حصرياً - قصيده للشاعر محماس بن شميسانن تعلن لاول مره

[أبو وافي]

هذه القصيدة تعد من آخر ماكتب الشاعر الكبير محماس بن شميسان ويظهر على هذه القصيدة التعبير الصادق عن بعض مايدور في مجتمعاتنا كما يظهر جلياً جدية الشاعر وبكل قوه في صدور وأعجاز هذه الابيات التي تعد من درر الشعر الشعبي كما انها تنشر حصريا ً ولأول مره إنطلاقاً من هذا المنتدى تقديراً له ..........

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياشعيل هات من أشقر اللون غالي=وصفر الدلال اللي تكاظم على الليف
احمس ودق ولقمه ياحلالي =وكلله من الهندي بكفك مجازيف
واليا غدى لونه على مايقالي =كنه خضاب مطوحات الغطاريف
ريحه ليا فاح لخوى الراس جالي =عليه روسٍ من خواها مهاجيف
واليا ركد في صبته لاتبالي =ناولني الفنجال من صافي الكيف
معمومسٍ ياشعيل بالحيل بالي =انحا هجوسٍ مقفيات ومناكيف
قدام لاتسمع جوابي سؤالي =اللي يراودني بكل المحاريف
وين الرفيق اللي تسره حوالي =اشرح له اللي لاجين بالسراجيف
وسط العرب واعد نفسي لحالي =نفسٍ ليا ناموا ونسها شواعيف
أفراحها دايم بروس المفالي =واحزانها بين الضلوع المهاديف
معاد فيها يابوماجد جدالي =سمعت فالعيلم قرعة المغاريف
أخفا دهوم العج فعم الخيالي =وضيع مصير العرف كثر العواريف
دنياك بالحنضل طلت كل حالي =وغطى سواد الكير بيض الاصاحيف
صارت تزود اللقح عقب الحيالي =تنجب خليف وعود العلم لخليف
أرخت وقار الطيبين الليالي =وقامت خشاش الخلق تبدي المشاريف
واللي لابوه يمن نصف الريالي =قام يتظاهر بالوفى والمعاريف
مايدري انه في صعيب الحوالي =يدس نفسه مع حريمه عن الضيف
مثل العلاقه مع حمول الجمالي =ويحسب له المصروف ضمن المصاريف
ماله جديد ولاقديمٍ يقالي =ولو يذكر انه فاعلٍ شي تخريف
يمشي على طق العصى مايبالي =يحسب نجاحه بالهروج المجاويف
اللي لسكان اصفهان متحالي =هذا حياته نقص وان مات تخفيف
لوقال انا مثل ابوزيد الهلالي =اكبر دليل انه قبيح التواصيف
ماحوله الا كل جرفٍ هيالي =ان راح عنك ضعيف وان جالك ضعيف
هذاك حقه ياكريم السبالي =سوداً تغلف وجهه الشين تغليف
عليه من نبش الجنايز توالي =شيف بردا وبمنهج الطيب ماشيف
خل الهبال وخل راع الهبالي =يكفيه من ناتج فعوله مقاطيف
والشجره اللي صار فيها مدالي =معها معاد يشرفن المواقيف
اليا تلاشت من عمام وخوالي =لاتنتضر وش تحتويه المظاريف
فالسوق بع برخيص واشتر بغالي =اشهر وماتفعل يشرفك تشريف
إجحد من الحسات كثر الرمالي =خلك صبور ولايجي منك ياحيف
وبرق الطيور مقابلات النوالي =اللي على شين العثاير مهاديف
من دونها يشفي بريق السهالي =مادام فرقاً ماعليها تحاسيف
وانته مجاذيبك علو الجبالي =من روس قومٍ للمعالي مواليف
يلقابهم يوم السنين الهزالي =منسف ومدٍ للبكار المشاعيف
وعن العرى فيهم سديف الظلالي =ليا فقد عفن الجناب التصاريف [/poem]



الشاعر /
محماس بن شميسان العتيبي

[من عتبان الكويت]

صح اللسان الشاعر على هالمعلقة


ولاهنت يابو وافي اتحفتناااا بها الجزلة



لله درك

[أبو وافي]

احب ان أنبه ان هناك في البيت الاول خطأ في كلمة أزرق اللون والصحيح
ياشعيل هات من أشقر اللون غالي ==وصفر الدلال اللي تكاظم على الليف
ارجو من المشرفين تعديل هذا الخطأ إن امكنهم وكذلك تعديل اسم الشاعر في العنوان وتقبلوا خالص تحياتي وتقديري .......

[ناصر بن سعدي]

ابو وافي...

تم التعديل ..


ولاهنت على النقل الرائع والتعاون الجميل...


وبيض الله وجه محماس بن شميسان ..


ولي عوده ..

[$$ الدولار $$]

صح لسان ابومشعل ولاهنت أبو وافي