حال الفقير مع الأسهم

[بدوي متعلم]

[align=center]شاشة الاسهم
شاشة الاسهم غريبه
من فعايلها عجيبه

كم كسب منها الكبير
وكم خسر منها الصغير

وكم تعب منها الفقير
لانظر في شاشة الاسهم يشوف

كم بها من هالالوف
عرضه لكل الظروف

والفقير اللي لهوف
راح تفكيره بعيد

حط له فيها رصيد
وصار له راي سديد

اشترى قصر كبير
فيه ما صار ويصير

الحدايق من يمين ومن يسار
والملاعب للكبار وللصغار

والخدم من كل حدب وكل صوب
كلهم رهن الاشاره .. قبل ينطق بالعباره

والمواتر جابها .. مادرى بحسابها
كلها بانواعها .. واقفه وسط الكراج

ماشراها من الحراج
من وكالتها جديده

شافها وسط الجريده
وقام يكشخ با لبشوت

ويعطي الناس الكروت
فيها توصيف القصر

لاجلس بعد العصر
يستمع حلو القصيد

ويعطي المال الزهيد
والدلال تساق في كل اتجاه

وكل من عنده يبي لحظة رضاه
وفجأه ! وهو في هالنعيم

ازعجه صوت العيال
يطلبونه يشترون

لعبة الدب المثير
شافها الطفل الصغير .. مع ولد جيرانهم

يوم جوهم زائرين
قال انا وقتي ثمين

بس منتم عارفين
وصاح في صوت جهوري للمدام

ابعديهم ما أبي ازعاج وكلام
ولا أبي حتى السلام

قالت اسمع وش يبون
قال يعني وش يبون

قالت بود ودلال
قيمته خمسة ريال

اعطهم يابن الحلال
قال هذا اللي تبون ؟؟ بس هذا اللي تبون !!

مد يمناه لجيوبه
وفتش الجيب اليمين وفتش الجيب الشمال

بس هالمسكين ما حصل ريال
وانتبه من غفلته

يوم بانت هفوته
وصاح في صوت طويل

يسبقه دمع يسيل
آآه ما عندي ريال

لجل أسكت هالعيال
كيف أجيب اللي يبون

وأشتري ما يشتهون
وين مالي وين قصري ؟وين كل اللي شريت !

وين مابعت وخذيت وين وين !!
علموني فهموني وش حصلي ويش صار

آه ما اقوى الانتظار
خبروني ليش يمي تنظرون

كن في عقلي جنون
مادرى انه عاش في لحظة خيال..

وضاع في هذا المجال
وانصدم هذا الفقير
وانقهر واصبح ظرير .. وانتهى الحلم الكبير ياحرام

الشاعر عبدالله بن ملهي الحربي(منقول)[/align]

[مخاوي النشامى]

جبتها على الجرح
سلمت يابدوي متعلم على نقل القصيدة الرائعه

[اخو من طاع الله]

هههههههه

مشكور على نقلك يا رائع

[بدوي متعلم]

الاخوان :عبدالله ومخاوي النشامي (النار ماتحرق الا--------------)

مشكورين على المرور محبتي(بدوي متعلم)

[الشــــيبانــي]

مشكور اخوي بدوي متعلم على النقل الرائع
والله لايهينك

[خالد العتيبي]

مشكور اخوي على القصيدة ولاهنت|||



تحياتي



خالد العتيبي

[بدوي متعلم]

الشيباني أسعدني مرورك ومشكور


محبتي (بدوي متعلم)

[بدوي متعلم]

الاخ :خالد العتيبي

الشكر لله ولاهنت

محبتي (بدوي متعلم)

[برقاوي هواوي]

هههههههههه

تسلم يمينك على نقلها

[بدوي متعلم]

الاخ:
برقاوي هواوي لاهنت وصح بدنك


محبتي(بدوي متعلم)