تعال واسدح لنـا مالقطته يديك ../ [ عندك جوال كميرا ..؟ حياك ]

[شموخ النايفات]

ههههههههههه مثووله الظاهر اني بنت خالتج عاد ربعكم عيدو عندنا


<<-- خوالها الي كبرها ماتناديهم الابساميهم وبعد مايتزوجون ابو فلان ولا ام فلان
اتصدقين عيال خلاتي وبنت خالي الصغار فيهم الي ينادوني عمه وفيهم ينادوني خاله :D



وعلى راحتج ياعسل ناديني بالي يريحج ^_^ >>حتى هي مو متاأقلمه مع نكها خخخخخخخ

[مـثـايـل]

لو انتس بنت خالتي طمرت عندتس الحين
.
والله الصغار بيموتون ما قلت خالي بس اللي من عمري يعني حول 18 اقولهم خالي وخاله وش اسوي ينشبون بحلقي ويقولون سلمي على الراس
الاحترام الاحترام < ما صدقوا احد يقولهم خالي تمنن هع
.
وعلى طاري النك < تهوجس تغيرر نكها ها الايام واخاف ما اتأقلم مع الجديد .

[ç£àSsْIç]

[align=center]

^

اما طيـرتي صورة الضلـع وراااو !!


الوكاد أخوكم عقب مانزل الصور في الجهـاز وقام يتنقى اللي يبا ينزلـة أكتشف أنه حـاذف برنامج الفوتو شوب :D


وجيت ابي أحمله طلع وقت التحميل 8 ساعات والله المشوار :o . ولي ساعتين
وانا أحاول اصغرها في برنامج وماقدرت وقفلت برنامج الورعان :D


لذالك اعزائي . نؤجل تنزيل صور ذهلان وجبالها الى وقتٍ آخر وتدفو بالصورة هاذي لين الله يفرجها :o


[/align]

[شموخ النايفات]

<<-- تنطرك واخرتها تاأأجلها ...ياشين التشويق الي على غير سنع







احمدوووه بعطيك موقع يصغر الصوررر ننطرك



<< ماتعطل :p


http://online-image-resize.kategorie.cz/

[ç£àSsْIç]

مـوقع منتاز المماتيز .






والباقي بعد شوي . مشكورة يالجازي "

[ç£àSsْIç]

[align=center]



بمـا أن أغلب الأقـارب خصوصاً الشيبان يستقرون في بـادية نجد . في ضواحي ذهلان
وماجاورها كان العيد في البادية وياحلو عيـد البادية :o


الفرصة لم تسنح لي كثيراً للـتصوير . لـكن التقطت لكم كم صورة أن شاء الله تكون على قد مقام ذائقتكم


جــبال ذهــلان . قال الفرزدق يهجو جريرا ويفخر عليه :

إن الـذي سـمـك السـمـاء بـنـى لـنـا
بـيـتــا دعـائـمــه أعــــزُ وأطــــولُ
بــيـــتٌ زرارةُ مُـحْــتَــبٍ بـفـنـائــه
ومجـاشـعٌ وأبــو الـفـوارسِ نهـشـلُ
فــادفــع بـكـفــك إن أردتَ بـنـاءنــا
ثهلانَ ذا الهَضباتِ هل يتحلحلُ ؟ !



ثهـلان يعتبر من أكبر الأعلام في نجد وأشهرها لا يقل امتداده
جنوبا وشمالا عن سبعين كيلا
وعرضه يتراوح بين عشرة وعشرين كيلا .. ذهلان كسب مكانته الحاليةبسبب الـمعارك حامية
الوطيس اللتي كانت تقام فيه ففيه قتـلو وقـُلتو أجدادنا [جعل عظامهم للـجنة جميع ]








خيمة عـمي . لـو جته كنوز الـدنيا وقصورها عشان يترك البادية ويسكن في بيت ويغير منطقتة قسم بالله ليـرفـض :)





















كـل هـاذي صور لـذهلان والأسـودة ومـاجاورهـا :)



طبـعاً قضينـا أيام العيد الـثلاث فـي مخـيم مشترك . فكان للـعيد بهجة وللفرحة سرور

<< يـرجال تـكلم بالعـامية ولاّ أنكتـم


ايه اقولكم تجمعنا واستانسنا والله اني احسد البدوي على عيشته يناس جربو الحياة
بدون تلفزيون وبدون ازعاجات المدينة وصخبها في البداية بتحس انها صعبة
لكن اذا جلست يومين أو ثلاث وتاقلمت مع الوضع تحس بالمتعة وبـ الأسترخاء الذهني




هـاذي شبة نـار الشيبان . من كثرنا مسوين فصل عنصري :D بين الشيبان والشباب
عشان الـكل يأخذ راحـتة "





وهـاذي شبتنا . ناسٍ تسولف عن الـبل والـحلال . وناسٍ تسولف عن التايب وريان بلال
الله من الفرق في السوالف . تصدقون اني سحبت على مندوبهم ورحت اتكي مع الشيبان
< قمة البجاحة



وبس. الصور كثيرة جداً . لكن أغلبها ليس للنشر لـظروف امنية :) [/align]

[شموخ النايفات]

[align=center]


صووورهــ ولا ارووع

احمد اول ماشفت نارك ذكرت سالفة جدتي عن الشيباني
تقول انه من قووى البرد لي صابه اصابعه مايقدر يحركها متجمدات
ويوم تدفا وعين من الله خير .وهوو يقووول عسى امي وابوي فيهاا <<-- ميد النار لانه اونس الدفا خخخخخخخخخخخخخ

وعلى طاري عمك ذكرت سالفة وحده عصيميه معاي بالجامعه تقول لي قرايب بسعوديه عايشين بالبر الظاهر من ربعكم

ويعطيك العافيه على الصوور الروووعه[/align]

[مـثـايـل]

يا حلو شبة النار < تقول والله من الفرق بين شبتنا الصغيرونه وشبتكم :p
.
وعلى طاري طيرة الضلع طيرته لانك ما جبت اسمه صح
.
< تقول الظاهر انه جعيداني كل صوره في الاسوده
صورك حلوه استمتعنا فيها كلاسيك .

[ރالزيــاديރ]

صوووووووور روووعه يامثايل

أحمد يعطيك الف عافيه صور في قمة الروعه

المشاركة الأصلية كتبت بواسطة مـثـايـل < تقول الظاهر انه جعيداني كل صوره في الاسوده صورك حلوه استمتعنا فيها كلاسيك .

<<<<يقول في نفسه قسم اني مااعرف الجعيداني وين ارضه ولاادري هم عتبان ولا لا بس باين ان البنت بدووووويه بالحيـــل

[مـثـايـل]

شكرا يا بدر ، يا كثر الصور اللي تركتها لظروف امنيه على قول احمد :D
.
يا كبرها عند الله يا بدر ما تعرف الجعادين عتبان والا لا
.
رح لاقرب مكتبه واشتر كتاب شعراء عتيبه قسم انه يهبل < .