المنتجع السياحي لأجمل الأبيــــات الشعريــــه ؟؟

[من عتبان الكويت]

ياليتك قبل تجفاني بديت بجرح ما ينطـاق
عشان اضمّده بموادعك واكون انا الجافي

لكنْ حطّيتني بالموقف اللي يتعب العشاق
أنا وشلون اذمّك واحقرك وانا اخبرك وافي

[من عتبان الكويت]

ياقلب كانك عقبهم ماتعلمت
عسى عروقك يسري السم فيها

عشانهم ياما وقفت وتكلمت
وحرمت نفسي لقمةٍ مشتهيها

[من عتبان الكويت]

ماعاد لك شوفه.. ولاعاد لك حسّ
مدري ظروف او غيبتك.. بـاختيارك

اهم شي .. انك ليا غبت انا احسّ
(نبضات قلبي) واقفه.. بـ انتظارك

[من عتبان الكويت]

كيف اباخذك من كف الفراق السروق
والظروف اتحدني .. والصبر عنك خان

يكبر اللوم لا ضاعت اكبار الحقـوق
وانت حقٍ رفعته عـن يديـن الهـوان

[من عتبان الكويت]

يندمل جرح قلبٍ ..ماتت احلامـه
بس ما اظن يبرى جرح الاحساسي

يوم صارت مابين القلب والهامـه
وش ابي بالحياة اليا انحنى راسـي

[من عتبان الكويت]

يا صاحبي عذر شوفك .. قسوة ظروفك
لكن وش عذر .. تقصيرك وحرماني

تعبت أدوّر رضاك وقربك وشوفك
وأنته تدوّر خطاي وزلّة لساني

[من عتبان الكويت]

يا حبّنا غمض وخذ ما بقا لك ، وروح :-
...........مافيه داعي .. تروح ، وتلتفت صوبنـا

وش عندك تخاف من كثر العنا والجروح
...........دامك ليا متّ ، راح تعيش فـ.. قلوبنـا !

[من عتبان الكويت]

خذني على قد قلبي .. وافهم احساسي ..
ومن بعدها لا تفكر .. " وانطق بـقلبك " ..

لو تسمع النبض بيـن سطـور كراسـي ..
" تلقـاه يـمـلا مــداك أحـبـك .. أحـبـك .."

شفني زفرت الوله مـع دافـي انفاسـي ..
شفنـي شهقـت الغـلا يـوم الهـوا قـربـك ..

[من عتبان الكويت]

اللي سلم من "معاناة الهواويه"
مهما شقا في زمانه ..ماخسر حاجه

اعصاب (راعي المحبه).. ( جمرة ٍ حيه)
واعصاب (ابو خافق ٍ خالي) .. ( بثلاجه)

اليا سلمنا من (البعد) وبلاويّه
مانسلم من (الوله)..(والشوق) ..وازعاجه

[من عتبان الكويت]

تغربت عام .! وجيت في جامعة لـكويت
ولانيب احب العلم كلّه ( علشانك )

ليا صرت ما تدري من الحب وش سويت
رح انشد خواتك كلهم .. واصغر اخوانك

فـلا فيهم اللي مر من عند باب البيت
ولا شافني موجود وآشكي لجدرانك