[poem=font="Simplified Arabic,5,darkblue,bold,normal" bkcolor="white" bkimage="" border="none,5,gray" type=0 line=0 align=center use=sp num="0,black"]
ياربعنا يللي على دين الإسلام=والله مكلفكم بدم الضحيـــــــــــــــة
ايليق يوم العيد في موت صدام=والأ الدجـاج ا تموت صبح وعشيـه
تفاهموا في ساهر الطرف ما نام=الـلي يقول الدور بـكره عليــــــه
ترى ردي الفعل لن طاح ما قام= واغرق معه طابور والاسريـــــــة
من لاحسبها صح تاطاه الاقدام= والمضحكات اليوم شر البليـــة
وإن طال عمرالحي فالموت قدام=الدايم الله يالقلوب الغبيــــــة
الموت سنـه وافضل الخلق مادام=لا يفرح الشامت ولاهـو رزيـــه
ماتت ملايين البشرمثل الأغنام=واهتزت لـصـدام كـل البــــريـــــــه
وأعظم سبب للموت تقديروإكرام= كلاً على قده تدل المنيـــــــــــــــة
موته جلا عن بعضنا ليل الأوهام=والحي موته عبـرة إقلوب حيـــة
والميت اله حقوق فالشرع واحكام=ماهي لعين افلان والا حميــــه
ذكر احسناته واجب ودمح الآثــــام=وارواحنا من كل زلــه بـريـــــه
واليـا انتهك عدونـــا خير الأيــام=يمحى لنـا من سوء الأعمـال سيـه
حنا العرب نوفي عـــلى الكفر بذمام=والعفو فالأسلام فينـــا سجيــــه
الدائرات إتدورعام بأثرعام=والله كريم و العوض فا للبقيــــــــــــــة
والياصدقنا فالمشاعروالأحلام =النور ما يطفيه جاهل وعيـــــــــــة
كلايقول وتفضحه روس الاقلام=والشكر لله يالنفوس الدنيــــــــة
مابيننا جاوه ولابجم الأعجــام =كلا يعرف اللي بوسق المطيــــــــة
والشــعر والـله ما حفظ موت الأقزام=ولا ذكر راع العلـــوم الـرديه
من لبس اليمنى قصيرات الأكمام=ينقال وقع بالثرا يا علية
كلن وقف قبلك على روس الأرجام= شافت عيونه كل شمس وفية
يكفيه فخر كلمته حين الإعدام="يشهد بذكراللــه وذكره نبيـــــــــه"
مرفوع رأس ماسجدحي لأصنام=وأرخص نهار الموت من جاء قفيه
نذل(علج)على الجثة بخبث القدم حام=واليوم مايسوامواطي إحذيه
[/poem]
[align=center]الاخوه والاخوات الكرام
السلام عليكم
كان اول اتصال اجريته صباح العيد
مع اخوي القدير / ابومحمد
عايدته ببيتين لاني اثق انه الشاعر
الذي يستطيع ان يبلغ من القول اقله وادله
ويسطر ما يشفي ويكفي عن معلقات .
فان شح تعبيري لجأت له لكي يجود بما يكسر صمتي .
( خير الايام ) اولاً.
وفيما ياللي البيتين :
بديتها بالبيت الذي أُجاهر واردده دائماً وقد جعله مبدا [/align]
[poem=font="Simplified Arabic,5,darkblue,bold,normal" bkcolor="white" bkimage="" border="none,5,gray" type=0 line=0 align=center use=sp num="0,black"]
ايليق يوم العيد في موت صدام=والأ الدجـاج ا تموت صبح وعشيـه
لاوالله الا نفذوا حكم الإعدام=ضحية"في يوم عيد الضحيه
أكد خبر ذبحه وكالات الاعلام =على يدين أعوان بوش الدنيه
ختم حياته باول اركان الاسلام=شهادة الله مع شهادة نبيه
سلم على اللي ماجلس بعد ماقام=ولاللتخاذل في نواياه نيه
اليوم أشوفه مثل ماشفته العام=وآخر ظهوره كان فالأعظميه
معلقا"مالمست الارض الاقدام=موتن بعز ولا حياتن رديه
والموت سنه وافضل الخلق مادام=وصدام موته موت مافيه زيه
[/poem]
| 
|
01-17-2007, 12:27 AM
ايليق يوم العيد في موت صدام
المواضيع المتشابهه
العرض العادي
