انا اتحدى البشر لاجلك ولاجلي انت متحدّي

[مزعلة النساء]

[align=center]


مرحبا عتيبه ...

قصيده منقوله .. لشاعره في النت مجهوله ..
رسمت بأبيات قصيدتها .. حال حياتها ..
في فتره من الفترات .. والسماح لو تم تكررت مسبقا ..
واتمنى ان تنال اعجابكم ..

إليكم القصيده ...


حبيبي والعلاقة بيننا تدعو للاستغراب
احبك والمسافات الطويلة بيّحت سدي


احبك والوصل في مجتمعنا زلة(ن) تنعاب
وعادات القبايل حكمها ماهوب ينردي


صحيح ان روحنا وحده ولكن نعتبر اجناب
وجدك بالقسا في هالمواقف يشبه لوجدي


وقلبك شاري(ن) قربي ودوني وقفوا احزاب
تبيني يوم ابي وصلك ولكن عاجزة يدي

ويدك عاجزة ايضا ولاتقدر تدق الباب
ولاهي قادرة تمسح دموع(ن) سالت بخدي


أكابر يوم اشوفك واحتفي بك ياهلا مرحاااب
واقول اصبر فديتك مالنا غير الصبر بدّي


ولاني ناوية قلبك بلوم وشرهة(ن) وعتاب
احاول آتصبّر واحبس همومي ولا أبدّي


وانا اللي فاهمة وضعك وانا اللي عارفة الاسباب
وانا اللي بالمصايب ما فٍ هالدنيا احد قدي


وانا ماني أنانية ولو قلبي بحبك ذاب
وانا ادري حظي الاقشر وقف من دونك وضدي


ولان التضحية بالحب ماهي دردشة والعاب
نويت اضحي بحبي لاجل سعادة مودّي


رجيتك تبتعد عني وقلت ارحل ولا ترتاب
خلاص اليوم ترسيم الحدود وذاااك هو حدي


وابيّن قوة العاشق واشيل الساس والأطناب
واقول من الهوا جزنا مع انه صدق ماودي!؟


ورحت بعيد عن عيني وزولك عن عيوني غاب
وانا عقبك ما غير ابكي والوم الحظ المصدي


صبرت وضاعت الحيلة خيالك ساكن الاهداب
وطيفك كنه موصًّى يمر القلب ويعدي


زبنت النت من بعدك دخلت بمنتدى المرقاب
عساني انشغل عنك وازيد بقسوتي وصدي


وصرت اكتب لهم عنك قصايد كلها اعجاب
وهم ماقصروا فيني عجبهم شعري وعدي


وكم قالوا لي ابدعتي وكم صفوا لي الالقاب
ومع ذلك عجزت اسلى وجرحي دوم يشتدي


وانا والمنتدى صارت علاقتنا كما الاصحاب
احسه يفرح لفرحي وفي همي لي يهدي



وفي لحظة ضعفت وجابني لك شوقي الغلاب
سبب بعض الهجوس اللي تجيب الهم وتودي


وشلت بداخلي روح(ن) تبيك وخافق(ن) منصاب
لقيتك جايني والحال متغيّر و متردي؟


علامك هيكل(ن) محني؟؟؟ علامه عارضك قد شاب؟؟
سألتك وانتظر منك جواب(ن) كافي وردي


بعادي هو سبب همك؟؟ جعل يفدونك الاحباب
تعال وشرهتك عندي وباب البعد ينسدي


تعال وخل احاسيس الغلا في خافقي تنساب
ترا ما اقدر على بعدك انا احاكيك من جدي


خلاص اليوم ماني حاسبة لاحدن سواك حساب
ماعاد ابعد عن عيونك ولو هالكون ينهدي


خلاص اليوم لاحيرة ولا لوعة ولا استغراب
انا اتحدى البشر لاجلك ولاجلي انت متحدّي

وسلامتكم

منقــــول ( ولا علم لي باسم الشاعره ) ..












[/align]

[ملكة الورد]

صح لسان قايلها وسلمت يمين ناقلها

الله يعطيكِ ألف عافيه يالغاليه

ولا هنتي

مودتي

[ރسلايـل المجـدރ]

[align=center]صح السانكـ والسان شاعرها [/align]

[مزعلة النساء]

المشاركة الأصلية كتبت بواسطة ملكة الورد صح لسان قايلها وسلمت يمين ناقلها الله يعطيكِ ألف عافيه يالغاليه ولا هنتي مودتي

[align=center]صح بدنك .. ومشكوره ..[/align]

[مزعلة النساء]

المشاركة الأصلية كتبت بواسطة سبـ~|راعي|~ــلا [align=center]صح السانكـ والسان شاعرها [/align]

[align=center]صح بدنك .. وتسلم ..[/align]

[النـايــــــف]

يعطيك العافيه اختي مزعلة النساء


ومشكوره على هذا الاختيار


تحياتي لك ،،،،

[مزعلة النساء]

[align=center]

هلا اخوي العتيبي ..

الله يعافيك .. مرورك تحيه ..

اعتز فيها وافتخر .. مشكور وتسلم ..

[/align]

[محمد العتيبي]

نقل رائع يامزعلة النساء وصح لسانك ولسان شاعرها

تحياتي

[مزعلة النساء]

المشاركة الأصلية كتبت بواسطة محمد العتيبي نقل رائع يامزعلة النساء وصح لسانك ولسان شاعرها تحياتي

هلا محمد العتيبي ..

الاروع تواجدك ..وصح بدنك

[عتيبيه]

لا هنتي على هالنقل الرائع صح لسان قاييلتها :)