█ ماجد عبدالله + سامي الجابر = ~ ع ـندما يكون للكره عنوآن █

[» عبدالعزيز «]

ماششاءالله عليييك يااحمد مااتتعب الله لايضضرك
والله ماششفت غير مقطع سامي والثنياان في مباراة كاس العالم
واحسسبها مباششر كل ماجابوا هجمه زيين ^^ أأبك إيييه^^ :d

[ç£àSsْIç]

ايه ياعزوز اللياقه Top ,
خـبرك كل عصرية اجربع في هالكوره


إلا انتم اللي اهب عليكم , آخر خبري فيه قبل لا ارد ردي اللي قبلك على عزيمة خيّال ,
طلعت اتقهوى خمس دقايق وسولفت عشر دقايق مع احد غلمان الحارة وانتم داقين اطناب الخيمه هنا

اهب ياالنشاط


’ ،


شباب خلو مسار الموضوع واحد عشان نصحح المفاهيم عندي او عند غيري


’ ,

تركي عنوان الموضوع الاول احق بكل صرآحة , ,

ماجد هو الاسطورة في هالموضوع من خلال تصويت صدى الملاعب :،/

[تركي السواط]

تركي عنوان الموضوع الاول احق بكل صرآحة , , ماجد هو الاسطورة في هالموضوع من خلال تصويت صدى الملاعب :،/

هلا أخوي كلاسيك الموضوع تعدى التصويت...

وإنت شآيف الردود فيه ناس يجيبون عن سامي وناس عن ماجد
.
.
.
عشآن كذا غير الموضوع..

تحيآآتي

[سلمان]

والله عندي ماجد اسطوره

وسامي اسطوره

ويوسف الثنيان على اني نصراوي اقول اسطوره

وفهد المهلل من الي ساهمو في تاهل السعوديه لمونديال 94 عندي انه اسطوره

وفواد انور اول سعودي جاب في كاس العالم هدف اسطوره

وسعيد العويران الي جاب افضل هدف في كاس العالم 94 واحد من افضل عشره اهداف في تاريخ الكره بعد اسطوره


والمفيد كل الاعبين الي مرو

كانو نجوم في وقتهم

والكوره تغير

الدوري السعودي الحين

موب

مثل عام 1405 على وقت ماجد

وموب مثل عام 1413 على وقت نجوم الشباب

وموب مثل عام 1422 على وقت سامي

الكوره كل يوم تطور المستويات فيها

وعن من افضل من الثاني

يعني بدون تحيز

اهداف سامي واهداف ماجد

مثل اهداف ياسر ولا نايف هزازي او غيرهم

الدفاع صار افضل في الفرق والحراس صارو افضل

يعني ماجد وسامي كانو نجوم في وقتهم

يعني الي يقول ماجد ماله اي تاريخ اقول له اسئل الي شافوه وقتها هم الي بيشهدون له
وسامي با المثل

واصبرو بعد عشرين سنه ان الله احيانا فيه مقارانا تصير بين العنبر والشهراني من لاعب القرن في السعوديه ههههههههههههههههههههههههههههه


ماجد اسطوره عند النصراويه الي منهم انا

وسامي اسطوره عند محبيه

واسف على الاطاله

[البّدر]

"

مدري ليه تغير عنوان الموضوع .. :52:





هذه نتائج تصويت حدث مؤخرا 14/12/1429هـ في شبكة الهلال الرسمية وشارك فيها كل الهلاليين , وشهد عليها واقرها كتاب صحافتهم ... وفاز باسطورة الهلال وافضل لاعب بتاريخه يوسف الثنيان الذي قال في يوم وعلى شاشة التلفاز انه يأتي ثانيا بعد ماجد عبدالله جماهيريا .


