لغز، ياللي تعرفهن ثلاث (محلول ) من جوهرة الرياض صح لسانها

[{ أبوفيصل }]

هلا بالأدميرال لاهان غاليك

،

[وجودك يكفي]

ماشاء الله عليك ياجوهرة الرياض وصح لسانك ولاهنتي على الرمعه القاضيه
صح لسانك ياكابتن خليجي والله يعطيك العافيه ولاهنت على اللغز الممتع

[{ أبوفيصل }]

صح بدنك ياولد ثابت ويعافيك يالغالي

[الجوهرة]

الحمد لله إني رجعت جواهر الأولى اللي تعرف تحل الألغاز
صار لي فترة مخي مقفل ..

الله يبارك فيكم جميعا .. والله يعطيك العافية خليجي ..

[اصايل]

صباح الخير ..

مير ماجاء الحل هذا على بالي ابد :)

ياصعبه ..

صح لسانك جوهره ..

صح لسانك خليجي .ز

[عنآد العقاب]

المشاركة الأصلية كتبت بواسطة خليجي صح بدنكم وحياكم الله الرمعه الاولى مالكـ لوا ، ، والثانيه وينهاا ماقول دايم لاتضيّعون رمعاتكم

الثانية بالغرب و ماركبت على شطرين

كانت : البطاقة و التابعية وبطاقة الهوية ومراحلها الثلاث وكل وحدة كان لها عمر أو فترة

/

صحّ ألسنتكم جميعاً ..

جوهرة الرياض رمعة كيذا

[جااابر]

صح لسانك ياكابتن وصح لسان الجوهره
ولي تعليق اذا مايضايقك انا اشوف انك بالغت بالوصف لين ضعنا لانك قلت ماوطن قاع الارض ولا مشن برض دماث اجل وين كانت الدوله السعوديه ومسميات الاشياء تاخذ صفاتها !!
وغير كذا قلت ماعشقهن مفتري او ماحكمهن مفتري !!! فكرنا انها اشياء مقدسه
اشكرك جزيل الشكر

[{ أبوفيصل }]

صحت ألسنتكم جميع والله لايهينكم

[{ أبوفيصل }]

المشاركة الأصلية كتبت بواسطة جااابر صح لسانك ياكابتن وصح لسان الجوهره ولي تعليق اذا مايضايقك انا اشوف انك بالغت بالوصف لين ضعنا لانك قلت ماوطن قاع الارض ولا مشن برض دماث اجل وين كانت الدوله السعوديه ومسميات الاشياء تاخذ صفاتها !! وغير كذا قلت ماعشقهن مفتري او ماحكمهن مفتري !!! فكرنا انها اشياء مقدسه اشكرك جزيل الشكر

صح بدنك والله يبيض وجهك على هالتعليق وحيّه من تعليق اللي كلنا نستفيد منه
لكن الأوله أنا معك فيها والثانيه قد يكون مااستوعبتها أقصد بهن السعوديه والسعوديه فيها الأرض الطاهره أرض الحرمين الشريفين وفي هذه الحقبه لم يتولاّها مفتري

نرجع للأوله وأوقول معك حق وعزالله انّك معلّم ماتنتعلّم لكن المعنى مثل ماقلت ارجع للشرح وأتمناّ تجد فيه ماهو مقنع ،، وانا شاكر لك تعليقك ومرورك الكريم

[{ أبوفيصل }]

المشاركة الأصلية كتبت بواسطة خليجي صح لسساااانكـ ياجوهرة الرياض ماشاء الله تبارك الله أحسنتي الدولة السعودية الأولى الدولة السعودية الثانية الدولة السعودية الثالثه وش بناتٍ ياللي تعرفهن ثلاث << الدولة السعوية ومراحلها الثلاث ماعليهن يالعواريف أنكري << ماكان للسيطرة على الحكم فيها لأحدٍ مجهول لو وطن بالقاع والأرض الدّماث << بمراحلهن الثلاث مرّن على ارض السعودية واستقرت بتوحيد فارقاتٍ بالعمار وهن عري << كان بين كل مراحلهن الثلاث فارق زمني كلٍ بحسب عهدها الواضح ياخذن من طابع أسمائهن أِناث << كل مايلي أسمائهن من اِيضاح بصيغة التأنيث مثال : الدولة = السعودية = الأولى وهكذا وكل بنتٍ مااِهتواها مفتري << ماكانت لـحاكم جائر الاّ لعادل كان هدفه العدل ونبذ النعرات الجاهلية وتجديد الدعوه يوم عجاّات العسايم والغثاث << وقت المناحر والمعارك والنهب والسلب من غلاهن ماصِفن للمشتري << بطبيعة الحال السعودية غاليه والسيطرة عليها كانت اَنذاك في غاية الصعوبه أصبح لْعشّاقهن حق وميراث << أصبح من عهد مؤسس الدولة السعودية الثالثة عبدالعزيز طيب الله ثراه الحق بـ تولّي أبنائه حكم المملكة العربية السعودية من قديم الوقت علْمٍ ينقري << تاريخٌ تجلاَّ في الكتب التاريخيّة وقرأناه هذا لغزي موجزه عن هالثلاث ،، ان لقيت الحل قل وش تحتري >> واضح __ __ __ __ __ __ __ __ __ __ __ أشكركم كل الشكر على تفاعلكم الرائع واَمل قد استمتعو بهذا اللغز مبروووووووك جوهرة الرياض

أقرأ لـعيون جاااابر