لي بندق ما صنعهـا الصانـع التالـي

[سود العيون]

[frame="7 80"]لي بندق ما صنعهـا الصانـع التالـي
من دقة ( المارت ) نحـال مقاضبهـا

شريتها بالثمن يـوم ارخـص المالـي
إميـه وعشريـن مـا يمهـل بغايبهـا

الله يرحمـك يـا عـود شراهـا لـي
مـن واحـد جابهـا للسـوق جالبهـا

حديدهـا واذكـر الله كـنـه ريـالـي
كـن الحيايـا تطـوافـي مقاضبـهـا

اقف بها بيـن ربعـي وامنـع التالـي
لا خف ولد الردي ما احتـال يزهبهـا

عط الطويلة عريـب الجـد والخالـي
ولد الردي لا تلخونـه يـزول بهـا !!

واللـي رفيـع وللشوفـات حمـالـي
ارفـع نواصيـه يـاربـي وقطبـهـا

وانا من الخبرة اللـي شورهـم عالـي
واهل سلـوك الـردي يـارب تذهبهـا

بنت غراهـا **ـاد فـي ايـد دلالـي
ولا طمـوح هواهـا مـن يلاعبـهـا

كم مـرة قـد ضربنـا منجـم خالـي
وكـم جملـة فرقتهـا مـن ربايبـهـا

وليـا لفونـا مـن المقنـاص زعالـي
أحـد مـدح بندقـة واحـد يعذربـهـا

بشرتهـم العشـا مـن عقـب مقيالـي
القايـدة مـع مـرد الكـوع ضاربهـا

اضرب بها الوعل لاجاد لـه تهنفالـي
ابـو حنيـة كبيـر الـراس شايبـهـا

ذبحت عشرة بهـا والظـل مـا مالـي
والحاديـه روحـت تثلـغ مضاربهـا

ويالله انـا طالبـك حمـرا هـو بالـي
لا روح الجيـش طـفـاح جنايبـهـا

لا روح الجيش حاديه اشهـب اللالـي
لا هي تـورد وسيـع صـدر راكبهـا

اللي على كورهـا واللـي بالاحبالـي
واللي علـى عيزهـا واللـي بغاربهـا

لا روحت مع سباريت الخـلا الخالـي
كـن الذيابـه تنهـش مـن ترايبهـا!!

تمـت وصلـوا عـدد ماهـل همالـي
علـى نبـي شـروع الحـق رتبـهـا

اغفـر ذنـوب الفتـى يالله يـاوالـي
لا جيـت فـي حفـرة رزوا نصايبهـا[/frame]

فراج بن ريفه العبيدي القحطاني رحمه الله

[مخاوي النشامى]

ويالله انـا طالبـك حمـرا هـو بالـي
لا روح الجيـش طـفـاح جنايبـهـا
لا روح الجيش حاديه اشهـب اللالـي
لا هي تـورد وسيـع صـدر راكبهـا
أختي سود العيون سلمت أناملك على نقل القصيدة الرائعه
ورحم الله قائلها الشاعر فراج القحطاني

[برقاوي هواوي]

تسلمين أختي سود العيون على النقل الرائع والمميز

والمعذرة على تنسيق القصيدة

[سود العيون]

مخاوي النشامي هلابك


والف شكر على المرور

[سود العيون]

برقاوي

افا عليك


سو اللي تبي

ومشكور على التنسيق

والمرور

[ابوحازم]

شكرا سود العيون على هذا الاختيار الموفق والحضور المميز
واود هنا ان اشارك بمطلع القصيده :
قال ابن ريفه رقا بالمرقب العالي باعلى المرقيب تومي بي هبايبها
يامرقبي جاك ما الاسبار همالي نصوب مزنا من المنشا يهل ابها

[اخو من طاع الله]

صح لسانك ولسان قائل القصيده الشاعر القحطاني

مشكوره على النقل الرائع والمميز

[ناصر بن سعدي]

[align=center]سود العيون


تسلمين على النقل...

