سجل حضورك اليومي ببيت شعر او حكمه

[الأدميرال]

ليلة مطر شق الرعد جو الانفاس
وامطر جنون العاصفه من حروفي
اعد واذكر ناس .. وانسى بعض ناس
اشباح ذكرى تسكن اطلال شوفي

[الأدميرال]

لا تأخذ الدنيا خراصٍ وهقوات
يقطعك من نقل الصميل البرادي
لك شوفةٍ وحده وللناس شوفات
ولا واديٍ سيله يفيض بوادي

[الأدميرال]

هلا هلابك عد نجم المجره
وعدة نجوم حدها الجدي لسهيل

[الأدميرال]

مايخلي حالت الرجال حاله
غير بنت في مواقفها رجوله

[الأدميرال]

ياعظيمه كل شئ له حدود وله نهايه
لكن انتي ماوقفتي عند حدك ياعظيمه
استلذتي بطعناتي واخذتيها هوايه
كن مالك حرة توجع وطعنات ٍ اليمه
آه ليتك ماتماديت بطعنات البدايه
لين صار لكل طعنه في الحشى معني وقيمه

[الأدميرال]

بيّض الله وجه الأيام سوتبي جميل
وأرحم الله مابقا منك يالقلب الندي
مانفعني جود يمناي في راس البخيل
ليتني قبل أفعل الطيب مقطوعه يدي
والله اني ماتحريت للوقفه حصيل
بدويً لانخيته من أقصاه يعدي

[الأدميرال]

نشرب فعول الطيب مع فكة الريق
والعز والناموس يطرب مذاقه
بافعالنا نرقى بروس الشواهيق
وللمرتفع نملك عزوم ولياقه

[الأدميرال]

وش يذبح الرجل غير الخوف والحاجه
لا صار في موقفن محرج ومحتاجي
حتى زمانه عقد له طارف حجاجه
لو يعتدل يوم باق العام منعاجي

[الأدميرال]

نبقى على مر الليالي عزيزين
نهج ٍ عزيز وعزة النفس منا
ياسيرة ٍ للطيب نبقى وتبقين
من جدنا الاول ليآخر زمنا

[الأدميرال]

كن الحلا في عنقها عقد سلسال
هام بغلاها ومن حلاها زبنها
في خصرها جنه وبعيونها آمال
تعزف على كل المشاعر لحنها