قصيدة للشاعر نايف بن عرويل

[الدعجاني99]

ياالي تجرين الهمـر وسـط بيـروت
مالمتـك مـن عيـن غيـري عباتـي
لكن تعالـي بتـرك الخلـق للمـوت
وباتي على حضي من النـاس باتـي
ببيحلك شـي ٍ مـن العـام مكبـوت
وبلقي على ساحر عيونـك عصاتـي
الـي بـأذن الله تقلـب الـى حـوت
لو كـان مالـي بالنبـوة صـلا تـي
لكـن شعـري در مرجـان ياقـوت
والطيب دربي والعطى مـن سماتـي
وشعر ٍ بلا معنى مع الناس ممقـوت
وشعـر ٍ فغيـرك مايجيلـه حلاتـي
جسمك على ذوق المحبيـن منحـوت
ووجهـك يلـم مباعـدات الشتـاتـي
الثلـج والرمـان والخـوخ والتـوت
والقوس والخنجر وسيـف الزناتـي
ورمش ٍ ليا سلهـم تقـل بالبراشـوت
ينـزل علـى رتـم الثقـة والثباتـي
واليا ارتفـع يفتـح ثمانيـن تابـوت
اكتب قبل ترفـع رموشـك وصاتـي
والعنق عنق الريم لا سمعت الصـوت
ولبـة نحـر تشبـه عبـال الفلاتـي
وباقي وصوفك كلها سحـر هـاروت
في وصفها ذالوقـت ماهـو مواتـي
لاكن تعالي قبل لا وقتـي ( يفـوت)
واسترسلي في زيـن قولـك وهاتـي
وش جفلك من ديرة عقـاب يانـوت
ماعوضت (عالييه) رجـم السراتـي
ووراك عارضتي هل الصوت بسكوت
وزينـك تعـرض للريـاح العواتـي
انا اعرف ان الناس لا لبست الكـوت
تبغي دفا ماهيـب تبغـي عراتـي!!
وانتي لبستي كوت والكوت بسبـوت
كوتـك فـرو لاكـن فـروه شتاتـي
لبسك بوسط الريح والثلـج مشمـوت
وانتـي مزاجيـة سواتـك سـواتـي
ليش الهمر ماهوب لكزز ولا حـوت
ماصنعـوه الغـرب لجـل البنـاتـي
يعني بدي شمعـات تنـده وكبـوت!!
وشلون تاتي بـس وشلـون تاتـي؟؟
وختامها لو صحت في عالي الصوت
مالمتـك مـن عيـن غيـري عباتـي
.
.
وســـــــــلامـــــــــــتكم

[ماجد بن هلال]

[align=center]سبق وأن أطلعت عليها

ولكن أتيت لتجديد إعجابي بأبو فيصل

صحّ لسانه ملاييييييييييييين

ولاهنت على النقل

لكـ تـ ح ـيتي [/align]

[الدعجاني99]

[glint]أشكر لك مرور .
.
.
أخوي ماجد بن هلال.
.
.
.
.
تحياتي[/glint]

[سلطان بن دحيم العطاوي]

[align=center]حجز جمهورررري
1 للشاعر
2 للناقل[/align]

[الدعجاني99]

[glint]هلا بك أخوي .
.
.سلطان وياليتك .
.
توضح وش تقصد..........مافهمت شي[/glint]

[الرومنسي]

[align=center]صح لسانك


ولاهنت على النقل [/align]

[نسمة غلا]

صح لسانك الدعجاني

قصيدة رائعة بس ياليت تراعي تنسيق الابيات في الخط

لنتمتع في القراءة اكثر

لاعدمناك

[عذب السجايا]

[align=center]صح لسانك اخوي (الدعجاني)

و

لسان شاعر هذه القصيدة رائعة..

و

نشكرك على النقل وحسن الأختيار...

و

لاعدمنا ذوقك الرفيع[/align]

[مشاعر حالمه]

الدعجاني

صح السان الشاعر ابن عرويل

وسلمت والله على النقل الرائع

تحيتي لك / مشاعر حالمه

[إبن ثعلي]

لاهنت يالدعجاني ومشكور على حسن الاختيار
تحياتي لك