قصيدة

[عوض الرقعي]

منهو يجا ريني على القاف ويجيب 8 منهو معي يرقا ونمشي سويا
وين اهل المعنا رجال المواجيب 8 منهو هذاك الي حروفه عطيا
الشمس تطلع ثم ساعات وتعيب 8 واليل يظلم والقمر نور حيا
والحق يجحد والصراحه غثاريب 8 والظلم واجد والمصالح تهيا
والشعر يظلم والمعاني مناصيب 8 والعب فاضح بين لكم وليا
يا هل الشعر يالي تعانون تعذيب 8 منهو عليل الجوف منكم شقيا
جاكم جراد الصيف كله لعابيب 8 يجر صوته مثل صوت الحديا
اما نقول الصدق من قلب يا ذيب 8 ولا سجنا الشوق من كل شيا
يالله معي بصوت نرقا مراقيب 8 الشعر مستعمر ويشكي عليا
ابي فعل مبي مجامل وتهذيب 8 الشعر مات وساحته لحم نيا
هاذا جوابي من يرد المكاتيب 8 للي فواده منكوي كي كيا



شعر عماش الرقعي

[طيفٌ و أستدَار]

صــــــح الله لســـانك وبيض الله وجهك

تســــلم دمــت بخير

[عوض الرقعي]

على الماضي على المرمس على طاري هذاك العام "
" على ذكرا هـذاك المجلـس المعـروف برجالـه
تذكرت وذكرت اللـي لهـم جولـه مـع الايـام "
" حـدث فـي ذاكـرة تاريـخ حافـل دوم بفعالـه
سألت العيد يـوم العيـد عنهـم والدمـوع اقسـام "
" ورد العيـد فـي نبـرة حـزن راحتبهـم لالــه
عسى ذيك الوجية الفالحـة فـي منـزل الاكـرام "
" عساهـم فـي جنـان الخلـد والفـردوس نزالـه
وجية الطيب والمعروف والجولات شـرق وشـام "
" عريبين النسـب خطليـن الأيـدي فقدهـم حالـه
عليهم كل عين تجيب من طـش الدمـوع اكـوام "
" وعليهـم كـل قلبـا يزعـج الـونـات عـزالـه
منازلهـم تقـارع عقبـهـم وجنوبـهـا هــدام "
" وشبابيـك النوافـذ عـش للعصـفـور وعيـالـه
عليهـا دارت الدنيـا وراحـت بهلهـا الاحـكـام "
" مقاديـر اليالـي تقـطـع السلـطـان برسـالـه

[عوض الرقعي]

ساق عذب الشوق وستاق الهوى

عقب تاسع حول من ذيب الفراق

ياهبايب نجد هبـي لـي سـوى

وصليه كتاب شوقـي والمـذاق

علميه انـي مريـض بـلا دوى

وخبريه ان الفضا علـي ضـاق

كان عقب اللي جرالي ما ضـوى

والله اني صرت سجين العـراق

الا سير اللي ورى الباب التـوى

راح عمره في رجا عفو الطلاق

لاصديق ولا رفيـق ولا هـوى

ذاق موته في حياته ليـن تـاق

وش مصير اللي من الفرقى عوى

في زمان المهزله والا حتراق

اليالي ماتسلي لو ترى

في عقارب ساعتي ضاع الرفاق

ياسنيني علميهم بالهوى

نعنبـو جـده وحبـه والفـراق

[إبن ثعلي]

صح السانك يااخ عوض ماقصرت
تحياتي لك

[فراس المطيري]

صح لسانك


لاهنت




تحياتي


اخوك

[عوض الرقعي]

الاخ بن ثعلي صح بدانك وحياك الله تحياتي لك

[عوض الرقعي]

الاخ فراس المطيري

صح بدنك وحياك الله
تحياتي لك

[عوض الرقعي]

--------------------------------------------------------------------------------




كـل مـار وحـت رجلـي لرحـيـل "
"ردنـي عـن رحلـتـي ذاك الجـمـل
طا ولتنـي غربـت الوقـت الطويـل "
"ليـن حدتنـي علـى طــرد الهـمـل
والله انـي غيـر دربــي مستحـيـل "
"طـالـت الايــام والرحـلـه امــل
ماقطعـت اليـاس دامــن الجمـيـل "
"باقـيـا وا يــا سلاطـيـن الـزمـل
اهـل الوقفـات والفـعـل الاصـيـل "
"كاسبيـن المرجـلـه قـبـل الشـمـل
محتميـن البيـت والطـرف الكحـيـل "
"فـي زمانـا لـه تـواريـخ و غـمـل
يـوم نظـرات البطـل رحلـة محيـل "
"مايحسـب حسـاب لـو دمعـه هـمـل
مايضـد الرجـل غيـر الوقـت خيـل "
"ولايـهـد الحـيـل يـاكـود النـمـل
راح وقـت اللـي عبايرهـم تسـيـل "
"لانكـسـر راع المـنـارة وحـتـمـل
اليالـي ماتسلـي والا الظـل الظليـل "
"لو تشوفه قـدم عينـك مكمـل ماكمـل
والكسور اللي ورى شبك صدري ماتميل "
"دام راسي به عـروق الشراييـن تعمـل
والحياة تهول العقـل والحيـران حيـل "
"والسنيـن تبيـد الحيـل والحيلـة تمـل
لاكتبت بـدم قلبـي لقاهـا كـل ليـل "
"الضلوع اللي تهصر على طـي الامـل
ماعطاها الوقت غير التعب والهم كيـل "
"والبروق اللي تقص السماء راحت رمـل
ياحقايق غربت العمـر فاليـوم الثقيـل "
"يالله بحسن القـا يـوم ساعـات العمـل
ساعديني اشرب الصبر واشـد الرحيـل "
"في سجل الذكريـات الحزينـه محتمـل

