[align=center]
[poem=font="Simplified Arabic,4,red,normal,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
يارعـي الغـر العـذاب المباهيـش= رش الكبود اليابسـه عـن عطشهـا
دنق على وطمن الـراس بشويـش= وأحي العـروق الذابلـه وانتعشهـا
حبك ينهش ثومـة القلـب تنهيـش= نهش الحنيش لعرش رجـلٍ نهشهـا
اهل الهوى في سجن غيك دراويـش= وقلوبهـم وجلانـه مـن دهشـهـا
من ذاق من خمر السوالف بخاشيـش= يبطـي وروحـه معتلقهـا بلشـهـا
ولا تسمتمع في هل الحكا والوشاويش= نـاس انقيلـي النمـايـم دبشـهـا
يا خشف ريم ذار واوحى شوابيـش= بدوٍ طلـوع الشمـس ذاره وغشهـا
والعين عين اللي جسر عقب توحيش= اميـر بيتـي الحـرار اوحشـهـا
طرح الشبك ما قلبـوه الطواريـش= ولا قرنسوه أهل العشش في اعششها
وحش وجاي من بعيـد المناطيـش= عوق الخريش اللي طيـاره خرشهـا
لا قام ياخذ من طرف ريشها ريـش= واليـا قضـا لعبـه عليهـا لكشهـا
جابوه من عين الشمـال الهماميـش= ابرك لهادي طرشـةٍ قـد طرشهـا
جابوه لمثمـن طويـل المطاريـش= شيخ قوانيـن العـرب مـا دغشهـا
محمد عشير منثضـات العكاريـش= نجل العيـون اللـي مـلاح بهشهـا
ومهـدي للـي براسـه نغامـيـش= لا شوشت حيـاة الأرض وحنشهـا
محمـد مقابـل قاصـده بالتباهيـش= وملفي الرجال اللي جميلـه غطشهـا
ودايـم وبيتـه مدهـل للمداغيـش= وكم روح معسـورٍ بجـوده نعشهـا
لا يبعد نـاس تكبـر علـى ويـش= لا شافت الناصـي تلـوت خششهـا
لو يملكون أرقـام الأمـوال حتيـش= در الحمـاره دوب يكفـي جحشهـا
وروس الظبا ماذكر فيهـا عراميـش= لو هي على الزيلـه كبـار شوشهـا
[/poem]الشاعر/ عبدالله بن عون
[/align]
| 
|
04-08-2006, 08:27 PM
المواضيع المتشابهه
العرض العادي
