^
*
*
اسلوب تكتيكي بحت على طريقة [ . يابلادي كـم على شـانش .] 
|
|
|
شف مايتردد في الثانية ..
الا رجل معسر او عنده ضايقة مالية والا رجالن " لك عليه
|
ياسـر ماهوب شرط , فيه هـوامير دراهم وماعندهم إلا وحدة
وفي نفس الوقت فيه رقـاله لك عليهم وماخذين ثلاث 
+
ترا زماننا تغير عن اول ,
التفكير والناس تغيرو يعني سالفة انك تأخذ ثنتين ويعيشون في سلام انساها وانا اخوك
والله ان حطيتهم في بيت واحد ان تشوف دلال القهوه رصع في الجدران يومياً , 
هذا اذا ماحترق البيت عليك , او سيارتك اللي على حساب الثانية
* ياحبيبي خذ لك وحده وتخلف خمس ست بزوره مع زوجتك و تتعب في تربيتهم
وتخطط لمستقبلهم وتحقق امانيهم وتعيش في احلى حياه واحلى روقان وهداوه 
* اما تعدد في الزوجات ويصير عدد عيالك فوق الـ 12 < ~ فروخ !
هذا غير الزوجات , مدري يعني بتركز مع مين وبتخلي مييييييين
,
كم واحد بيندمر مستقبله والسبب قل الاهتمام الناتج من الكثره تغلب التركيز في التربية ؟
+
خليها وحده وخفف من عوار الرأس ,
مثال بسيط / كلمة [ ودنـي للـسوق ]
كلمة تثير اشمئزازي وتخلي جؤي العام ملبد بالغيوم
الكلمة هاذي لو بتحسبها مع ايام الاعياد اللي تأخذ لك اسبوعين وموترك مايطفي ,
بيطلع لك على مدار السنة يمكن في الاسبوع مره واحد
يعني في الشهر 4 وفي السنة 48 تقريباً !!
طيب اللي بدو مرتين كم بيسمعها لاحظ معي
في الشهر 8 في السنة = 96 !
هذا إذا ماسلمنا انها بتقول هالكلمة مره في الاسبوع طول السنة
وصدقني ان ما زادت ماهيب ناقصة ,
هاذي معادلة بسيطة في موضوع جداً سهل وقس عليه باقي الأمـور !
*
7
إنبراشه على سالفة زوجتي مدرسة ,,
شخصياً أفضل اني اسوق سيكل 25 < ~ حق الهنود
على ان زوجتي تقصد عني موتر لمدة 7 سنين !
يافلانه وانا زوجتس وحبيبتس
ومقلة عينتس طالبتس تسددين عني اقصاد هالجيب الـ Gx
وابد كلها كم سنتين ثلاثة وتختلفون في موضوع ثم تطلع لك فواتيرها 
وتنشر غسيلك وتخليك علك في حلوق البشريه
عاد وانت رايح للديره يقولون فلان جانا على سيارة فـلانه 
موقف بايخ مستحيل احط نفسي فيه
إلا في حالة وحده انها تكون هدية بسيطه يعني حدها ساعة رولكس
+
العرق اللي عندي مثل القنبلة الموقوته
انا وشدراني لو انفجرت بكرة ورصعت مُثنى وثُلاث
عشان كذا مابي اسوي لها خط رجعة بيديني ,
انا إذا جيت اضرب لازم تكون ضربتي مميته لجميع التحركات المضاده ,
رحمني الله اقول في احدى مقولاتي [ .. اضرب قامد وخلص عليه .. ]
مثال هالمقوله /
البراعصي إذا طبقته ببـلكه كبيرة في الحجم بيتمزق ارباً اربا
بس إذا محطته بعصا مكنسه وش بيصير ؟ بيموت ويبقى ذيله يتحرك
^
مـع الآخذ في الاعتبار ان التشبية مجازي , والمقولة عامـة
ويكرمون الحريمات عن البراعـصي :)
| 
|
08-21-2009, 06:19 AM
العرض العادي
