توبه .. سعد بن علوش

[فهد العايضي]

بسم الله الرحمن الرحيم

هذه قصيده أعجبتني للشاعر سعد بن علوش وأتمنى تحوز على

رضاكم وإستحسانكم ...


[poem=font="Simplified Arabic,4,black,bold,normal" bkcolor="transparent" bkimage="backgrounds/30.gif" border="outset,4,gray" type=0 line=0 align=center use=ex num="0,black"]
من كل حرف وكل شهوة صبابه=أستغفر الله وأتعوذ من ابليس
أعوذ باللي اوى عبد وسرا به=لاجى نهار الحشر خلف امرئ القيس
يارب يارب الكرم والمهابه=يالي لك اعلام الاوادم مناكيس
جردني من النابيه والسبابه=ولبسني من دروع هديك متاريس
تعبت من مسك القلم والكتابه=والشعر وفتن النسا والاباليس
والمدح في عزوه وشيخ وقرابه=واللاء .. لدعوات الرضيين والليس
والحب وماحوله وماله وهابه=والدمع لا هبت علي النسانيس
والشوق وغفال العقل وانغلابه=والليل وخطط الدها . . والجواسيس
والشهرة وحكي العرب واللبابه=وزملوق شف ما تعسه عواسيس
وحصر اسمي فشاعر فساحة غرابه=شعارها فيهم رخوم وملاحيس
وانا لعطاش الاوادم سحابه=ومن خلقتي ما قد وطيت الدنافيس
تاكي على ارث الاسم بالنيابه=واقطف خلاصة ما اغرسوه الغواريس
احسبني فايز بالرضا والذرابه=واثري مثل من يحصر النور في كيس
اقفي من الله والامل والرضا به=واروح ادور من ورا ابليس احاسيس
اسهر على فن الكلم والخطابه=واصبح ولين اللي جمعته حماليس
قلبي لعزف الاوادم ربابه=وراسي لخطوات الشطانه دواعيس
تقودني نفسي ولا اشعر ولا ابه=مالت عليها عاصيات الهواجيس
من عنده ان كل الشعور يتشابه=روس مع اللي في الدحادر مراويس
الاثم ما حاكه في خفوق وخفا به=والخير ما شاعته روس النواميس
كم شي صار وصار ما يندرا به=وكم نومة ماكدرتها كوابيس
ترى ما احد له في رقبتي طلابه=بس الصراحه من شم الفواعيس
والرجل اذا ما يعتبر في شبابه=يعيب قبل يشيب ويشيب ويخيس
ياراجي ارجي اللي ما ينصك بابه=لا ترجي الوهبات من هيس ابن هيس
استغفر الله واتتقى عذابه=اللي فرقني عن حياة المتاعيس
من قبل لا اعرف الهدى واعنا به=انا وهمي والحزن face to face
والحين لله . . الفضل والا نابه=متعافي . . ويمشي على زندي التيس
هادي . . يشوشني طزيز الذبابه=لا عد لايام الغبيه ولا اقيس
شريت عقلي في سؤال واجابه=انا اعبد الله . . والا اعبد الوساويس ؟
لذة خفوقي وانجلاية ضبابه=سجدات ليل ظالمينه مناعيس
فاجواء مكه والحرم والرحابه=لا يا بعد روما ولندن وباريس
هذي ديار المصطفى والصحابه=وهذيك دار ابليس وعويل ابليس[/poem]

[التركي]

[align=center]والرجل اذا مـا يعتبـر فـي شبابـه [/align] [align=center] يعيب قبل يشيـب ويشيـب ويخيـس [/align][align=center]ياراجي ارجي اللي ما ينصـك بابـه[/align] [align=center] لا ترجي الوهبات من هيس ابن هيس [/align]
[align=center]استغـفـر الله واتتـقـى عـذابــه[/align] [align=center] اللي فرقني عـن حيـاة المتاعيـس[/align] [align=center]تسلم يمينك يابومشاري علي النقل الجميل[/align] [align=center] تحياتي [/align]

[ابن شــداد]

فاجـواء مكـه والحـرم والرحابـــه *لا يا بعـد رومـا ولنـدن وباريــــــس
هذي ديـار المصطفـى والصحابـه *وهذيك دار ابليـس وعويـل ابليـس



قصيده رائعه وانت الاروع

[فهد العايضي]

التركي

ابن شداد

اسعدني مروركم

وأشكركم جزيل الشكر

[فهد بن فهم]

الله يتوب علينا وعليه وعلى كل مسلم


شكرا لك اخوي

[فهد العايضي]

آمين

ومشكور على المرور يافهد

[KING-SIZE]

مشكور يالغريب على القصيده الرائعه والله يرزقنا وإياه التوبة النصوح وفعلاً لا راحة ولا سعادة ولا طمأنينه إلا في التوبه الى الله والإستقامه على دينه

[إبن ثعلي]

مشكور يالغريب على حسن الاختيار
تحياتي

[حسام هوازن]

شكراً على الموضوع الحلو والجميل يـــــ الغريب

[ابوسـعد]

مشــــــــــــــــــــــــــــــــــــــــــــــــ ــــــــــــــكوررررررررررررررررررررررر
يالغريب على هالرائعة الجميلة...........................................