من روائع الشاعر عبدالمعين ابن ثعلي

[علي العضياني]

هذا الشاعر عبدالمعين نازلن في النجيل وكان مجاوره واحدن من احدى القبائل يقاله مشعان وكان عنده بنت وجاوره مده من الزمن ثم رحل عنه وبعدمده بلغه ان بنت مشعان تزوجت ثم اتوه ثنين من جماعته قالوا يا عبدالمعين حنا رايحين للديره التي فيها مشعان قال اريد ارسل معكم قصيده فقال :

[poem=font="Simplified Arabic,4,blue,normal,normal" bkcolor="white" bkimage="" border="inset,4,black" type=0 line=0 align=center use=ex num="0,black"]
[poem=font="Simplified Arabic,4,black,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا اهل الونيت اللي سرح صبح عجلان
قدام نور الصبح يسمك عموده
بالله عليكم ريضولي على شان
اعطيلكم خطن عطوني ردوده
وليا قضيتوا ياطويلين الايمان
شبوا عليه وزودوا في وقوده
وان كان مريتوا على نزل مشعان
سلم على مشعان ياللي تروده
وسلم على اللي كن خده ليابان
يشدن لون الورد حمرة خدوده
غرون سليم العرضوالعود ريان
كن الكواكب غطسن في نهوده
لاعب هوى نفسه على كل ماكان
اقفت زهوده واقبلت له سعوده
قله يقول ان كان ياصاف الالوان
موقفينك بالثمن ومحدوده
والله لترخص فيك غالية الاثمان
وكثر الثمن ماهم نقصه وزوده
عزالله انك مهرة كان لحصان
منتي بلتاجر محسب انقوده
ياليت يومنا معارف وجيران
حبلي وحبلك بالقران معقوده
على طريقة حق و الحق سلطان
الحق واضح والدلايل شهوده
وهذي سلوم الناس من عصر بدران
سوالفن بين الرجال معيوده
واحطلك قصرن على جال بستان
فالقيض فيه والشتا عن بروده
من شان ترتاحين من رعية الضان
وبعير شاوين يرقع بدوده[/poem][/align][/poem]