لغز، ياللي تعرفهن ثلاث (محلول ) من جوهرة الرياض صح لسانها

[وجودك يكفي]

هههههههههه للمعلوميه والتوضيح ترى المنارات اللي في الصوره في المسجد النبوي ... والرمعه الثانيه كانت منارات المسجد الاموي وماحطيت صورهن .. بس مدام الرمعتين غير صحيحه نغيّر الإتجاه ياكابتن


طيب طيب عندي رمعه تقرقع في خاطري ولا مانع من طرحها حتى لو كانت سماويه ..

وش تقول في الخصال الثلاث ههههههههه ماني محددهن بس إذا الرمعه حول سنع علمني واعلمك

[{ أبوفيصل }]

المشاركة الأصلية كتبت بواسطة وجودك يكفي هههههههههه للمعلوميه والتوضيح ترى المنارات اللي في الصوره في المسجد النبوي ... والرمعه الثانيه كانت منارات المسجد الاموي وماحطيت صورهن .. بس مدام الرمعتين غير صحيحه نغيّر الإتجاه ياكابتن طيب طيب عندي رمعه تقرقع في خاطري ولا مانع من طرحها حتى لو كانت سماويه .. وش تقول في الخصال الثلاث ههههههههه ماني محددهن بس إذا الرمعه حول سنع علمني واعلمك

مالك لوا ،،،،،،،،،، وقل لي عن ويش تبي تعلمني

[وجودك يكفي]

هههههههه مدام الحل ماله علاقه بالخصال خلاص هونت ماني معلّمك

[{ أبوفيصل }]

المشاركة الأصلية كتبت بواسطة وجودك يكفي هههههههه مدام الحل ماله علاقه بالخصال خلاص هونت ماني معلّمك

زييييين أشوى <<<< >>>> أربكتنا

[عهود]

وش رايك بالسباحه والرمايه( وركوب الخيل ) الـــفــــروســــيــــــه ----------> لها عشاق وفيها حق وميراااث

ذكرت في القران ..العاديات ..الموريات ..المغيرات

[{ أبوفيصل }]

المشاركة الأصلية كتبت بواسطة عهود وش رايك بالسباحه والرمايه( وركوب الخيل ) الـــفــــروســــيــــــه ----------> لها عشاق وفيها حق وميراااث ذكرت في القران ..العاديات ..الموريات ..المغيرات

مالكـ لوا ،،،، طيب هاذولي اللي ذكرتيهن يمشن على القاع وبعدين لاتنسون > مايهتويهن مفتري
ركزي في معطيات اللغز حتى توصلين للبنات ،، حبيت اوضح المفهوم

[{ أبوفيصل }]

راجع لكم بأذن الله ،، ارمعو واللي لكم عليْ ،، كلً يبي يحصّل الرد على رمعته

[الجوهرة]

لغزك عقدني وحله أتوقع بالتاريخ يا معارك يا حولها ..
ورمعتي :
الدولة السعودية الأولى والثانية والثالثة

[{ أبوفيصل }]

المشاركة الأصلية كتبت بواسطة جوهرة الرياض لغزك عقدني وحله أتوقع بالتاريخ يا معارك يا حولها .. ورمعتي : الدولة السعودية الأولى والثانية والثالثة

صح لسساااانكـ ياجوهرة الرياض
ماشاء الله تبارك الله أحسنتي

الدولة السعودية الأولى
الدولة السعودية الثانية
الدولة السعودية الثالثه


وش بناتٍ ياللي تعرفهن ثلاث << الدولة السعوية ومراحلها الثلاث
ماعليهن يالعواريف أنكري << ماكان للسيطرة على الحكم فيها لأحدٍ مجهول

لو وطن بالقاع والأرض الدّماث << كل مراحلهن مرّن على السعودية حتى استقرت بتوحيدها
فارقاتٍ بالعمار وهن عري << كان بين كل مراحلهن الثلاث فارق زمني كلٍ بحسب عهدها الواضح

ياخذن من طابع أسمائهن أِناث << كل مايلي أسمائهن من اِيضاح بصيغة التأنيث
مثال : الدولة = السعودية = الأولى وهكذا
وكل بنتٍ مااِهتواها مفتري << ماكانت لـحاكم جائر الاّ لعادل كان هدفه العدل ونبذ النعرات الجاهلية وتجديد الدعوه

يوم عجاّات العسايم والغثاث << وقت المناحر والمعارك والنهب والسلب
من غلاهن ماصِفن للمشتري << بطبيعة الحال السعودية غاليه والسيطرة عليها كانت اَنذاك في غاية الصعوبه

أصبح لْعشّاقهن حق وميراث << أصبح من عهد مؤسس الدولة السعودية الثالثة
عبدالعزيز طيب الله ثراه الحق بـ تولّي أبنائه حكم المملكة العربية السعودية
من قديم الوقت علْمٍ ينقري << تاريخٌ تجلاَّ في الكتب التاريخيّة وقرأناه

هذا لغزي موجزه عن هالثلاث ،، ان لقيت الحل قل وش تحتري >> واضح

__ __ __ __ __ __ __ __ __ __ __

أشكركم كل الشكر على تفاعلكم الرائع واَمل قد استمتعو بهذا اللغز
مبروووووووك جوهرة الرياض

[الأدميرال]

لاهنت ياخليجي على طرح اللغز
مبروك ياجوهرة الرياض حوله وحوليه لين جبتيه