طبعا ً .. انا بحثت عن سجل سامي المشرف عند جمهُوره ..
وللأسف .. وجدت ابو يعقوب .. هو أسطورة كل الهلاليين ..
فـحترنا .. هل سامي اسطورة الهلاليين حتى نقارنه مع ماجد .. !!
أم يوسف الثنيان أسطورة الهلاليين لنقارنه مع ابو عبدالله .. !!
اذا كان ابو يعقوب .. بإعتراف جماهير الهلال بأنه .. أسطورة الهلال والمملكة ..
فلم الجدل البيزنطي .. :85:

قرات كل الردود واعجبتني وخصوصا ً ردود احمد بخصوص الثنيان ..
من سوء حظي ان اتجادل مع هلاليين في اكثر من موقع وفي اكثر من مناسبة ..
واحيان اشك ان احمد هو عضو في موقع ثاني .. الفكرة والاسلوب واحد ..
كأن جمهور الهلال يتفق على الحججح والتحجج ..
نأخذ برررب ماهو طويل ونرجع مرة ثانية

[تركي السواط]

انا عدلت اسم الموضوع

لاأني ابي اثبته..

<<-- يحس إن بيجي صحفي ويقرا هالكلام كله وينشره هع...

[ç£àSsْIç]

ياسـر لاتحاول تضرب الهلاليين في بعض ’

يوسف اسطورة الهلاليين لآن ماله مثيل مهو في السعودية فقط
اسيا كلها على مدار تاريخها لم ولن تنجب نجم بحجم يوسف الثنيان :)

وسامي مافيه هـلآلي بينكر دوره الرئيسي والمشرف في تاريخ الهلال والمنتخب
وانجازاته هي اللي تكلم عنه وتثبت نجوميته

يوسف الثنيان الذي قال في يوم وعلى شاشة التلفاز انه يأتي ثانيا بعد ماجد عبدالله جماهيريا .

حتى ماجد عبدالله طلع في لقاء متلفز وقال وليد الجيزاني أفضل مني كجماهيرية

ياخوي الحين نايف هزازي لو تسأله عن ياسر
يقولك اتمنى اني اصل لمستواه ولجماهيريته

بعد عشر سنين قد يتغير هذا الكلام بشرط ؟
اذا طور مستواه وحقق إنجازات تفوق ياسر :)

هذا إذا كان فيه فيديو من الاساس ,
لان يوسف من يومه وهو نجم :)

أم يوسف الثنيان أسطورة الهلاليين لنقارنه مع ابو عبدالله .. !!

حبيبي جـمهور الهلال مايقارن يوسف بمـاجد لأن مافيه اي مجال للمقارنة ولو بـ 1 % !!

وشهي مهارات ماجد عشان اقارنه بلاعب يبتكر المهارات ؟

كل اللي يملكه ماجد ضربات الرأس + الحس التهديفي فقط لاغير :)

وايضاً سامي حاله كحال يوسف لايقارن بماجد
لان ماجد لعب في وقت ماكان فيه نظام التسلل

يعني الكرة على وقته شختك بختك وطقها والحقها

وانا اقولك ليش المقارنات مولعه بينهم ,,

سامي مثل ماقلت في رد سابق إنجازاته اعجازيه
وارقام البطولات اللي ساهم فيها كثيرررر عشان كذا بين فتره وآخرى
تجيه اشادات من فيفا أو اي جهة خارجيه

اخواننا النصراويين عندهم فوبيا سامي ,

يعني فيفا قال سامي اسطورة الكرة السعوديه ,

الجمهور النصراوي لا ماجد الاسطوره !!

فيفا قال سامي من ضمن ثلاثة لاعبين عالميين فقط
هم اللذين سجلو في ثلاث نهايات كاس عالم

اخواننا النصراويين ماجد افضل هداف في السعوديه !!
مع ان مالها دخل اصلاً :o

عشان كذا ندخل في نقاشات معكم عشان نبين ونوضح لكم
ان السالفة كلها على بعضها داخله عرض

والمقارنة ظالمة لسامي 100 %

وإذا عندكم اعتراض بيبان فيفـا مفتوحة 24 ساعة
وماضاع حقٍ من وراه مطالب

كأن جمهور الهلال يتفق على الحججح والتحجج ..

