شـــــــوقي ملكني ؟؟؟؟؟؟؟؟؟؟؟؟؟

[الذويبي العتيبي]

[align=center]احبتي صباحكم ومسائكم معطره بالورود
ذات الرائحه الزكيه
اداعب ابصاركم بهذه القصيده ولعلها
تحوز على استحسانكم وهي بعنوان
شوقي ملكني




شوقي ملكني ؟؟؟؟
اللـه مطـْولـك يـالـيـل الشــقـأ والـعــذاب
تســري بروحي لحا جـه مقـدر اجـيـبها
اخذت فكري بعيد بروس ذيـك الهـضاب
قـدام ما ارتاح فـيـها لي عـــوى ذيــبــها
ذيب ليا من عـوى من يسـمعـه له يهاب
يخشى على الروح عند الذيب يســريبها
قضيــت ليلي وشـوقي فـالمعـالـيـق ذاب
وانا انـتـظـر من معي يالـيـل يـبـدي بها
شـوقي ملكـني وقـفــا مـثـل نـو السحاب
ديره تـركها ودار إيـحـب يـمــسـيــبـــها
ما يدري ان المـطرلاطاح فوق التـراب
يحيي جـذور هـمـاد الوقـت قـاضي بـها
تـفـرح ليا مرهـا نسـمـة براد وضـبـاب
تـطـلب مـن الرب تـبـرد من لواهـيـبــها
وانا مـثـلها فـقـد عـقـلي لدرب الصواب
ســبـة ولـيـفي جـروحـي زاد تـعـذيـبــها
اذا ذكــرتـه يـجـي قـدام عـيـنـي سـراب
اقـول اعـذر ومـر اقـول يــمـدي بـــــها
ذي مـنـوتي ماتـمـنـاها وسـيع الجـراب
اللي مـن الخـيـر كـل يـديــه يـرمـيـبـهـا
المال ماهـو مـنـجـي من شـديـد العـذاب
ولا يـشـري ارواح طـمعـتـنا بـتـقريـبها
واللـه لـوكان يـشــريـهـا لعــبي جـــناب
وآخـذ هوى الـنـفـس مـنهم ثـم لـقـفـيـبها
يقطعك ياوقت وجهي من سبايـبك شـاب
وانا بـوقــت الشــباب الروح داري بــها
الناس يـقـلون لون اسـود بريش الغراب
والشـيـب فاهـل الوفـا ماهـو عـــذاريبها
وياعـاذل القلب هـون من كـثـير العتاب
الروح تــفـدى لـهـا واكــرم مـنـاديــبهـا
متى عـلى الله يجي بين القـلوب إنجذاب
ويـزول هـم الـنـفـوس وتـلقـا اصاحيـبها
واللـه لـن وافـقـت لشـــد فـوق الـركـاب
واوصل لـديـرة وليف الروح وامـشـيبها
امشي بصحراءواسيروسط ذيك الشعاب
واقطف زهور الغلا من قـلب اشاعـيبها
وانا عـتـيـبي وربـعـي فـاللـقــا ماتهـــاب
لـهم مـع الوقـت هـيـبـه لو غـدى طيـبها
الطيب منهـم يـغـطي مذهـلات الصـعـاب
والموت من عزوتي لو جيت اماري بها
وباقـي القـبـائـل لهـم تـقـدير في كل باب
حـقٍّ عـلـيه لـــقـــولـه يـوم اغــني بهـا
[/align]


انتظر انتقاداتكم لاعدمناكم
اخوكم ابو مازن رداد الذويبي العتيبي

[إبن ثعلي]

صح السانك ياابو مازن قصيدة رائعه لايعلى عليها خاليه من كل العذاريب ماقصرت وننتظر المزيد
تحياتي

[ناصر بن سعدي]

الغالي

الذويبي العتيبي


بيض الله وجهك..قصيده وافيه من وافي..

ونص رائع..وفكر مبدع..


لاتحرمنا من جديدك..

وتقبل تحياتي..

[ابن مسلم]

الغالي

الذويبي العتيبي


بيض الله وجهك..قصيده وافيه من وافي..

ونص رائع..وفكر مبدع..


لاتحرمنا من جديدك..

وتقبل تحياتي..

[الذويبي العتيبي]

بيض الله وجوهكم جميعا

اسعدني كثيرا تواجدكم وحسن

ردودكم

لاعدمناكم والله يحفظكم

[من عتبان الكويت]

صح اللسانك وانت مدرسة شعرية وشلون ننقدك

[ســـــارة]

صح لسانك
القصيدة حلوة ورائعه
مافيها عذاريب

[عبدالله المرشدي]

ابو مازن




صح لسانك


رائعه رائعه من رائع


لاهنت


ودي وتقديري

[الذويبي العتيبي]

[align=center]

صح اللسانك وانت مدرسة شعرية وشلون ننقدك

اخوي من عتبان الكويت

تسلم اخوي وصح بدنك والحياة وانا اخوك مدرسه

ينتهي عمر البنادم وهو يتعلم

وشهادتك تبقى وسام شرف لي احمله طول العمر

شاكر ومقدر هذا التقدير لاعدمناك

ويدل على اصلك الطيب لاهنت

تحياتي وتقديري[/align]

[الذويبي العتيبي]

[align=center]والنعم فيك اختي ساره

وصح بدنك هذا من طيبك

الله لايهينك ويحفظك ربي

اشكرك [/align]