بسم الله الرحمن الرحيم
السلام عليكم
هذي المحاور ه جرت بيني وبين الشاعر الماهر (ابو تركي العتيبي ) في احد المنتديات الشعريه
اتمنى ان تحوز على رضاكم واستحسانكم
سالم
يا لماهرالميدان لانه ظاق مايطلع غوير = اربط حزامك والطريق اللي تدله اعبره
ترا الرجال الي مشوا بالدرب ماقالوا عسير = ماهمهم طول الطريق ولاعكاشه واحفره
الماهر
حـيـيـت ياسالـم تـرفــق فـي مـسـيـرك لاتـطـيـر000الجو رايق والصفوف امكركبه وامبعثره
اللي يهاب من الدروب العكش وش حده يسير000يـرقد بداره عـند ورعـانه بـلاشي تـجـبره
سالم
فيك البقاء ياصاحبي واقهرحصانك لايغير = احكم له التوجيه باعنانه بيدك واهجره
به ناس يالماهروراء الميدان تسمع له هدير = وان طق عود بعود تسمع في كلامه ثرثره
الماهر
عساك منته من مخاليقن يذيرها الصفير000يـجفل لـيامـنه سـمع بالليل صـوت الـحمره
نزلت بالميدان واحسـب للصغير وللكبير000والثرثره معروف راعيها عسى الله يقهره
سالم
انا اليا منك سمعت الصوت بالعالي يزير = اعرف تراني جيت بالميدان خل الجمهره
نزلت بالميدان ماعلمت سامر مع سمير = لومه عليك ان كان بالميدان ودك تجهره
الماهر
خـابرك بالمـيـدان ياسـالم تحـيـر وتسـتديـر000واقفيت والميدان من ركضك تقل فيه اغبره
سمير مع سامر ماهو مرويك لو نصب وزير000يـاطـول لـيـلك يـاسـويلم كان ودك تـنطره
سالم
_اشوي من روعك ترا ان البحر يالماهر غزير = لا تحسبنه قاع ودك في يدينك تحفره
كثر المناصب عندكم ما اغنتك عن فرش الحصير = ياكبر حيلك يالمويهر تحسبنك عنتره
الماهر
وكاد مـاغيـبـك هـالـمـده يـاكــود امــرن خــطــيـر000واللي يغاب إعن اللقاء لاصار هايب نعذره
تذبح وتصلخ وانت غادن لك على المفرش شخير000تـرقـد وخصمك في حلـوم الليل دايم تدمـر
سالم
لاجت علوم الجد يارجال منته لي نظير = اعرف هل الوقفات من فعله ومن بعد انظره
الشعريا الصاحب ترا ماهو كما حب الشعير = فنه ترا يخفاك بس انته تحاول تعسره
الماهر
وكاد انا ماني نظيرك بالشــعر ياحمد بدير000حضرت اظن اللعب حامي ماهقيته جرجره
من قبل ماتدع النشاما واجب انك تستخير000واسلم وسلم لي على ربعك وخص المـنقره
| 
|
07-15-2009, 06:13 PM
العرض العادي
