معايير الرجوله!!

[لي الفخر مطيري]

السلام عليكم

اخواني اعضاء المنتدى الكرام

اقدم لكم هذه القصيده المتواضعه لكم

لعلها تجد عندكم صدى طيب

[poem=font="Simplified Arabic,4,black,normal,normal" bkcolor="transparent" bkimage="../backgrounds/8.gif" border="double,4,gray" type=2 line=0 align=center use=ex num="0,black"]
فالزمان اللي نعيشه وش معايير الرجولـه=أصبحت فيها غموض ومالها وصف ومعالم
ناس تنظر للرجل والحكم فـي شكلـه وزولـه=وناس تعطي راعي الاموال تقديرات عالـم
مايهم أن كان من ناس(ن) لهم صوله وجولـه=ولايهم أن كان ربعـه مايـردون المظالـم
الدراهم كثرها محسـوب رمـزا(ن) للبطولـه=وقلها محسوب عكس ولو تكون الزير سالـم
وأن حكى راع القروش يصير دايم صدق قوله=ولو تقول اخطاء يصير أنسان متكبر وظالم
من رصيده فالبنوك يزيد جمـع النـاس حولـه=ولو يروح المال يصبح مثل رجل(ن) كان حالم
وناس تنظر للرجل منصب ولو مابـه سيولـه=دام فالمنصب رجل وأن راح عكس الوضع والم
كل ماقـدم يضيـع بسرعـة الـورد وذبولـه=وأحسن الاوصاف قول الناس ذا رجل(ن) مسالم [/poem]


وسـلامـتــكــم


أخــــوكــــم

لي الفخر مطيري

[محمد العتيبي]

شكرا لك يامطيري على المشاركه ويعطيك العافيه

تحياتي

[إبن ثعلي]

لي الفخر مطيري احسنت قصيدة رائعه تشكر على اتحافنا بها
تحياتي

[بدر الروقي]

صح السانك يالمطاري

وبيض الله وجهك


تحياتي ..!!

[مستر عتيبي]

صح لسانك اخوي
ننتظر أبداعاتك

[النـايــــــف]

صح لسانك اخوي لي الفخر مطيري

وصح لسان شاعرها

وبيض الله وجهك يا الغالي


على هذا الاختيار الرائع


تحياتي لك ،،،،

[لي الفخر مطيري]

محمد العتيبي

الله يعافيك

وشكرا لمرورك

[لي الفخر مطيري]

ابن ثعلي

لاهنت على مرورك العذب

تحياتي

[لي الفخر مطيري]

ووجهك ابيض يا الروقي

ولاهنت على مرورك

تحياتي

[لي الفخر مطيري]

صح بدنك مستر عتيبي

تحياتي وودي