يدها على يدها ونوبً على الشال

[نوف]

الله عليهـا يـوم تمشـي وتختـال *ماكنهـا إلا بالـف ليـلـه وليـلـه

تمشي تحط امثـال وتبـدل امثـال *وتعيـد ترتيـب الزمـن والجميلـه

يدها على يدها ونوبً علـى الشـال *من خوف لايصقط ويظهـر جديلـه

يوم اقبلت كن القمر ضايـعً ضـال *خل الفضا واصبـح يـدوّر دليلـه

اميره اميـره وانـا اقـول مايقـا ل * النـاس تشـهـد والاوادم كفيـلـه

يمثـل الزينيـن ويقـود الاجـيـال *ومواصفاتـه فالبـشـر مستحيـلـه

يمشي شوي شوي ومطـوّل البـال *وزودً علـى ذلـك طويلـه طويلـه

عينه تعزّ رجـال وتطمّـن رجـال *وياسعد من صارت بحظـه حليلـه

اليا نظر كنّك علـى جبهـة قتـال *والله واكبـر يالرمـوش الظليـلـه

واليا ارتبك في نظرتـه خايـفً ذا ل *لمووت بعيونـه وامـووت بسبيلـه

واليا التفت فرحان يوم الخطـر زال *بضـرب تحيـه للعيـون الكحيلـه

وإن سلهمت بعيونها .. كيف الاحوال *ضاعت علومي والمواقـف جليلـه


عيونهـا تجـرح وتشفـي وتغتـال *وفـي حقهـا كـل القصايـد قليلـه


والمبسم المبسم غدا نجـوم وهـلال *النجـم يكشـف والهـلال يعديـلـه

والياضحك تنبت على الارض الامال *واليازعـل تغـزي قبيلـه قبيـلـه

وفي بسمته يقهر ويسعـد ويحتـال *والياانتقـم يضحـك ويبـرد غليلـه

وبالراي والحكمة لها قـول وافعـال *واللـي محببنـي ثقيـلـه ثقيـلـه


ماهزها التاريخ يوم الزمـن عـال *لا زال يعطـي والنصايـح جزيلـه


في حضرته عشنا سواليف الابطـال *عز الزمان ويـوم وقـت الاصيلـه


طيفه يلاحقنـي مسافـات واميـال *وذكراه تلعب فـي لعـب الكحيلـه


واليوم ابا اكتبهـا واوثـق للأجيـال *فـي ذمتـي ماجـا ولاجـا بجيلـه

[** راس حربه **]

نوف

لاهنتي وصح السان شاعرهاااا

وتسلم يمينك

بس لو نعرف راعيهاا يكون افضل :)

<<<<< يحب يعنيك

هههههههههه

[نوف]

مشكور راس حربه على مرورك يالغالي انت طلباتك اوامر تدلل بس
لكن القصيده جتني في الايميل بس بحاول اسال من الشاعر ولايهمك اهم شي رضاك بس.


تحياتي لك

[سلمان]

مشكوره يا نوف والله يعطيك العافيه
وصح لسان شاعرها

[نوف]

مشكور سلمان على مرورك العذب ولاهنت يالغالي


تحياتي لك

[** راس حربه **]

جعلتس تسلمين يابنت الاجواد


دمتي كما تحبين

[إبن ثعلي]

مشكوره يانوف لكن ماقلتي القصيده لمن
تحياتي

[نوف]

مشكور بن ثعلي على مرورك المشرف وتسلم يالغالي

القصيده جتني بالايميل من غير اسم لصاحبها والاخوان فيهم بركه يساعدون في البحث عن اسم قائلها.


تقبل صادق الود

[هداج تيما]

والله القصيده مسكته


وتسلمين ياشبيهة نيرااااااااااااااان ( قصدي يانووووووووف)

هههههههههههههههههههههههه

[نوف]

مشكور هداج على مرورك


تحياتي لك