روحي بنيران المحبة تكوت . عمير بن زبن

[العفار]

[align=center]شكوى عمير بن زبن عمير [/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الروح مني يالعطاوي نتلها= فتانة ٍ واليوم عني تذوت
والفاتنه راحت ولا احدٍ سألها=والله عليم السر هي وين نوت
هي أشملت وإلا جنوب ٍ نشلها=براق صيف ٍ مع شعاعه تقوت
إنياقها يادحيم تتلي فحلها =يوم أنكفت وضلوع صدري تعوت
وإن كان ماشافت نتيجة عملها=في خافقي وعيونها ويش سوت
أكني لها مافالضماير فعلها =لو الضماير من سهمها تلوت
ألا بلام ٍ من همومي نشلها=عني ولو غابت لها القلب صوت
الدره اللي بالحلا من نفلها =اللي عروقي من غلاها تروت
في قربها عم الحياه وشملها = نور ٍ منه كل الليالي تضوت
وإن ابعدت حسيت روحي قتلها =مرسول موتٍ مير ماينتفوت
لاحال جل إجبالها مع سلها= كن الأفاعي في طريقي تطوت
وكن الحياه ببعدها هي وأهلها =مره ولو في قربها قد حلوت
إلها بقلبي منزله مانزلها=ألا ولا عذراً سواها تبوت
عندك يابن روق اعلنوا في دولها=اللي عليها روح روحي تشوت
منها عناي وحالتي شف هزلها =غصون حي ٍ عقب الأفراق ذوت
من كثر دمع العين بين حولها =وروحي بنيران المحبة تكوت[/poem]

[align=center]رد عبدالرحمن العطاوي[/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياسين ياعين ٍ تنثر بللها =يوم إن بنت البدو للبيت طوت
ياعمير تبكي يوم دنا رحلها=ولك بالأشاتي منضد البيت بوت
إن كان روحك جور حبك كحلها =وصدت بعد من منهل العد روت
وأقفت مع المضماه تشرب وحلها=وعلى جواز الريم بالقفر خوت
في ديرة ٍ راع الغنم مادهلها=ملاعب ٍ للريم فيها تحوت
شاعاك عساسٍ برجله وصلها=ومظهورهم مع طلعة الشمس شوت
زرع المحبة عقب ماأثمر سبلها =حل الفراق وزرع الأحباب موت
ونفسك عصت عذالها اللي عذلها=راحت بدرب الغاويه لين غوت
ختال نفسك بالمحبة ختلها=وإلا بقلبك وإن نحى زملها أوت
وامسيت نفسك تشتكي من نكلها=هاويتها لو هي على البعد هوت
لجل العيون اللي تهلهل هللها=صبرت للعوجا وهي ماتسوت
أقفن بنات البدو تلفح قذلها =مافاتهن ياعمير قالن مفوت
وراع المحبة يوم يذكر عسلها=تراه مثل الطير لوحام حوت
ياعمير عان الحب حالك سملها= ومحبتك بين الحبايب تثوت
وباق المحبة راعي البل غسلها =اللي عليك حبال الأوجاع لوت
وراك ماوادعتها في حللها = يوم إنها للبل على البيت ضوت[/poem]

[صلوا على محمد]

مشكووور العفار

مع اني مافهمت نص الكلام بس عارفه وش الموضوع

[ابوسـعد]

عافاك ربي وجزيت خيرا على الايراد..الشكوى رائعة والرد جميل والكل اجاد.....لك الشكر على الدوم...

[العفار]

نوسه/ هذا وانتي مشرفة القسم الأدبي .. الله يخلف ، بس اشوى إنك فاهمة الموضوع ،،، على العموم شكراً.
أبو سعد /الشكر لك ومع الشكر تقبل أجمل تحياتي .

[إبن ثعلي]

ما قصرت يالعفار مشكور على نقل هذه القصيدة الرائعه
تحياتي

[فهد العايضي]

[align=center]صح لسانك يالعفار وصح لسان الشاعرين

والله يعطيك العافيه على النقل


تقبل جزيل شكري[/align]

[النـايــــــف]

بيض الله وجهك يا العفار


على هذا النقل


والاختيار الرئع


تحياتي لك ،،،،،،،،،،،

[** راس حربه **]

صح السااان الشعاااار

وتسلم يالعفاااار على مانقلت واخترت


واختيااار رائع


تحياتي لك