ومن باب الحرص والحفاظ على حق الشاعر وردت بصيغه أخرى...[/align]

[frame="7 80"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قال ابن ريفه بدافي المرقب العالي = واعلى المراقيب تومي به هبايبها
يامرقبي جاك من الاسبار همالي = انصوب مزن من المنشا يهل ابها
ما يدهله كون صافي الريش ولوالي = ولا الولع يوم يفتك في عجايبها
انا ولد طارفه مانيب **الي = اخاف من خبرة باحت مزاهبها
عليك يا مرقب جيته وانا سالي = هيض على القلب ديارنٍ شطيت ابها
هيض عليه شدوق ( الثفن ) لا سالي = عطفة ( طريب ) ليا زافت عجايبها
لامن غدا الفيض كنه زرع عمالي = سيله من القدم للبطنان ناهبها
كم مرة قد نزلنا عشبه المالي = بيوتنا لاوزا المجرم يلوذ بها
تنزله ببيوت عراف وجهالي = وانا جا النذر من خفيف مانزهبها
ربعي ( عبيدة ) الياجاهوش وقتالي = هل هية في الضحى تشعا **ايبها
انشد ( عبيده ) هل الطولات من حالي = وانشد الاجانيب يوم انا نقربها
منهو يقلط على فرش وفنجالي = سعد ابن عمه لياجاته مكاربها؟!
لامن غدا بين نقاض وفتالي = وصفت الاجانيب واذاته بطلايبها ؟!
ثم جيتها ثم لفحت بهم على الجالي = لفح الدالي للمعدي يوم يجذبها
ياركب ميمونه في مشيها ارمالي = ماشتحن من هل العيرات راكبها
تزهي السفايف وتزهي الخرج وحبالي = ومجرب لاسرى في الليل صالبها
ملفاك من يلبسون الجوخ والشالي = ربعي ودرعي وضد اللي يحاربها
ملفاك شيخ القبيلة حامي التالي = عند ( ابن شفلوت ) يالمنجوب قربها
قل له على طالت المدة وانا ( جالي )= عشر ( سنوات ) مضت بحساب مقطبها
فان كان ربعي نسوني مانيب غالي = باعيش في ديرة قفرا جوانبها !!
في ايدي قرار تكف الجمع لاهالي = طويلة ناحل مقضب خشايبها
لي بندق ما صنعها الصانع التالي = من دقة ( المارت ) نحال مقاضبها
شريتها بالثمن يوم ارخص المالي = إميه وعشرين ما يمهل بغايبها
الله يرحمك يا عود شراها لي = من واحد جابها للسوق جالبها
حديدها واذكر الله كنه ريالي = كن الحيايا تطوافي مقاضبها
اقف بها بين ربعي وامنع التالي = لا خف ولد الردي ما احتال يزهبها
عط الطويلة عريب الجد والخالي = ولد الردي لا تلخونه يزول بها !!
واللي رفيع وللشوفات حمالي = ارفع نواصيه ياربي وقطبها
وانا من الخبرة اللي شورهم عالي = واهل سلوك الردي يارب تذهبها
بنت غراها **اد في ايد دلالي = ولا طموح هواها من يلاعبها
كم مرة قد ضربنا منجم خالي = وكم جملة فرقتها من ربايبها
وليا لفونا من المقناص زعالي = أحد مدح بندقة واحد يعذربها
بشرتهم العشا من عقب مقيالي = القايدة مع مرد الكوع ضاربها
اضرب بها الوعل لاجاد له تهنفالي = ابو حنية كبير الراس شايبها
ذبحت عشرة بها والظل ما مالي = والحاديه روحت تثلغ مضاربها
ويالله انا طالبك حمرا هو بالي = لا روح الجيش طفاح جنايبها
لا روح الجيش حاديه اشهب اللالي = لا هي تورد وسيع صدر راكبها
اللي على كورها واللي بالاحبالي = واللي على عيزها واللي بغاربها
لا روحت مع سباريت الخلا الخالي = كن الذيابه تنهش من ترايبها!!
تمت وصلوا عدد ماهل همالي = على نبي شروع الحق رتبها
اغفر ذنوب الفتى يالله ياوالي = لا جيت في حفرة رزوا نصايبها

فراج بن ريفه العبيدي القحطاني رحمه الله[/poem][/frame]

[align=center]ورحم الله شاعرها


وتقبلي تحياتي[/align]

[هواجس برقاوي]

سود العيون

تسلمين على النقل الرائع

[إبن ثعلي]

القصيدة غناها سمير الوادي قبل اربعين عام واعتقد ان هناك خلط بين قصيدتين على قافية واحده احداهما لمخلد الذيابي والاخرى لابن ريفه وياليت احد ابناء سمير الوادي يقرأ هذا الموضوع ويوضح لنا الابيات اللي لمخلد الذيابي وغناها سمير الوادي الله يرحمه
تحياتي