جـمهور الهلال يتفق على ان الحق ابـلج والبـاطل لـجلج :)

واخواننا النصراويين في مواضيع الاسطورة لجلجه * لجلجه

انا ابيك تجاوبني في سؤال واحد فقط وصلى الله وسلم على نبينا محمد ,

انت طرحت إنجازات ماجد وتفاخرت فيها
وقلت انها مثل سامي مشهوده دولياً

ابيك ترد على هالسؤال ,

الفيفا قال ان أنجازات ماجد مزعومه وإلا لا ؟
تم التزوير في مبارايات ماجد وإلا لا ؟
اللي يزور في المباريات يزور في الاهداف صوووح آور نو ؟

انا نقاشي في هالأطار , عشان مايتشتت الموضوع :)

ولان هذه النقطة فقط هي اللي اقدر اقول انها تربط بين سامي وماجد الى حد ما !

+

تركي عاد نص المعلومات اللي في هالموضوع مايعرفها 95% من الوسط الرياضي
والسبب الأعـلام المطبل للأتحاد السعودي ولماجد :) ؟

والله لتبطي ماشفتها في جريده

[سلمان]

فيفا قال سامي من ضمن ثلاثة لاعبين عالميين فقط
هم اللذين سجلو في ثلاث نهايات كاس عالم

ــــــــــــــــــــــــــــــــــــــــــــــــــ ــــــــــــــ

حبيبي كلاسيك الاهداف الي جابها ثنين بلنتيات والثالث في تونس ما اعتبرها شي في 13 مباره لعبها في كاس العالم

ولاتنسا انه هو الاعب الي سنتر 9 مرات في مباره وحده مافيه لاعب سواها في كاس العالم قبله

وبعد تراه ما كان عنده فرق عن ماجد عنده حس تهديفي وصنع اهدافه مع الهلال احسن صناع لعب في تاريخ الكره السعوديه مثل ابو يعقوب وغيره
سامي من يوم طلع الهلال كان يمتلك لاعبين من افضل لاعبين خط الوسط
وبشهادة ماجد عبدالله
يوم قال اغرب هدف سجلته كان مع المنتخب يقول الكوره كانت مع يوسف وقدامه ثلاث لاعبين وقال له يوسف رح للباب وماعليك

وانا كا شخص صحيح اني نصراوي لاكن اشوف ان لا سامي ولا ماجد افضل لاعبين في تاريخ الكره السعوديه اشوف انه بكل صراحه ياسر
على ان فيه لعيبه مثلو السعوديه مثل ماجد وسامي مثل حسين عبد الغني الي اختير من الفيفا ضمن منتخب العالم في سنة 98 وكلنا يذكر حسين يوم لعب في مبارة منتخب نجوم العالم مع نجوم اورباء في قرعة كاس العالم 98

يعني وقتها كان سامي ويوسف وفواد انور يلعبون ليش ما اختارهم الفيفا
ويوم نقول ان سامي حمل كاس اسياء سنة 96 من كان كابتن المنتخب وقتها

ويوم نقول انه كان كابتن المنتخب في مونديالين كان اسؤا تمثيل للمنتخب فيهم
وحطو الناس المشكله في راس محمد الدعيع وتركو سامي ونواف والحسن اليامي ومحمد نور وهم كلهم كانو مشاركين في مهزلة الثمانيه صفر

يعني انا اقول ان ياسر قدم للمنتخب مثل سامي واكثر يمكن

وانا اشوف ان
ماجد افضل من الي قبله
وسامي افضل من الي قبله
وياسر افضل منهم كلهم


على ان في قرارة نفسي اقول ان سامي طلعه السان المعسول خارج الملعب وقربه من الشيوخ بعكس يوسف الي كان معروف با القشاره والعربجه

[ç£àSsْIç]

ســلمان

يـخرب عـئـلك ياشييخ والله يانا دخت وانا اقرا ردك ,
تـحدرها يمين وتسندهـا يسار

مـره تقول ان سامي سنتر 9 مرات
وتالي تقول ان المسئولية مشتركة والدعيع اكلها الين وصلت لياسر

صحيح سامي صحيح سجل من ينلتيين لآكن هو اللي تسبب فيـها بمهارته
وزي ماقلت قبل سامي لاعب جناح وصانع لعب أكثر من انه راس حربة تهديفي فقط

بعدين سامي ماشاراك في 12 مباراة كل اللي لعبها 8 مبارايات
إذا ماعلمنا انه لم يشارك في كاس العالم 2002
امام الكاميرون وأيرلندا لـ أصابته بالزائده الدوديه :(

وعلى فكرة ترانا انصكينا من ايرلندا الضعيفة 4
وسامي في المستشفى هل سامي السبب ايضاً !!!!

