ياجدي ليت العرب مثله ليا حليتها

[نايف تراحيب]

السلآم عليكم ورحمة الله وبركآته

وكل عآم وانتم بخير



/


أبيات متواضعه كتبتها في مناسبة زواج الشيخ / جدي بن مسعد العازمي العتيبي

وسعود المذكور في الأبيات الشيخ / سعود بن مرمض (مجري الذلان) رحمه الله الذي له من الفعول اللي تنومس روق في قرى الحرة نصيب الأسد في وقته وهو أحد القلائل اللي قيلت فيهم قصيدة السلمي التي من ضمنها هذا البيت

ياروق من دونكم عيزوم ضلعٍ بتيل
لا واهني من نهار الضيق جو من ولاه

العازمي فالملاقا والنبي مايحيل
إلا تحيل الجبال اللي وزان الطراه

وكذلك جد مديرنا / نـاصـر بن سعدي

تقبلوها

،



[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مبتدين القاف بسم الله ثم بعده سلام = للرجال اللي على العليا يذعذع صيتها
الرجال اهل الوفاء والطيب عالين المقام = هم عيال سعود واحفاده ليا سميتها
كاسبين النعم غصبا ماعلي من الكلام = لو بعدد كم جمايلهم ترى ماحصيتها
هم عيال اللي عدوه ما تهنى بالمنآم = وياجدي ليت العرب مثله ليا حليتها
كيف لا وسعود يالله جعل روحه للرحآم = هو عمود القوم منشار العرب لاجيتها
عزهم فالليل الادلم لاستوت خوف وضلام = عزهم وقت السيوف الحدب لا سليتها
قد تغنو به بني زلمآن وسليم الحشآم = في زمانٍ ترضي العالم ولو مارضيتها
في زمانٍ راح والدنيا تغير كل عام = والعرب معها تغير حيها مع ميتها
لن بغيتوها حلال ولا يجي فيها حرام = تجتمع فيه الأخوه والشجاعه بيتها
ويجتمع فيه الكرم والدين له مثل الحسآم = وياجدي ليت العرب مثله ليا حليتها
[/poem]


نآيف تراحيب

[شيخ الشيوخـ]

وعليكم السلام ورحمة الله وبركاته
وكل عام وانت بخير يابوتراحيب ولو انك ابطيت عنا

حيك وحي ماجبت

وصح لسانك على هالقصيده
والابداع غير مستغرب منك

وبودنا انك ذكرت اصحابها ليتضحون لنا
وانت مامدحتهم الا يستاهلون المدح

وجعلك ماتهون يامراقبنا ,,,

[اصايل]

الله الله



صح لسانك ملايين



لاهنت

[عبدالله المرشدي]

صح لساااااانك

يابو تراحيب


وعلى شانك

نص جممممممممممممممميل جدا جد

وقصيده كايفه


ومن حصل المدح يستاهله

تقبل مروري

[نايف تراحيب]

الله لا يهينكم على توآجدكم


احترآمي


/


،

[فهيد مقعد الرويس]

صح لسانك

ملااااااااااايين

وكل عام وانت بخير

ونت كفو الممدوحين يستاهلون

تحيتي وتقديري

[عادل العصيمي]

صح لسانك يانايف


قصيدة قوية في مبناها وفي معناها ويستاهل الممدوح


تحياتي


,

[سعودمنيرالمقاطي]

الشاعر العذب والمراقب المميز.... ليس الإبداع غريبا على شرواك... وهذة القصيدة ذكرتني ببيت جميل سمعته قبل فترة والحقيقة لا أعرف صاحبه

ليت العرب مثلك ويمشون ممشاك ** كان الردى ماله مع الناس طاري

[محمد بن دغيم السميري]

مراقب الأقسام الشعرية نايف بن تراحيب

صح لسانك وقصيده كايفه ولايعلى عليها ويستاهل سعود واحفاده واحفادهم عساه للرحام

وأضم صوتي لصوت شيخ الشيوخ وننتظر معرفة الممدوحين

[نايف تراحيب]

حيآكم الله جميعاً

واعذروني على التأخير في تعديل المقدمه

الاتصال ماهوب هاك الزود لاكن العوض فالمقبلاتي :)

لاهنتم جميعاً





احترامي لكم

/


،