لمن هذه القصيده

[عاااشق نجد]

السلام عليكم ورحمة الله وبركاته
أسعد الله جميع أوقاتكم
عندي قصيده يقول مطلعها





سر يا قلم مالي على الصبر طاقه

صبري تعدى الحد ما عاد ينطاق

اكتب لمثلي قصته واشتياقه

في خطك الواضح على بيض الأوراق

قصة حزين صافي المر ذاقه

اليا ذكر ما صار له خاطره ضاق

باقوا به الأصحاب والوقت باقه

وصار الضحيه بين بايق وبواق




الى آخر القصيده

اللي ابغاه من اللي قال القصيده هذي
ناس يقولون ان قائل القصيده هذي هو
الشاعر المعاصر عبدالله بن باتل الرشيدي
وناس ثانين يقولون لا ان قائل القصيده
هو الشاعر بندر بن سرور العتيبي
رحمه الله تعالى



واللي اتمنى معرفته من هو القائل الحقيقي
لهذي القصيده ارجو من الأخوه أعضاء المنتدى
افادتي في هذه الموضوع لمن لديه معلومه مؤكده
مع تمنياتي لكم بالتوفيق ودمتم بحفظ الله ورعايته
اخوكم عـــــاااشــــق نـــجـــد

[العفار]

بصراحة انا أعتقد أنها ليست للشاعر بندر بن سرور ... هذه القصيدة أسلوب شاعرها يختلف عن أسلوب بندر كما أنها أضعف من قصائد بندر
ونحن أعرف الناس ببندر وقصائدة

[عاااشق نجد]

مشكور وما قصرت على المعلومه القيمه وبيض الله وجهك يالذيب

[الحصان]

الله ياعاشق نجد انا اكاد اجزم انها للرشيدي و ليست لابن سرور




اخوي العفار بيت العطاوي الذي في توقيعك يقصدبه شاعرالكويت مرشدالبذال و ليس ابن عون


لو بدلته بهذا البيت لكان افضل حيث ان القصود به ابن عون


[poem=font="Simplified Arabic,4,white,bold,normal" bkcolor="teal" bkimage="" border="double,10,darkred" type=0 line=0 align=center use=ex num="0,black"]
من ضلع اجا مع رواق الجوقربني = للديرة اللي حليف الجود نازلها[/poem]

[كحيلان]

على مسئوليتي ليست من اسلوب بندر ولابقوته كماذكر الاحبه

[عاااشق نجد]

مشكورين وما قصرتوا يا شباب والله يعطيكم العافيه

[بديع الزمان]

شكرا للأحبه الذين شالركوا ولكن القصيده للشاعر الكبير بندر وهي موجوده عندي بصوت بندر رحمه الله

[ota]

ياعتيبه حان وقت المعاني والكلام
والحقيقه ثابته ياعتيبـه بالسنـود

نشتري ونبيع فالسوق ماناخذ حرام
ياعتيبه حجتي فوقها خمسة شهود

[** راس حربه **]

عاشق نجد

لقد وردت هذه القصيده في شريط يلقيه بندر بن سرور

وقعد وردت ايضاا له في كتااب على ما اعتقد ....

[الحصان]

شريط بصوته لا اعتقد ذلك