البلا كله من الـمدرب ناصر الجوهر ,
اللي سُئل في الموتمر الصحفي ليلة المباراة مع مدرب منتخب المانيا
ماذا تقول لمدرب المانيا قال اقول له الـميدان ياحميدان اللهم اني صـائم بس

وايضاً في كاس العالم 2006 لم يشترك كـ اساسي إلا في مباراة أسبانيا الأخـيرة
والباقي أحتياط وإذا مانيب واهم لم يشارك مع اوكرانيا نهائياً :)

على العموم احيي فيك تقديرك لعطاءات النجوم ونظرتك غير المتعصبة :)

وفعـلاً يوسف لو هو منبظط وجدي نفس سامي كـان بيكون له شأن ومستقبل خرآآآفـي ,,

وقال له يوسف رح للباب وماعليك

نـفس الكلام بالضبط قاله النجم الكويتي بشار عبدالله في مجلة فوكس

أسئلوه من أفضل صانع لعب لعبت وياه قال بلا تردد يوسف الثنيان ,
لانه كان يقول لنا[ إذا استلمت الكورة ماعليكم إلا انكم تسوّون سبرنت لقدام وانا اوصل الكرة بطريقتي !! ] :52:

[سلمان]

الف تحيه لك يا كلاسيك

انا يوم اقول ان سامي سنتر 9 مرات واكلها الدعيع
ماحطيتها في راس لا سامي ولا الدعيع ولا الجوهر حتى

بس ابي اوضح ان حتى سامي على انه صنع انجازات للكره السعوديه
لاكن كان اساسي في اكبر مهزله لتاريخ الكره السعوديه ويوم اقول ان الدعيع اكلها الدعيع كرهوه الناس يوم قال ما يمديني ونسو العشره الباقين وعن انه لعب 8 مباريات صح انا اخطيت في ها النقطه
لاكن سامي يوم لعب في 94 كان معه منتخب حقيقي يعني معه 10 لاعبين كلهم مظبوطين

بس عندي سؤال لو تجيب سامي في ايام عزه وتجيب معه تشكيله من الكميخ الصقري وبرناوي والصقور وطقتهم بيسوي شي طبعاً لا

المهم مع احترامي لسامي الجابر
مسالة افضل لاعب في تاريخ الكره السعوديه موب مسالة لعب با الدرجه الاولى يوسف فنان الهريفي فنان لاكن كانو مكروهين
وسامي وماجد لاعبين لهم شعبيه

ابي اسئلك سوال كلاسيك ايام كاس الخليج
جا فيه تصويت
من اسطورة كاس الخليج
ماجد عبدالله ولا جاسم يعقوب

طبيعي حنا سعوديين بنقول ابو عبدالله
ولو صارت المقارنه بين سامي وجاسم يعقوب بنقول ابو عبدالله بعد لانه سعودي
لاكن الحقيقه جاسم يعقوب هو اكثر لاعب فيهم شال كاس الخليج

يعني ليش مايكون الدعيع
موب لعب في كاس العالم 94 و98 و2002 وكاس اسيا 96 و2000 وكل كؤس الخليج في الفتره من 92 الى 2002 لاكن شالو عليه الناس من مبارة المانيا

محمد الدعيع الحين لاجينا بنقول من افضل حارس في السعوديه نقول هو على انه موب ضمن تشكيلة المنتخب لانه حقيقه هو الافضل سامي الجابر اعتزل فيه لاعبين غطو محله وماجد قبل

لاكن الدعيع هو ما اعتزل بس نقول دايم والله انه احسن من خوجه ومبروك زايد وليد عبدالله

يعني ليش مايكون حارس افضل لاعب في تاريخ الكره

بس المشكله هي مربوطه عند الناس كلهم انه يكون مهاجم

وعلى العموم النقاش لو نجلس الين بكره
انا بقول ماجد افضل لاعب وانت بتقول سامي

تحياتي لكم