خالد بن عقاب الكسر

[التركي]

[align=center]الله مـن قلـب ٍ نهيتـه ولا طـاع
يلعب به الهوجاس لعـب المناقيـع
متحير بأمره غـدا صبـره امـزاع
صبره جميل ويرجع القلب ويطيـع

قضى تجره خاضبة روس الاصباع
ام الثمـان الضيقـات اللوامـيـع

خلي من الخفرات ماهيـب مهبـاع
ولاهي من السرد الطوال النعانيـع

بطن العسيف مجاذبه طول الابـواع
ركابهـا دايـم يتـل المصـاريـع
ماشذبت بالزور طـراف الاكـواع
ليا صكن العيرات تسبق على الريع

وقرونها من فوق الامتـان شـراع
كالعسب من فوق الوديـا مهانيـع

وياعود ريحـان غدالـه تمريـاع
هبت عليه مـن الهبايـب ذعاذيـع


عيوا بها عنـي قليليـن الاسنـاع
بأسباب ساس البعض ماهم طماميع
ادعي عليهم والدعى حذف مقـلاع
وادعو معي عسى تصيب المقاليـع

يالله عساهـم للبـلاوي والاوجـاع
ومن كل صاروف يجيهـم قواميـع

والله يعرضهم من الروس لشعـاع
ذريـة مـن محكمـات المصانيـع


ذخانها مثل القبيسـي ليـا انـداع
تاخذ على طرافهم بضـع اسابيـع


والله يعرضهم خطـر كـل ماطـاع
من مزنه ينـزل بردهـا صوابيـع

هديمه ماشيف بهـا ضـوح لمـاع
يسوقها الغربي لشرقـي صواميـع


يسكر هواه ومزنها يضرب القـاع
وتقرط عليهم كبر روس المرابيـع

يبحل فهيم العقـل منهـم ويرتـاع
منها تضيـع افكارهـم والمراميـع

تلقـى الاوادم هامديـن وصـراع
بس الجماجـم كالزبيـدي مصاليـع

يعذر بغالـي سلعتـه كـل طمـاع
وتذهل عن المرضع قلوب المراضيع
تاخذ ثلاث اشهور والثلـج مامـاع
والمـي حايـر مالقالـه مطالـيـع
وليا غدوا مثل الطفل والنسم ضـاع
يفتح لهـم بالقـاع درب وبواليـع

هفة غريق الموج من دون مرجاع
ومن فو قهم سبع الاراض شواميع

يضرب بهم وصف على كل الانواع
وتسمع بهم كل المحطـات وتذيـع
[/align]

[فهد العايضي]

صح لسانك ياتركي ولسان شاعرها

بصراحه قصيده جزله جعل تسلم يمينك

[إبن ثعلي]

لاهنت يالتركي وصح السان الشاعر خالد الكسر
تحياتي

[التركي]

المشاركة الأصلية كتبت بواسطة الغريب صح لسانك ياتركي ولسان شاعرها بصراحه قصيده جزله جعل تسلم يمينك

[align=center]صح بدنك يابو مشاري[/align] [align=center]وتسلم يالغالي علي المرور [/align] [align=center]تحياتي [/align]

[التركي]

المشاركة الأصلية كتبت بواسطة بن ثعلي لاهنت يالتركي وصح السان الشاعر خالد الكسر تحياتي

[align=center]مشكور يابن ثعلي علي المرور[/align] [align=center]تحياتي يالذيب[/align]