوجين بتغيير التركيب الهرموني الجنسي لدى الزوج. وذكر الفريق أنه لا يستبعد وجود هذا (العفن) في مناطق أخرى بالمملكة.. علماً بأن وجوده في المنازل الأمريكية يشكل نسبة 75%..!
خخخخخخخخخخخخخخخخخخخخخخخخخخخخخخخخخخخ .وانا اقول بعذر اكثر الرجال السعوديين حايمتن تسبودهم من حريمهم يادافع البلا اثره من ذا العفن.. :D ..
عاد ذا العفن الوعي مالقى يخرب الا العصب البصري عند الرجال ;) .كان خرب مركز التحكم والتسلط والجبروت في مخه ..كان خرب مركز الشفاحه وحب مطالع الحريم اللي غير حرمته:D .كان خرب مركز التعنت والتصلب في الرأي مع زوجته وعياله وخلاه حليو وفي المطوعه:D
المهم انا من هالمكان قررت ما احط في بيتي المستقبلي سيراميك :D ..
بعذر البدو الرحل كانو يعشقون حريمهم ويموتون فيهم ومغير اشعار وقصص عشق وفلة حجاج :) .بلا ماعندهم جدران اسمنت وسيراميك.. :) ..
وانتم يا بنات حواء ان شفتي رجلتس متغيرن عليتس وتسحلن بتس..اعرفي انه من العفن :D :
يعني اهجدي..مافيتس عيب..لا تشغلين عمرتس..هاي لايت ولو لايت وريجيمات وكريمات..ومكياجات وعدسات وقمصان وشموع .ولاهوب جايب نتيجه ياخلاف .البلا معد هوب فيتس ياخلف جداني:p ..
| 
|
05-27-2007, 11:18 AM
البلا موب منتس
المواضيع المتشابهه
العرض العادي
