قصيدة مدح وثناء في الشيخ/ عبدالعزيز الشغار

[الدجيما]

[ALIGN=CENTER]هذه القصيدة قالها الشاعر محمد بن شمروخ بن سعيدان العضياني

وهي تحمل الشكر ورد الجميل للشيخ عبدالعزيز بن ناصر الشغار

وإليكم القصيدة ..[/ALIGN]

[poet font="Simplified Arabic,4,black,bold,normal" bkcolor="transparent" bkimage="backgrounds/18.gif" border="groove,4,gray" type=2 line=200% align=center use=ex length=0 char="" num="0,black" filter=""]
بيض الله وجه من وقفته وقت اللزوم = أبين من الشمس للعين في نصف النهار
من بعد سيليةٍ وانجلت عنها الغيوم = وانفتق عنها غلاف الكتايم والغبار
وقفت الشغار زاحت عن الصدر الهموم = عقب ما ضاقت عليّه وفيّ الوقت بار
وقفتن ما غير عبدالعزيز إلها قدوم = غير منهم مثله الهم على الصعب اقتدار
الرفيق اللي توقّف ليا جته العلوم = عون منهو يطلب العون لاضاق المدار
يوم جاه موصل العلم قال اله مخدوم = بأمر خلاّق الخلايق يهونن الكبار
قام قومة مخلصن ماتخون به العزوم = وانقذ اللي معه وصلّت ليا حد الزرار
والله إني قدم قومتك يالحر اللطوم = مثل ما قال المثل بين نار وبين غار
القضيه غامضه والامل شبه معدوم = وكل بادي يوم مهددن بالآنهيار
جعل من يجحد جميلك من الخير محروم = في نهار(ن) دربنا مع صراط فوق نار
ياعميد المرجاه والمعرفه والسلوم = ياخيار دلك الله على كسب الخيار
يا ولد عودن معمّه على الطيب محزوم = نفتخر به كلنا وله حق الافتخار
ناصر الشغار لا جا مجال أسما القروم = فارضن لاسمه مكانة وتقدير ووقار
يتجدد بالخصال الحميده كل يوم = طيب طيبه على ساس ما هو مستعار
مزبن للي حدته المشاكل والضيوم = ما لقى له مخرجن لا يمين ولايسار
هو ذراه وهو ظلاله بعد لفح السموم = وهو ملاذه بأمر ربه بعد جفوا الديار
كم وكم من واحد(ن) ناصر لعونه يقوم = ماينطحه الحجج والوعايد والعذار
ولا حدن يستغرب الطيب منكم يالقروم = أنتم أهل الطيب وأنتم طويلين العمار
عصبتن من ماضي الوقت للعليا تروم = كاسبين السمعة الطيبة والانتصار
وفالقدايم يوم وقت الملاقا بالسهوم = تجلبون الروح بالرخص دون أم الحوار
ورايكم دايم على العز والنصر محزوم = والمنايا في يديكم على قحص المهار
وإن ثبت ميعادكم مع مشمرة الكموم = كل منكم يطلب الزود في هاك النهار
لين حتى كيلكم يرجح بكيل الخصوم = من فعل شلف(ن) تهاوى من أيمان الغمار
وتنزلون القفر فالخوف بالوضحى الردوم = ومن وحمكم ترتع أم الحوير ما تذار
ومن بنى بيته على ساس ما هوب مهدوم = ولا يصيبه بأمر ربه من الوقت اندثار
يا مقر المرجلة جعل تقداك الرخوم = تستحق المدح والقدر منا والوقار
ومن جحد معروف شرواك ما هوب محشوم = ما يغط أفعال روس الرجال ألاّ الحمار
جاهك المبذول ما ينسى حتى تقوم = ساعةٍ تذوب من هولها صم الحجار
[/poet]


[ALIGN=CENTER]( أخـوكـم الدجيــما )[/ALIGN]

[مرضي القيفان]

[ALIGN=CENTER] اخوي الدجيما
صح لسان الشاعر وبيض الله وجهه 0
والله ومليون نعم بالاجواد اللى مدحهم
الشاعر ولا انكر جميل عبد العزيز معه 0
وهم فالواقع غنيين عن المدح ولكن الشاعر
قدر يعبر عن واقع بالقصيده 0
تشكر يالدجيما على نقلك لهذه القصيده 0
لنتمتع بقرائتها سلمت يمناك يالغالي 0




تقبل تحياتي [/ALIGN]

[الدجيما]

[ALIGN=CENTER]


صح بدنك اخوي مرضي ومشكور على مرورك.






الدجيما[/ALIGN]

[إبن ثعلي]

يستاهل المدح الشغار شيخ ولد شيخ ولاهوب كثير منه اللي سواه
وهذي عوايده وعوايد اهله الطبين
ابن ثعلي

[الشبلان]

[ALIGN=CENTER][TABLE=width:70%;][CELL=filter:;][ALIGN=center]صح لسانك اخوي الدجيما وصح لسان الشاعر ابن سعيدان على هذه القصيدة الجميلة والشيخ عبد العزيزبن ناصر يستاهل المدح ووالدة الشيخ ناصر يستاهل ايضاً المدح ولا هو غريب عليهم فعل الطيب والفزعة والنخوة شكرا لك يالدجيما :p[/ALIGN][/CELL][/TABLE][/ALIGN]

[الدجيما]

اخوي ابن ثعلي واخوي الشبلان مشكور على مروركم وسلمتم.






[ALIGN=CENTER]
الدجيما[/ALIGN]

[طلال الثعلي]

الدجيما

نقل رائع,,,,,,,

وصح لسان محمد بن شمروخ العظياني


ويستاهل الشغار...

تحياتي

[@ عتيـبـي نجــد @]

[ALIGN=CENTER][TABLE=width:70%;background-color:transparent;background-image:url();border:1 solid green;][CELL=filter:;][ALIGN=center]

الاخ / الدجيما

سلمت يمينك .. دائماً وانت جزل في ماتنقله
وراقي في الاختيار .. عساك على القوه

محمد بن شمروخ العضياني رجل وافي ومن رجال يوفون ولا يجحدون
والثناء على صاحب جميل وفاء واجب على الرجال
وعبدالعزيز بن ناصر ونعم وابوه ونعمين ويستاهل ومن قدم شي يستاهل

والله يرعاهم ويحفظ لنا كل من يحب الوفا ويذكره

[/ALIGN][/CELL][/TABLE][/ALIGN]

[الدجيما]

اخوي طلال واخوي عتيبي نجد مشكور على المرور ومشكور على

هذا الاطراء والوفاء المد لله انه من اميز عادات هذه القبيله الشامخه.





[ALIGN=CENTER]
الدجيما[/ALIGN]

[بعيد المراميس]

الجزل ماينيشن الا على الجزاله يالدجيمااا

صح لسانك ولسان الشاعر محمد بن شمروخ

قصيده غنيه عن التعريف:)

تحياتي يالقرم

اخوك

بعيد المراميس