اللغز وارد ما يبي له شهاده>> لغز جديد من بنت الطنايا.. توصل للحل ]الزيادي+وجودك يكفي[

[بنت شمرالطنايا]

المشاركة الأصلية كتبت بواسطة بن فريح اسعد الله صباحكم وكل اوقاتكم بخير صح لسان وفكر عمك ولاتهونين يابنت الطنايا على اللغز الجزل الحل ( البحر الميت ) لانه تميز على اخوته البحار الاخرى بزيادة الملوحه دمتي والجميع بحفظ الله

اهلا فيك اخوي

صح بدنك

ولا هنت

ومالك لوى مو البحر الميت

[بن فريح]

المشاركة الأصلية كتبت بواسطة بنت شمرالطنايا مرحبا اخباركم عارفه اني طولت عليكم باللغز كل شهر احط لغز لغز من عمي وهو عطاني ياه باللهجه الشمريه بس انا حولته للعاميه واذا فيه كسر اعذروني [poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] اسالك عن رجل(ن) تميز خذا زود=عن اخوته متميزن بالزياده ولا اخوته بقى لهم شي محدود=اللغز وارد ما يبي له شهاده ياعيال ياللي عرفكم مهو محدود=ياللي لكم بالطيب والعرف عاده [/poem]

بارك الله فيك وبالحضور
على المتابعه
وش رايك بالنحل وتميز عن غيره
بانتاج العســــــل وفيه شفاء
دمتم بحفظ الرحمن

[إبن ثعلي]

حرف الثاء زائد عن الباء والتاء بالنقاط الثلاث؟

[بنت شمرالطنايا]

المشاركة الأصلية كتبت بواسطة بن فريح بارك الله فيك وبالحضور على المتابعه وش رايك بالنحل وتميز عن غيره بانتاج العســــــل وفيه شفاء دمتم بحفظ الرحمن

اهلا فيك اخوي وبارك فيك ربي


ومالك لوى

[بنت شمرالطنايا]

المشاركة الأصلية كتبت بواسطة إبن ثعلي حرف الثاء زائد عن الباء والتاء بالنقاط الثلاث؟

مالك لوى طال عمرك

[بن فريح]

اشكرك على حسن المتابعه
ولايهون كل من شارك
وحضر
بقى عندي رمعه
ملحقه
وش رايك
بالانســــــان
وقال تعالى
( لقد خلقنا الأنسان في أحسن تقويم) (التين)
أحسن تقويم اي اكمل تعديل وأحسن
صورة وارقى عقل تميز به الأنسان
عن باقي العالمين وامتاز الإنسان
عن غيره من المخلوقات
والحمد لله رب العالمين

ن

[وجودك يكفي]

عندي رمعه خطيره يابنت شمر الطنايآ حتى لوكانت بعيده عن الجواب المطلوب
لأني اتوقع جواب اللغز إنسان بنسبة 80% وأتوقع جماد بنسبة 20%
ويستبعد الجواب المعنوي أي
)الغير محسوس(
ومثل مايسمونه آخرين
)بالسهو(

وهذا حسب خبرتي في الغاز العم السابقة

رمعتي هي
تاريخ السنة
واخوانة تاريخ الشهر وتاريخ اليوم

تاريخ السنه تميز عن تاريخ اليوم وتاريخ الشهر
18‏ ‏/ 3 / 2010
واخذ أربع أرقام زود

واخوانة بقى لهم شي محدود
تاريخ الشهر واليوم بقى لهم رقم واحد واحيان رقمين ولايزيدون عن هذا الحد بينما اخوهم تاريخ السنة اخذ اربع ارقام وتميز عنهم بالزيادة الواضحه لدى الجميع



لاتستعجلين يابنت شمر في الرد على هذه الرمعه وحاولي تشوفين مدى صحتها ومطابقتها على اللغز وانتي خبيره في مجال الألغاز

[الأدميرال]

وجودك يالله حيه
شكلك نمت بعد الاسئله طويله بغت توصل الميه
يالله حيهم
انا رمعتي طول الله اعماركم
الفناجيل والدله دايم متلازمين والدله متميزه عن الفناجيل

[وجودك يكفي]

المشاركة الأصلية كتبت بواسطة الأدميرال وجودك يالله حيه شكلك نمت بعد الاسئله طويله بغت توصل الميه يالله حيهم انا رمعتي طول الله اعماركم الفناجيل والدله دايم متلازمين والدله متميزه عن الفناجيل

هلابك يالادميرال ومن قال يحيآ وانا اخوك




وبالنسبه لرمعتك شكلك مطفي النور هههههه

رجل تميز خذا زود

الدله مذكر او مؤنث يالادميرال هههههه

[الأدميرال]

والله ياوجودك
عمها طارح اللغز باللهجه الشمريه
وبنت شمر تقول انا حولته للعاميه
واللي اعرفه ان الشمامره يقولون الدلي الي هي الدله يعني المعنى في بطن عمها
يعني انكان مهوب هواه ولا بيكون هو قريب منه
7
7
7
تضحك
اوريك