[blink]تحذير[/blink]
الشباب ممنوعين من قراءة القصيدة
خاص للشياب فقط
[poem=font="Simplified Arabic,6,indigo,bold,normal" bkcolor="transparent" bkimage="backgrounds/17.gif" border="ridge,7,indigo" type=2 line=0 align=center use=ex num="0,black"]
قالت علامك غائب(ن)مالكم رود=قلت السنين أعمارنا كبرتها
ماني بعيد أنا على الأرض موجود=البعد ليا صرنا عشا مقبرتها
قالت حسافة شائفه منك صدود=هلت عبائر عينها حدرتها
كل الذي سويت واليوم مجحود=وأنا شفوق لدمعة(ن)قطرتها
قامت تداري دمعها فوق الخدود=روحي بشوفة لهفها كدرتها
وش غيرك يا راعي الكبر والزود=وقامت تردد فوقنا بربرتها
عساك ما حاديك عسرات وقيود=ثم غيرتك وروحكم دمرتها
ما عاد باقي شي من عمر للعود=فعائلك سود الليالي برتها
اليوم ثاوي منت قداح لزنود=كل العلوم الأوله وخرتها
قلت الصبر والحلم والشين مردود=هموم الليالي فوق ظهري رمتها
شوفي بعينك كيف مع وجهي إخدود=طول الليالي والنزال حفرتها
واليوم حيلي صار بلحيل مهدود=أول تحول والهدوم سترتها
ما عاد فيني للملالاه مجهود=ستر العلوم أفيد ولا بعثرتها
الرجل ليا منه كبر صار محمود=والبيض ليا كبرت طغت ثرثرتها
ماني بخابر جاك من يمي نقود=معزتك عوج الضلوع عمرتها
ولا تحسبني ماني اليوم ملهود=أدري بمقصودك ونفسي قرتها
ما ترتجينه كان واليوم ميعود=النفس ذا الحينه تبا مغفرتها
صرت أتفكر كيف لمسيت بلحود=وش قدمت نفسي لها وذخرتها
لقيت قبلي كل ما صار مجرود=بصحائف(ن)أعمال عمري حصرتها
ماني بلاقي بينها شيء مفقود=أقل همسة في حياتي ذكرتها[/poem]
| 
|
01-05-2008, 06:23 PM
العرض العادي
