☺طفـــــــــــولة عضـــــــو / عضــــــــوهـ ☺

[جااابر]

المشاركة الأصلية كتبت بواسطة اصايل نشيد كنت تحبه أيام الطفوله كثيييير كنت احب اغني وصوتي كان عذب بس الحين ختيرت كنت اردد سليم سليم ويش اسوي بمحبوبي تلقى الخلا واعطى المفاتيح عبدالله وكنت اردد المعنااا عليه الله وامانه ياهلا الملعبه وين المعنااا شيلات قديمه اسمعها في رادو جدتي ومن الاناشيد كنت احب طلع البدر علينا كنت اجر عليها مواويل ههههههههههههههههههه وياوارد الماء اسقني شربه واللي سقاني مايخاف الله طرب طرب شخصيه كرتونيه كنت تحبها؟ كنت اتابع كابتن رابح وماجد وهايدي وعدنان ولينا كابتن ماجد كنا مانسمع فيه وتقعد الكوره معلقه في السماء سنه وهو يفكر عشان يدخل قووول وحنا مصدقين هههههه كيف كانت ايام طفولتك شيطاني ولامؤدب طبعي هادي وغامض مبين عليك :) ماهي المواقف اللي عرضت اهلك للاحراج؟ انا طبعي هادي ولا اذكر اني عصيت اهلي بشي خص وانا صغير بس اذكر مره كان عند اخوي زيبق في علبه ومسكته وكبيته على ذهب الوالده علشان بشوف التغير اللي يصير للذهب المهم اعدمته صار ابيض وامي الله يطول بعمرها عصبت علي وضربتني وعلمت علي ابوي وضربني وكل من شافني يهبني لين تعقدت يقالك بتطبق تجارب العلوم خخخخ ذكرتني انا كبيته في المعمل في المدرسه :) موقف حصل في طفولتك كان له دور في تغيير مجرى حياتك غير مجرى حياتي ! انا احب ايام طفولتي كنت اشوف الحياه اجمل واكبر منها الحين لكن اذكر حادث وفاة جارنا وانا كنت تقريبا رابع ابتدائي وقتها انفجعت كنت احسب محد يموت الا اذا صار شايب !! ولما عرفت ان الموت حقيقه ويمكن افقد احد من اهلي او يفقدوني صابني هلع وحزن شديد بعدها ماصرت اشوف الحياه زي اول عاد من رابع وتغيرت نظرتك للحياه لا يارجل امداك شيبت من بدري :) اكبر مغامره قمت فيها وانت صغير اكبر مغامره مره نزلت من السياره وهي تمشي فتحت الباب وابوي يسوق المهم وانزل وامشي والسياره تمشي وابوي مفجوع بغيت اروح فيها المهم وقف ابوي وجهه كني اعاين فيه يتقادح شرر الله يطول بعمره ويغفرله طبعا مايحتاج اكمل الباقي الله لايلومه انا بعد انفجعت هههههههههههه من هو الشخص اللي يقع في شر اذيتك انا ماكنت ادس الدسائس لاحد كنت حليل بس اذا طاحت تطيح على راسي ههههههههههه هذي الشخصيه عاد تحزني دايم يكون مسالم وهو اللي ياكلها خخخخ يوم كنت صغير كنت تترأس عصابه ام انك كنت عضو فيها لا كنت عضو فيها وعضو موقوف ههههههه اعجبتني موقوف خخخخ اسم دلعك بالطفوله لحد الان ينادونك فيه ؟وماهو؟ اذكر ينادوني دويبي صراحه ماادري وش السبب بس اتوقع لاني سريع وحرك دوووبي هههههه هل كنت تعاني من أخطاء في مخارج الحروف لا رغم اني انبسط من ولدي الصغير اذا يدوب تطلع الكلمه من فمه تعجبني تبارك الرحمن عندك ولد :) كنت احسبك ورع هههههه اثاريك اب ماشاء الله معاد حنا مازحين معك لازم نغير الاسلوب شويات خل ولدك الصغير يسجل معنا ونمازحه بدالك :) يوم كنت صغير وشهي تسريحتك المفضله؟؟ كدش خخخخخخخخخ متفندي من بدري خخخخ اشياء ودك تذكرها عن طفولتك ودي اذكر ذيك الصباحات اللي كنت اصحى بدري واسرح معي جدتي للغنم ايام الاجازات والخميس والجمعه وكانت الله يرحمها تسوي خبز مقلي مع حليب بالقرفه ونفطر معها وتاخذ بقايا الخبز اليابس ضرمه للغنم ونجمع معها الاخياش كنت احس بسعاده ومتعه ونرجع قريب الظهر وفينا قصى وتعب صراحه اكتب لكم ذكرياتي وفي داخلي احس بحزن يمكن لاننا تقاسمناها مع شخصيات رحلوا واشتقنا لهم او لانها ايام جميله ذهبت ولن تعود الى الابد . الله يرحمها يارب بس قرص مقلي وشلون هههههههههههه وياسلام على تضريم الغنمااات .....ههه طفوله هااادئه ياجابر ماكنت شيطاني ولا مؤذي ماشالله عليك الله يسعد ايامك ياخوي ..

قرص مقلي في شوية زيت بس ياهو طعم

يااصايل خذي راحتك في التعاليق ترا مني كبير بالحيل
وراع توني
وشاكر لك تعليقاتك

[الأدميرال]

المشاركة الأصلية كتبت بواسطة جااابر ههههههههههههههههههههههههههههههه يالادميرال منت صاحي ركزت على اشياء انا ماانتبهت لها

هههههههههههههههههه ابد ايام كنا متقاسمينها

[اصايل]

ايه كانت امي تسويه لنا بس مانسميه مقلي :)

[جااابر]

المشاركة الأصلية كتبت بواسطة مهـرة مـطير العفو نورت ي جابر واستمتعنا بطفولتك البريئهشاكره لك

العفو يامهره واكرر شكري لك

[وجودك يكفي]

لبى قلبك ياجااابر ولبى طفولتك الحلوه



سكوبي دوووبي هههههههههههه

الله يحفظ ولدك (دوووبي الصغير)

استمتعت بقراءه طفولتك والله يعطيك العافيه ولاهنت يالغالي

[جااابر]

المشاركة الأصلية كتبت بواسطة وجودك يكفي لبى قلبك ياجااابر ولبى طفولتك الحلوه سكوبي دوووبي هههههههههههه الله يحفظ ولدك (دوووبي الصغير) استمتعت بقراءه طفولتك والله يعطيك العافيه ولاهنت يالغالي

ههههههههههههه اي والله اسكوبي دوبي دوب
شاكر لك مرورك وتعليقك

[مهـرة مـطير]

"

الدور على مصممنا المبدع { رآيـق }

بإنتظاره وبإنتظار أحداث طفولته

[اصايل]

رايق يارايق

احس رايق من يومه صغيره يحب الاجهزه ويفككها ويكسرها

ناطرين المدير الفني :)


اختيار رايق يامهره :)


/


كم رايق ذكر في النص السابق ههه

[مهـرة مـطير]

4 :)

[اصايل]

برافوووووه :)