سجل حضورك اليومي ببيت شعر أو حكمه ..

[قلم ولكن]

يامحلا بأرض(ن) خلا شبة النار=في خبة(ن)عقب المطر مستسيله
وتجهيز كيف(ن) للنشامى والاخيار=كيف الرجال اهل الكرم والفضيله
قم يانديبي واشعم النار بوجار=شعلة سناها تلتهب في المسيله
سمر(ن) ليامن شب توهجر توهجار=لون الذهب في ايدين زين الجديله
وقلّط دلال الكيف مع بن وبهار=ونجر(ن) ليا من دنّ يطرب عويله
ومحماس بنه قربه والجمر حار=وخلك بحمس البن دايم دليله
مابين ني وحرق خله بمقدار=واحذر يجي في حمسة البن ميله
ولازان لونه وعج اشقر للانظار=دقه بنجر(ن) من سمعله يجيله
ثم قلط الرسلان من كف بيطار=واعبر لماها عبرة(ن) تستويله
وخله يفوح البن امرار وامرار=وليا اقطعت قرّب بهاره وهيله
هيل الحبش مع زعفران(ن)ومسمار=له ريحة(ن) تبري الخشوم العليله
زله عليها كفيت من كل الاخطار=وليا خذت فوحين هات الجميله
ودنّ القدوع وهات حلوات الاثمار=خلاص الحسا مافيه غيره بديله
وادرج هل الطالات وافين الاشبار=قوم(ن) على جال المناره ثقيله
فنجال صين(ن) صبته دوم بعيار=مايمتلي الفنجال ولاهي قليله
صبّه كفيت العوق ياطير غيمار=يوم ان ولد اللاش مافيه حيله
ثم ادرجه يمين والكل حضار =بعد الكبير اللي له الشيب زيله
وسوالف الشجعان تحكى وتندار=سوالف(ن) ماهي بحش وفشيله

[شموخ طفله]

آسلي نفْسي بـِ كثرْ آلآمآني واليدينْ [ قصآرْ ]
........... وآنآمْ وَ [ ربّي آلعآلم ] وشْ اللي خآطري حآسّه !

[الأدميرال]

إما أفرد ضلوعك على جيّته فرد . !
والا على الأقل . . جب له بجامه :$

[اصايل]

طَلّ الْ شِتاءْ مِن شُرفة الُ وَقتْ وَأمّسيتْ أجْمَعْ حَطبْ : ذِكَرَىَ , حَنينْ , ومُوَاجِعْ

[•° حلــم •°]

مالقوا في بيتي الا . .
وما لقوا في صدري الا . .
وما لقوا في قلبي الا . .
امنياتي المستحيله . .
واني احلم بس احلم . .

[مهـرة مـطير]

سامحـت كـلّ الـلـي جرحـنـي و بحـتـه ...!
الله يـبـيــحــه مــــــآ .... أبـــــــي مـــنــــه / تــبــريـــر

والــلــي مــعــه قــصّـــرت .. و إلا جـرحــتــه ؟
أبيه يسامحني .. على كلّ ... تقصير !

[اصايل]

بـَـِعضَ آلبـَشَرِ يـَغرِوِنـــــــَكَ بـٌصَدِقَ(( آلإحســــَآآآآآآآسَ )) !

وِبـَعِضَ آلبـَشَـرِ سَـآكَـــتٌ وِ " قـلـبـَه يحـَـبـــكِ"...

[شـوآق]

مَآني بخيل شعور جعلْك سالم !
مشآعري لـ محبتك ( مرهونه )

شوف آلبدوّ ، أكرم بشر بَ العالم
لآصبوّ الفنجآل . . . مآيملونه

[اصايل]

شب السمر .! خل عيني ينتثر ماها .!

مـبطي وعيني بـدمع الشـوق ممليّة .!

[شـوآق]

مو كل شيّ بـ كيفنآ لازم يصير
اشيآء وآجدمانبيهآ وصارت