مع فراج الكرشمي

[فهيد مقعد الرويس]

اعزي فيه والااتعزي فيه

عنوان قصيده رائعه لفراج الكرشمي تجسد شعورمن فيض المشاعر

ولايستغرب من شاعر بحجم فراج هذا الابداع

والله يبيض وجهه وصح السانه

http://www.al-jazirah.com/622244/tr5d.htm

تحيتي وتقديري للجميع

[بوح الخاطر]

يا جامع أعزي فيه وإلا أتعزى فيه

فقيد القبيلة والوطن والكرم والجود

فقيد الشكاله والجماله ومن يرجيه

فقيد المروة والنزاهة ذرى المضهود

ماهوب أنت بس اللي عيونك قذت تبكيه

يا كثر العيون اللي بيوم الوداع تجود

من اللي يعرفه ما يحبه ولا يغليه

من اللي سمع به ما دعا له وهو ملهود

من اللي نهار موادعه ما رفع كفيه

لربه وقال لجنة الخلد يا معبود

عسى جنة الفردوس منزال من طاريه

يخليك من بين القبايل تحس بزود

أبو خالد الله يرحمه كلنا ننعيه

فقيده على الشايب فقيده على المولود

حروف القصايد يستحيل إنها توفيه

حقوقه لأنه فالمراجل بدون حدود

قبل ستة أشهر فالمزاين دعا داعيه

ضيافة عتيبه يوم جاته مية مفرود

قضى عمره المكتوب له في رضا باريه

والأعمار لو طالت وراها الأجل محدود

هني الذي مثله كسب نعم من عانيه

والأصحاب والأجناب والمسلمون شهود

جبل وانهدم لكن ذكره تبي تحييه

رجال وراه بسعيها تدرك المقصود

عياله ومستقبل عياله مثل ماضيه

عرين الأسد لو راح أسد حل فيه أسود

يا جامع يا عبدالله يا سلطان يالبيه

يا جملة عيال النادر الراحل الموجود

يطول الكلام وزبدة الهرج في تاليه

مثل شيخنا يفقد وغيره ما هو مفقود


..... صحـ،. لسااانـ،. الشاعر. فراجـ، . ولاتهونـ،. أخويـ،. فهيد. عالنقل.

[فهيد مقعد الرويس]

حياك

ياحروف الصمت

تحيتي وتقديري

[عبدالله المرشدي]

صح لسانك ولسان فراج يافهيد

والله يرحم اموات المسلمين اجمعين

[ابوسـعد]

الله يرحم ابن جامع ويسكنه فسيح جناته فعلا فقيد وطن وفقيد قبيلة...لاهنت يافهيد وصح لسان القائل والناقل..

[ناصر بن سعدي]

الله يرحمــك يابن جامع ..


ويسكنك فسيــح جناته ..


ولاهنت إخــوي / فهيــد الرويــس .. على النقــل المميــز ..


وصح لسان الشاعر القديــر والرائع / فراج الكرشمي ..

وافي أبو نايف ..


ولـ الجميــع فائق تحياتي ..

[فهيد مقعد الرويس]

المشاركة الأصلية كتبت بواسطة عبدالله المرشدي صح لسانك ولسان فراج يافهيد والله يرحم اموات المسلمين اجمعين

صح بدنك بنيابه

يابوبدر

والله يجزاك خير

تقبل تحيتي وتقديري

[فهيد مقعد الرويس]

المشاركة الأصلية كتبت بواسطة abosaad الله يرحم ابن جامع ويسكنه فسيح جناته فعلا فقيد وطن وفقيد قبيلة...لاهنت يافهيد وصح لسان القائل والناقل..

الله يجزاك خير

يابوسعد ولاهنت على التواجد

تقبل تحيتي وتقديري

[فهيد مقعد الرويس]

المشاركة الأصلية كتبت بواسطة ناصر بن سعدي الله يرحمــك يابن جامع .. ويسكنك فسيــح جناته .. ولاهنت إخــوي / فهيــد الرويــس .. على النقــل المميــز .. وصح لسان الشاعر القديــر والرائع / فراج الكرشمي .. وافي أبو نايف .. ولـ الجميــع فائق تحياتي ..

الله يرحمه ويرحم اموات المسلمين

لاهنت يابن سعدي على التواجد

وابونايف وافي والله لايهينه على القصيده الجزله

تقبل تحيتي وتقديري