قصيدة ,,, وبس

[جرير]

[poem=font="Simplified Arabic,5,white,bold,normal" bkcolor="teal" bkimage="" border="double,9,limegreen" type=0 line=0 align=center use=ex num="0,black"]

يا راعي الرجفه وهمس المشاعر=سلام من قلبٍ يزيد إحتراقه
عزّ الله إنك شاعرٍ وإبن شاعر=وتستاهل أهدي لك من الورد باقه
جلست أقلّب في الكتب والدفاتر=وأتذكّر الماضي وذيك العراقه
هذا الزّمن ما هو على ماأنت خابر=الشّاه صارت ذيب والسبع ناقه
كم مرةٍ وأنا مع السوق عابر =أقابل أهل الخكرنه والرشاقه
ما جربوا رعي الغنم والأباعر=والمرّ ما يدرون وشّ هو مذاقه
الجنز ضيّق والبلايز حراير=والخد ناعم والولد به رقاقه
وقَصّ الشعر قَصّة يهودي وكافر=وحَطّ الأساور في يدينه وساقه
وأخته مع السواق وإبليس شاطر=وإذا نصحته قال مالك علاقه
وإذا جلس بين الرجاجيل فاغر=حرام فيه المحفظه والبطاقه
والمشكله ينجح وله رقم شاغر=يسهّلون أمره وتمشي أوراقه
وإبن الشيوخ أصبح على الذّل صابر=صكّوا عليه وزوّدوا في خناقه
يعمل بدكان الذهب والجواهر=والا على التكسي يدوّر رفاقه
والا معقّب في جميع الدواير=والأهل جوعى والمعيشه شفاقه
والا سكورتي يقضي الليل ساهر=وزو جته ما تهتني في عناقه
[/poem]

[نايف بن عرويل]

صح لسانك اخوي جرير قصيده رائعه ومعبره عن الواقع المرير

[الحصان]

الا هنت ياجرير وصح لسانك قصيدة مميزه من شاعر مميز

[إبن ثعلي]

صح السانك ياجرير قصيدة ولا اروع منها
تحياتي لك

[جرير]

أشكر مروركم الكريم
في الحقيقة هي قصيدة رائعة
لاحد الشعراء