سلطان السـعد

[ابن مسلم]

[align=center]بسم الله الرحمن الرحيم

أخواني الأعزاء

:11612_1210249319:

اليكم هذه المتواضعه اللتي قلتها في سمو سيدي صاحب السمو الملكي الامير/ سلطان بن عبدالعزيز آل سعود ولي العهد

لعلها تلاقي إستحسانكم وتشفع لغيابي[/align]

[poem=font="Simplified Arabic,6,darkblue,bold,normal" bkcolor="transparent" bkimage="" border="double,4,skyblue" type=2 line=0 align=center use=ex num="0,black"]
مبداي بإسم الله جل جلاله=سبحانه الفرد الصمد عالي الشأ ن
الحمدلله والشكروالثناءله= اللي خلق هالكون والإنس والجان
الشعر خيل في خفوقي خياله= ثم إنهمر وبلٍ تقفاه ودان
شاعر ومن شعري تفوح الأصاله= مانيب متسلف من فلان وفلان
وإن صار شعري في رموزالشكاله=يجيك بيته كنه السيف شامان
ياهاجسي عجل وهات الجزاله= عن العلوم الطيبه ما أنت عجزان
عن مايكن الصدرعندي رساله=تعبير عمابخافقي لاأطيب إنسان
له الوفاء مني وكلي ولاء له=ومني سلامن له بمسكٍ وريحان
هذاك أبو خالد لياقال قاله=ترجح موازينه على كل ميزان
اللي على العالم صعيبٍ يناله= بالهمه اللي فالقساء شانها شأن
وإلياأرتكى للحمل ياعنك شاله= وعندي على ماأقول شاهد وبرهان
مهماومهماقلت ماأوفي خصاله=تعجز بيوت الشعر في وصف سلطان
سلطان رمزٍ نستقي من خلاله= ياماتعلمنا المكارم والإحسان
في غيبته هالشعب شيٍ جراله =ماظنتي يجري ولاظنتي كان
شعبه منامه كم شهر ماهناله = حفين خدود الناس من دمع الأعيان
نفس الرجل وعياله وحرماله= فدوه لسلطان السعد طيرحوران
كل ٍ طلب ربه وكل ٍ دعاءله= يحفظ لنا بأمره سلايل كحيلان
وأسعدخبروأسعدنبأ بالوكاله= هذا البيان اللي صدرعبرديوان
قالواولي العهد بأعز حاله= وتباشروا بالعلم في كل الأوطان
والحمدلله يوم صارت سهاله= وعم الفرح بقلوب شيب ٍوشبان
عسى الولي يمدله في لياله= وعسى الولي يبعدعنه كل الأحزان
عضيد أبو متعب وحنا رجاله= لاجاءنهار ٍفيه داين وديان
رجالناماهمه اللي إقباله=به تجتمع قوة عزيمه مع إيمان
هذا كلام اللي طمع بالجماله= والعذركان القاف جاءفيه نقصان
وعلى رسول الله وصحبه وآله=صلاة ربي عدهمال الأمزان[/poem]
[align=center]
وسلامتكم [/align]

[ابوسـعد]

تسلم ياطويل العمر على هذه الابيات الجزله وهي شافعه لك ولكن غيابك صعب جدا وصح لسانك وعز الله وفيت ويستاهل ابوخالد عسى الله يرده إلينا عافيا ان شاء الله ولاهنت يالقرم وياهلاااوغلاااا بشاعرنا المفضل

[سلمان النفيعي]

.



ابن مسلم ، صح لسانك الف ولااهنت

صح منطوقك وسلمت يمناك ..



ٍ

[فهيد مقعد الرويس]

[align=center]صح والله لسانك

يابوضيف الله

قبل اقراءها ناويلك نيه من شان الغياب

وبعد ماقريتها هونت عن شكواك على ابن سعدي:)

الله يبيض وجهك على هذا الابداع في من يستحق الله يمد في عمرسموه

تقبل اطيب تحيه[/align]

[ناصر بن سعدي]

شاعرنا الرائع ...

فارس بن مسلم ..

صح لسانك ..وبيض الله وجهك..

وقصيده تجمل ..

ونحمدالله على سلامة سلطان السعـد ..وبإنتظار عودته إلى أرض الوطن سالماً معافا ..


وقصيده أعجبتني .. وقد قرأتها قبل أيام بـ جريدة الجزيره ..

على هذا الرابط


<<والشكاوي فكنا منها يافهيد الرجال جاب عذرٍ سمين :)

وبالتوفيق لك ..وصح لسانك ..

[تركي ابن خالد]

::

..


آللهٌ آللهٌ

صـحٌ السآنكٌ .. وبيضٌ اللهٌ وجهكٌ ..؛

كلّ الودّ .

..


::

[ابن مسلم]

المشاركة الأصلية كتبت بواسطة abosaad تسلم ياطويل العمر على هذه الابيات الجزله وهي شافعه لك ولكن غيابك صعب جدا وصح لسانك وعز الله وفيت ويستاهل ابوخالد عسى الله يرده إلينا عافيا ان شاء الله ولاهنت يالقرم وياهلاااوغلاااا بشاعرنا المفضل

صح بدنك

وبيض الله وجهك

[مشاري الغنامي]

ابن مسلم


صح لسانك على هـ القصيدة الأكثر من رائعه ..


تقبل مروري ومتابعتي ..

[ابن مسلم]

المشاركة الأصلية كتبت بواسطة سلمآن النفيعـي . ابن مسلم ، صح لسانك الف ولااهنت صح منطوقك وسلمت يمناك .. ٍ

صح بدنك

وبيض الله وجهك

[المرقب]

صح لسانك يبن مسلم على هالجزاله

هـذاك أبـو خالـد لياقـال قـالـه
,,,,,,,,,ترجح موازينه علـى كـل ميـزان

اشهد انك صادق

والله يشفي ابوخالد ويرده سالم