[عوض الرقعي]

على وجه التراب تراب حيوبـي طفـل مولـود

علـى الدنيـا قـدم ماسجلـو تاريـخ ميـلاده

على الدنيا طلعت انسان عادي واليـال السـود

تسجل كل يوم يمر من عمـري علـى العـاده

ولدت بوقـت قاسـي والحيـاه متعبـه ونكـود

مطاليـب الحـيـاة تـعـب الـرجـال وولاده

نسوي مـا يسوونـه اهلنـا مـا عليهـم زود

ونشقى مثلهم واحنـا صغـار وروسنـا قـاده

على حفظ الفروض الخمس وصوناركوع سجود

وعلى نهج الحبيب المصطفى علم الفتـى فـاده

وعلى يامرحبا بالـي لفونـا درسونـا جـدود

وعلى الشبه وحمس البن ودق الهيـل وقنـاده

وعلى الشيمه وحشمت جارنامايطلـع المنقـود

وعلى عهد الخوي نوفـي وفانـا عالـي مـاده

تعلمناعلوم المرجلـه والطيـب ياهـل الجـود

وطبقناالـدروس اللـي تعلمنـا مـن الـسـاده

سرحنا فاالمجاهيـم الاصيلـه والعمـر محـدود

ورقدنا وسطها والعمـر سبـع سنيـن مـازاده

مشينافـي هواهـا ماكسرنـا خاطـر المفـرود

ودخلنـا للعـراق وربعـت فـي شـط بغـداده

سقرنا في هواهـا عـام كامـل والله المعبـود

فصول العـام كلـه والجمـل جنفـان بشـداده

تحديناالزمـان المرواصحـاب المعيـز رقـود

وعرفناارض الجزيره بالبكـار السـود شـداده

ميه وستين شهر ورحلتي مع غاليـات العـود

مجاهيـم البكـار مقيمـات الرجـل وبــلاده

تغربت بهواهن ليـن صـوت للجهـاد جنـود

ولبيت الندى جندي شهيـد ان مـات بجهـاده

تركت اللي تحت ماطى قدمهـا جنـة الموعـود

وهي تنـزل مدامعهـا تقـول الحـرب منقـاده

تقول مسهل امرك جعل ترجـع طيبـن وتعـود

وعسى جيش العدو يخذل وتعمى عين من قـاده

وادعت الـذي جعلـه بجنـات النعيـم خلـود

ابوي اللـي قبـل عاميـن عنـي راح مقعـاده

توكنـا علـى الله واتكلناواشـقـر الـبـارود

لبسنا محزمـه والاسـم جـا مكتـوب بقـلاده

لبسنـا كفاننافـي ساحـة القتـال والـوقـود

لهبها مشتعـل وقـت الهجـوم النـار وقـاده

هزمناجيش من خان الجـوار بقـاده ال سعـود

واسرنا منه عشـرالاف جنـدي تـم تعـداد ه

نصرنا الله وعاد الحق لاهل وانتهـى الحشـود

نصرنا الله وعـاد القايـد الماسـؤل وافـراده

وصدمناعقب ذاك الحرب صدمه والنظام بنـود

صويب الحرب من ضيع حقوق اصيب من صاده

غدينافـي مراحـل والمراحـل ماعليهـا كـود

دليل اسم الصويب اللي صوابـه ظيـع ارقـاده

عطيتك حب واصدق حب وين الحب والوجـود

حشا ماعاد اعرف اشلون احب بصدق ياغـاده

كبيرة صدمتي في عالمـي والدالهيـن عـدود

وانا اللي كل يوم اشـوف يكثـر زود حسـاده

لقيت من الخلايـق مالهـم تعـداد والمقصـود

سؤالي ويـن ماحاولـت اقولـه يعلـن ابعـاده

نمل من الصبر والجرح يتعب والتعـب مشـدود

على حدب الضلوع العوج شلت الحمل وعتـاده

حسايف مالقيـت اللـي نشدبـه الظهرويجـود

ولاعاد اعتقد به جيل جـرب عيشـت اجـداده

فمـان لله ياجيـل الرجـال الطيبـه والـفـود

وفمـان لله ياوقـت الخـوي وصـدق ميعـاده

مساكين الخلايق من تراب الـى تـراب تعـود

على وجه التراب تحـل خلـق وخلـق شـداده