ابـك العتيبـي ضـاري بالشكـالـه

[نوف]

بسم الله الرحمن الرحيم

هذه القصيدة لها سبب وهو ان احد زملائي في العمل وهو فارس بن مطلق النفيعي العتيبي جاته رساله من والد احد التلاميذ عندنا في المدرسه واسمه خلف العتيبي ويشره على فارس انه شد شوي على ابنه محمد في واجب وقال له ان العتيبي في السابق يفزع لابن عمه العتيبي واليوم الله يكفينا شره .. وذكر بيتين لبندر بن سرور اللي يقول فيها ( احدٍ يدوّر بالردى بنت عمّه .. واحدٍ يدوّر ستر عذرا عوانيه ) وختمها بالسلام ووقع .. المهم ان فارس تضاايق جدا من هالرساله وقال لي تكفى ابي ارد عليه .. وقلت له ابشر .. فكتبت هذا الرد اللي راح لبومحمد

اقول جعل عماركم تطول




ودّو لخلـف منـي ردود الرسـالـه
رسالـةٍ جتنـي مـع محمـد اليـوم
لـك يالعتيبـي يـا عريـبٍ خوالـه
سـلام منـي عـد حـيٍّ ومرحـوم
ان كان تعتب واختصـرت المقالـه
فاصبر وانا باجيك باخبـار وعلـوم
اللي حصـل ياخـوك علّـه سهالـه
لا زدت فالوزنه فانا ابغيـه زيـزوم
ابغيـه يفـلـح والتمـيّـز ينـالـه
ما ابغيه متخلّـف ليـا لـزّه القـوم
ابغيه يجعـل مـن الاوايـل مثالـه
ولا يسايـر خامـلٍ فـيـه ثـالـوم
العلم يبغـي مـن يقـوّي احتمالـه
ما ينفـع الطالـب تمنّـي ولا نـوم
العلـم نـورٍ و الظـلام الجهـالـه
واللول حازه من دخل بحـره يعـوم
ومن شاف شيٍّ فيه خير و مشـا لـه
يبشر بعزّه وان قعـد طالـه اللـوم
وانـا نصحتـه علّـه يطيـب فالـه
وجوي انا وياه صافي علـى الـدوم
في حسبة ابني واهتني ما هنـا لـه
وانا عوينه مـن معاسيـر وهمـوم
يا ما احتملنـا فـي عملنـا العبالـه
امانـةٍ مـن ثقلهـا كنّهـا رجــوم
كـم واحـدٍ يبلـش بغالـي عيالـه
لو هم ثلاثه ضاق من بيـت وهـدوم
وحنـا ثمـان اميـه وفيهـم جهالـه
بزران ورّونا معـا شمسنـا نجـوم
ومالي على ما صار قصـد وعيالـه
وقدره بوسط القلب ما يدخلـه سـوم
وان كان صدرك ضايقٍ بـا عنالـه
لو بيننـا حالـت بلاديـن وحـزوم
من شفت خطّك والفكر حييييل دالـه
ايضا وصـدري كـن فاريـه قـدّوم
والقلـب مـن كلمتـك زاد اشتعالـه
عز الله بيبطي وانـا منـه محمـوم
ابـك العتيبـي ضـاري بالشكـالـه
في لوحه المحفوظ من خلق مرقـوم
وطبع النعـاره مـن قديـمٍ مجالـه
يشهد له من النّاس شايب و مفطـوم
الرجل يدمح لـه ليـا الطيـب نالـه
منه الخطا لا صار ياخوك ما يـدوم
طيبه شفـع لـه واعتبرهـا جمالـه
له با تجمّل والخطـا منـه محتـوم
طبع الخطا فالعبد لو مـا نـوا لـه
ما هوب لا مرسل و لا هوب معصوم
وصلاة ربي عد مـا انشـى خيالـه
وانزل علينا الغيث من مزن وغيـوم
على النبي المختار و الصحب وآلـه
ومنـي سـلامٍ بالرياحيـن مختـوم




منقول من النداوي

[جراح العتيبي]

لاهنتي
يانوف
على القصه
الممتعه
والقصيده الرائعه




شكرا لك..

[خالـد]

الله لا يهينك على النقل الجيد


تحياتي لك

[فهد العايضي]

صح لسان شاعرها

ولاهنتي يانوف

[نوف]

اخي العزيز جراح

أسعدني مرورك العذب

ونورتني بتواجدك



دمت سالما

[نوف]

اخي الكريم خالد

مشكوور على مرورك لاهنت

وشرفتني بحضورك الكريم

احترااامي

[نوف]

اخي القدير فهد


أبهجني مرورك العذب

أشكرك على تواصلك

الله لايحرمنا من طيبك


احترااامي وتقديري

[منصور الشيباني]

يعطيك العافيه يانوف

لا عدمتك

تحياتي وتقديري

[نوف]

اخي العزيز منصور

مشكوور على مرورك

وشرفتني بتواجدك


دمت ودام وجودك