شعراء عتيبه بشاعر المليون

[سلطان القثامي]

السلام عليكم

هذي بعض المقتطفات عن شعراء عتيبه بالبرنامج الشعري شاعر المليون

الشاعر _ يوسف العصيمي



نبذه عن الشاعر

الاسم: يوسف بن عبد الرزاق بن جابر العصيمى

السن: 23 سنه

البلد: العراق

المهنة: أعمال حرة

نبذة مختصرة عن حياته :

ولدت ونشأت في الكويت في عائلة بدوية تهتم بالشعر، ثم انتقلت إلى العراق ثم إلى الإمارات - ولم اتجه

للإعلام إلا من خلال برنامج شاعر المليون.

حوار مع المتسابق

1-من هو شاعرك المفضل ؟
يوسف بن رزاق بن جابر العتيبي

2-ما هي قصيدتك المفضلة ؟
كلها

3-ما هو بيت الشعر الذي تردده دائماً ؟
لا تحسب الدنيا تجي دايم بريف كلن يموت وحاجته ماقضاها

4-أول قصيدة كتبتها ؟ وما هي مناسبتها ؟
لا أذكرها بالضبط

5-اهتمامك بالشعر النبطي.
بدأ اهتمامي بالشعر منذ النشأة الأولى حيث أنني كنت أحفظ القصائد قبل أن أصبح شاعراً

6-لماذا التحقت بمسابقة شاعر المليون ؟
لأني على يقين أن المنافسة تدفع صاحبها إلى الإبداع وأنا في بداية تجربتي. ولاختصار المسافة للوصول إلى الساحة الشعرية.

7-هل أنت متأكد من أنك ستحمل لقب " شاعر المليون " ؟
إن شاء الله.

ترد القصايد ردة البل على المقهور****ليا صاح صياح المعاني براس القور

تحول وترقى مع ضلوعي واحس بها****تدرهم بصدري مثل درهامة المظهور

تدرهم بصدري لين تورد على قلبي****واذا صدرت ما مثل هاك الشعور شعور

ادور على بيوت الجزاله واوسمها****ولا اوسم الواقف ولا اوسم المكسور

لان القصيده فكرة ابداع شاعرها****ولا ينبت الابداع بارض الخيال البور

وانا شاعر ومبدع وامثل بني عمي****مثل ما يمثل يام شاعرهم المشهور

مثل ما حضرت اول واجازتني اللجنه****ابا امتع اللجنه وابا امتع الجمهور

ولاني من لطامة العايل عتيبه****اذا ما ضحك تركي وما صفق الدكتور

تمر بخيالي بعض الافكار واكتبها****مثل ما يمر من الزجاجه شعاع النور

وانا اللي جوانب فكرتي يوم اكملها****يصير الورق عش القلم والقلم عصفور

كبرنا وشفنا والليالي عرفناها****توافيق وحظوظ رياجيل تلعب دور

وانا قادر اغني معاهم واشاركهم****وحظي معاهم طيب ولا عليه قصور

ولكننا في بعض الاحيان تلقاني****احاول احس احساس ابو جعفر المنصور

لو انه يجي ويشوف بغداد وش صارت****سماها كفن للناس وترابها كافور

لتحميل القصيده اضغط هنا



الشاعر _ فهد القثامي



قفل حسـاب المحفظـه بعـد صفيـت****معاد لي فـي سـوق الأسهـم تجـاره

ياليتنـي فــي سوقـهـا ماتعنـيـت****ما أخذت منهـا إلا الفلـس والخسـاره

أمسيت فيهـا مغتنـي ليلـة أمسيـت****واصبحت ضيف الفقـر نـازل بـداره

وش عـاد يا سـوق الهواميرخلـيـت****مـن لـؤلـؤ البـحـار ولا مـحـاره

كنـت اتحلـم اغتنـي وابتنـي بيـت****والجيب ياقـف فـي كـراج العمـاره

واسلـف المحتـاج حسـب الثوابيـت****وافزع لابـن عمـي وضيفـه وجـاره

وفجأه على الواقع مـن الحلـم فزيـت****الله ولا حـلـمٍٍ كـوانــي بـنــاره

(من كثر ما من بعض الأحـلام عانيت****خط اتصال الهاتـف بـلا حـراره)!!

بالله عليكـم ياهـل الجـاه والصيـت****أحـدٍ تجـرع مثـل هـذا الـمـراره

مرة سنـه مـا فـي الليالـي تهنيـت****مـره يميـن الـدرب ومـره يسـاره

في الليـل اسامـر منتديـات وصيـت****والسوق من بـدري اتحـرى اخبـاره

أقرا البلونجر كل ما اصبحت وأمسيـت****واتبـع الشـارات شــاره بـشـاره

مافيه عصر مـع الجماعـه تقهويـت****ولافيـه يـومٍ نمـت بـأول نـهـاره

(ولا عـاد عنـدي للمواعيـد توقيـت****إلا صـلاة الـفـرض والإستـخـاره)

وعلى اجتهادي وكثر ما اقبلت واقفيـت****عيـت تفيـد المعـرفـه والشـطـاره

((واصبحت من كثر الضغوطات كبريت****من يـوم تشخطبـه يولـع شـراره))

احيان يضرب هـا المؤشـر دناميـت****ويصفـق بالأحمـر ويتبـدل مسـاره

ولاعادتسمع غير وش بعـت وابقيـت****والنـاس واجـد يقطعـون الإشــاره

ياطول ساعـات الحـزن والتناهيـت****وياقصـر ساعـات الفـرح والبشـاره

رحنا ضحايا الحرب بيـن الطواغيـت****كـلٍ علـى الثانـي يسنـد بـغـاره!!

والسوق كله اصبـح بكـف عفريـت****الله يدمـر مـن سعـى فـي دمــاره

الشاعر _ فيصل السواط





اللي حبيت اقوله ان يوسف العصيمي تاهل على قرار اللجنه المكونه من

حمد السعيد_تركي المريخي_غسان الحسن_سلطان العميمي_علي المسعودي حيث حصل على المسرح على 96 % من الاصوات

وحصل فيصل السواط على 55%من الاصوات داخل المسرح ويوم الثلاثاء

دور فهد القثامي....

[حسام هوازن]

مشكور يسلطان على هذي الاخبار

وبالتوفيق ان شاء الله لأولاد العم

من قبيلة عتيبة وان شاء يكون

قي مقدمة الترتيب في البرنامج

[سلطان القثامي]

شاكر مرورك اخوي حسام

[بنت* عتيبة]

سلطان القثامي

وش اقول؟

من اتمنى يفوز؟

كلهم بصراحة عيال عم . ادعي لهم بالتوفيق كلهم.

ما اقول الا تسلم سلطان القثامي . وبننتظر فهد القثامي.

[سلطان القثامي]

المهم عندي انه يكون عتيبي

الفايز....بغض النظر عن فخذهلاننا قبيله وحده...الله يسلمك يا بنت العم

[عتيبي والفخر]

بارك الله فيك ..

اخوي سلطان متى بيجي فهد القثامي ؟

[سلطان القثامي]

الله يبارك فيك اخوي عتيبي والفخر

فهد انشا الله يوم الثلاثاء دوره

[ملاعب الاسنة]

أتمنى الفوز للعصيمي لأنه أثبت جدارته

وألقى قصيدة في غاية الروعة


ولا يهونون البقيه :)

[سلطان القثامي]

قصيدة العصيمي لها معاني عميقه

مشكووور يالغربي

[عذوبة نجد]

الله يوفق شعراء عتيبه ..

في البرنامج الناجح ..

ومشكور ..

تحياتي ..

عـــــــذوب