صح لسانك

[بدوي متعلم]

[align=center]إن صـار زود المال بيدين الانـذال
حنـّا مـن المعـروف تندا يدينا

وان كانهم شرهوا على طيب الافعال
حنـّا وردنـا جـمامها وارتوينا

وان فكـّروا للجـود يمشون رحّال
حنـّا قبـل يمشون يـّمه خطينا

يـا مـا لبسنا للشرف كـل سربال
وعلـى البسيطة للفضيلـة مشينا

فـي دوحـة العربـا لنا مجد وظلال
وحنـّا علـى در المكـارم غـذينا

لـو نـجمع اللي فات منا مـن المال
إن كـان شيدنـا القصور وبنينا

نـعطي ولا نـتبع عطانـا بالاقـوال
ونبـذل ونسكت كنـنا ما عطينا

وان باعـوا الشيمـة بديـنار وريال
حنـا دخلنـا سوقهـا واشتـرينا

نطلـع لها لـو هي على روس الاقذال
لـو هـو عسيـر ٍ دربها ما انثنينا

بـافعالنـا نرسم دروب ٍ للاجيـال
إلـي نساهـا غيـرنا مـا نسينا

أسـود سـادات ٍ تسجل للاشبـال
فضايـل ٍ شـمنا لهـا واهتديـنا

بـيض ٍ نسجلهن جديدات وسـمال
حـفايـظ ٍ لاحفادنـا اللاحقيـنا

نصبـر على الشـّدات لـو شيلنا مال
لـو سـال دم دفوفـنا ما شكينا

نـخاف يلقـى سـدنا كـل ختـّال
ويـبني هـزيلات المعانـي عليـنا

الليـل يـا خالـد علـى والدك طال
وهنـّيـت ناس ٍ بالكـرا نـايمينا

يا عـز راسـي شفت مـا خبث البال
شـي ٍ يهـوّل شيـّب الـجاهلينا

شـي ٍ مـن اسبابـه يشيب بالاطفا
فطّـر خـشوم مهجـرعات الحنينا

أديـر قـالات ٍ عريضـات وطوال
قـالات خـلنّ المخفـىّ يـبـينا

منهـن رزيـن العقـل بالوقت يهتال
بـوقت ٍ عبـوس ٍ فطّـن الغافلينا

وقـت ٍ من اسبابـه شكى كل ريبال
نصبـر ونسكـت كنـنا غايـبينا

النـاس بـالأيـام راحـل ونـّزال
وتفجعهم الدنـيا وهـم دالـهيـنا

وحـيـات رب ٍ نزل آيات الانفال
عـالـم خفايـا نـية الحاقـدينا

ما اترك طريق العدل في كـل الاحوال
لـو يـرحـل المـريـخ للفرقدينا

محمد السديري[/align]

[إبن ثعلي]

مشكور يابدوي على نقل هذه القصيدة الرائعه للمرحوم ان شاء الله محمد السديري
تحياتي

[برقاوي هواوي]

سلمت يمينك أخوي بدوي متعلم على نقلك للقصايد الرائعة والجزلة

[مخاوي النشامى]

بدوي متعلم
سلمت يمناك أخوي على نقل هذه القصيدة
للشاعر محمد السديري رحمه الله

[سلطان القثامي]

يعطيك العافيه يا بدوي متعلم على النقل

[بدوي متعلم]

ابن ثعلي تقديرى لك أسعدني مرورك لاعدم


محبتي (بدوي متعلم)

[بدوي متعلم]

برقاوي وتسلم يمينك انت بعد


اسعدني مرورك محبتي (بدوي متعلم)

[بدوي متعلم]

الاخوان مخاوي النشامي وسلطان القثامي

أسعدني تواجدكم هنا لاعدم وتسلمون انتم بعد


محبتي (بدوي متعلم)

[النـايــــــف]

صح لسانك اخوي بدوي متعلم

والله يرحم الشاعر الكبير محمد السديري

وبيض الله وجهك يا الغالي

على هذا الاختيار الرائع

تحياتي لك ،،،،