وصـــــــــــــ( يافيصل)ــــــــــــــــيه

[ابن مسلم]

[align=center]هذه القصيده تعتبر وصيه مني موجهه لأخي العزيز /فيصل بن عبدالمحسن بن مسلم الدلبحي[/align]

[poem=font="Simplified Arabic,6,white,normal,normal" bkcolor="blue" bkimage="" border="double,6,black" type=2 line=0 align=center use=ex num="0,black"]
يافيصل ابا أوصيك مني وصيه=وصيةٍ تبقى على مد الأعوام
العود تمشي له بنفس ٍ رضيه=وبالك تكدر خاطر العود ياغلام
كم ليلةٍ تسهر عيونه شقيه=يرجي من المعبود رزاق الايتام
يرجي لعل أيام عمرك هنيه=وانه يفكك شر حاسد ونمام
والضيف باشر جيته بالتحيه=وقله هلا حييت ياضيف الاكرام
قدم له الترحاب والشاذليه=وكبشٍ تغالا قيمته كل سوام
واضحك ليا صكوا عليك الدنيه=ذولا خوالٍ لك وذوليك الأعمام
واحذر عدوك لو تبسم شفيه=تراه لو يضحك يغض لك الابهام
خلك حريصٍ وانتوه بالقصيه=ومن لايضيم عداه لابد ينضام
هذي وصاة أخوك جاتك هديه=ابيك دايم يافتى الجود قدام
مابيك تكسب لك علوم رديه=تضحك عليك الناس وتقول لاقام[/poem]

[فواز الشيباني]

اخي ابن مسلم

صح السانك على الوصيه الجزله

قصيده فيها من النصائح الشي المفيد

تنقل للقصائد الاعضاء

[ابن مسلم]

الأخ / فواز المحترم شكراً على أهتمامك ولك فائق شكري وتقديري

[اخو من طاع الله]

صح لسانك اخوي ولا هنت على الابياااات الرائعه

وان شاء الله توصل النصيحه ويستفاااد منهاااااااااا

الله يعطيك العااااااافيه

[النـايــــــف]

صح لسانك اخوي ابن مسلم


وبيض الله وجهك يا الغالي



تحياتي لك ،،،،

[وليد الزراقي]

اخي ابن مسلم

صح السانك على الوصيه الجزله
تحياتي

[ابن مسلم]

شكراًلك من مر من هنا

[من عتبان الكويت]

شوف ومهو معناة انك مشرف شعر نبي نطوف لك لااااااااا انا ادور الزلة على الكبار اصلأأأ ههههههههههههه


ابن مسلم مما لاشك فيه انك شاعر وشاعر لك ثقل في ميدان الشعر


لكن انا اشوف انك لو قلت في البيت الاول

بدل كلمة مـــد الاعوام كلمة مــر الاعوام انه راح يكون البيت اكثر سلاسه وقبول


اخر شطر باللة توضحه ما فهمته صح ؟



الف شكر يالجزل

[الذويبي العتيبي]

[align=center]

واحذر عدوك لو تبسـم شفيـه تراه لو يضحك يغض لك الابهام

اخوي بن مسلم

قل في هذا الزمان من يتقبل النصح

ولكن اسال الله ان تقع نصيحتك بقلب اخيك

ويكون متقبل لها

ولعلها تكون عضه للكثير من الشباب

اشكرك على هذا النظم الجميل واتمنى لك

المزيد من التوفيق والاجتهاد في مثل هذه القصائد

تقبل مروري لاعدمناك[/align]

[شاعر روق]

يافيصل ابا أوصيك مني وصيه
وصيةٍ تبقى على مـد الأعـوام
العود تمشي له بنفس ٍ رضيـه
وبالك تكدر خاطر العود ياغلام
كم ليلةٍ تسهـر عيونـه شقيـه
يرجي من المعبود رزاق الايتام

الله يغفر للعود ويسكنه فسيح جناته
وهنئا لك بر والديك وهذا ملحوظ عليك حتى في التوقيع
اسال الله ان يكتب لك الاجر والمثوبه
وان يثبتك انت واخوك على الطاعه

وصح لسانك على قصيدتك الجزله والثمينه والدره

تقديري لك