بـــلا حـــــدود ,،,،,

عبدالله المرشدي · 05-18-2008, 07:33 AM

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتحسبنـي يـوم اقفـي نسيتـك=واللي خلقني ياهوا البال منسـاك
اقول ابسلـى واثرنـي ماسليتـك=احاول انسى واذكرك قبل لاسـلاك

حبك بلاني واشهـد انـي بليتـك= عسى الولي باللي بلا القلب يبلاك
في كل بيتٍ مـن قصيـدي لقيتـك=بعتاب والا وصف نـادر حلايـاك
بالحب والشعر المجـزل جزيتـك=دايم قصيدي باعذب القيل يجـزاك
كـن القصايـد تمتنـع لاهجيتـك=لاجيت اباسبك عصى القاف ثم جاك
امحي بيوتـي بالجفـا مامحيتـك= واقرا التجافي من فعولك ولا محاك
قلبي وروحي والمشاعـر عطيتـك= احساس شاعر صدق حبك وهاواك
بعت العـذارا كلهـن واشتريتـك=عندي جميع البيض فدوه لماطـاك
ليتك تحس بحرقة الشـوق ليتـك=كان اكتويت بنار بعـدك وفرقـاك
ذقت الشقا والهم ساعـة هويتـك=ماكنت اعرف الحب والشوق لولاك
جننتي ياهـوووه يكفـي رجيتـك=لاتحرق اللي باقـيٍ مـن بقايـاك
مافـاد بـك ودٍ قـراحٍ سقيـتـك=ولا فاد بك صبـرٍ تذلـه خطايـاك
اعليت شانك بالهـوى واعتليتـك=ولاشفت منـك الا خفايـا نوايـاك
لوكان لاهل العشق حاكم شكيتـك=واثبتّ فعلك في باصغـر كوايـاك
لكن هذا شرع الهوى لـو جفيتـك= تزعل وتتغلي واجيك اطلب رضاك
لك حق بامر الحب ماقد عصيتـك= لكن ترى ماني من اطرف رعايـاك
ذليت نفسي لجـل قربـك وجيتـك= وش تنتظر يافاتني جعلـي فـداك
ان كان تبغاني فنـا اللـي بغيتـك=اللعب عندك والهدف وسط مرمـاك[/poem]

عبدالله المرشدي · 05-18-2008, 09:23 AM

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وداعة الله ياعتيبه على خير=حان الرحيل وحان حمل الحقايب
الشاهد الله مابدى اي تقصير=لكن ظروفي في غيابي سبايب
العذر منكم يالرجال المناعير=تبقون عندي من خيار الحبايب[/poem]

عبدالله المرشدي · 05-18-2008, 09:24 AM

[poem= font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بالشعر اسجل ذكرياتي ليا غبت=ومن مر عقبي يقطف اثمار قولي [/poem]

عبدالله المرشدي · 05-30-2008, 01:18 PM

[poem= font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله ان القلب في وسطه حريقه=والصحيب يزيـد فيهـا بحطبـه
الحقيقه مـر وجـروحٍ عميقـه=اسئل اللي صافي المـر شربـه
كم طلبت الصدق من ناس صديقه=مثل من يطلـب لثـاره برقبـه
كم عطيت الصبر فوق اللي يطيقه=لين وفى جايـر الوقـت طلبـه
وقتنا يهدي وسيع البال ضيقـه=لابدا فرحه علـى طـول كربـه
صادق الاشواق فالواقع غريقـه=وسط وحلٍ يغرق اللي طاح ابـه
مايفيد الصدق لا ضيـع بريقـه=لا لقـاه الكـذب صـده وسلبـه
دنيةٍ فـي حالنـا تلعـب طليقـه=لين حطت من ورا الباب عتبـه
كم بدا التقصير في روسٍ حليقه=وكم وفيٍ مـادرا باللـي نهبـه
آه ياوجدي على شمس الحقيقـه=في زمانٍ يجرح اللي عاش ابـه[/poem]

عبدالله المرشدي · 06-02-2008, 09:48 AM

[poem= font="Simplified Arabic,4,darkred,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
فز قلبي وارتجف لحظة فراقه=والعيون ارخت وهلت دمعها
بين مستقبل بعاده واشتياقه=ثاير الاشواق يصعب قمعها
موقفٍ وصفه دقيق الوصف فاقه=فاق تطريز الحروف وجمعها
يوم قفى ماثنى للشوق ساقه=مادرى انه في حياتي شمعها
[/poem]

عبدالله المرشدي · 06-03-2008, 07:09 AM

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كنت اشوفك حلم عمري وارتجيك=كنت اشوفك نجم عن كل النجوم[/poem]

عبدالله المرشدي · 06-03-2008, 09:36 AM

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اهتلت من همة صغير امنياتي=اللي بعضها من خيالي محيته
غدت بي امواج الحياه لشتاتي=وزهدت في حلمٍ بفكري بنيته
رضيت بالواقع وضاعت عصاتي=وعجزت اكمل في طريقٍ بديته
بين الامل والصبر والجهد تاتي=نتايج المجهود لا من جنيته
والحمد لله طاعة الله غناتي=هي بالنهايه حلمي اللي بغيته[/poem]

عبدالله المرشدي · 06-04-2008, 07:08 AM

[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مستحيل انساك لو كلٍ نسـاااك=كيف ابنسى نور عيني لو نسا
الوفاوالود من قلبـي نصـاك=لوجزيتـه بالتعالـي ماقسـا
الله اللي قمة احساسي عطـاك=لين حبي لاكبر عيوبـك كسـا
جاك خفّاقي على المطلوب جاك=طير يكفخ بالصباح وبالمسـا
تجرحه . تدميه . ماهمه جفاك=المهم انه علـى حبـك رسـا
الك بس القلب وعيوني فـداك=غيرك من البيض تقطع وتخسا
انت وحدك بس ماعندي سواك=ياعسا تفهـم كلامـي ياعسـا
لاتزيد الجرح ويغـرك غـلاك=التعالـي بالمحبـه بربـسـا
انحني لك لجل ارضي مبتغـاك= وان عجبك الوضع تبشر بالاسا
لارحـم حـبٍ يـودي للهلاك=ولارحم قلبٍ من الذل احتسـا
كان تبغى العلم جاك اللي كفاك=فصل من احلى القصايد والبسا[/poem]

عبدالله المرشدي · 06-04-2008, 07:24 AM

[poem= font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الخطا من صاحبي مدموح كله=لنه اصلا مايجي منه خطا[/poem]

عبدالله المرشدي · 06-04-2008, 07:32 AM

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انت الذي علمتني كيف الاحباب=يوفون كيل الحب من دون تقصير
وانت الصحيب ان كان باروبي اصحاب=يامنيتي ياسيد سيد الغنادير[/poem]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع: