ماموقف الرجــــــــــــــــــل عندما تقول <<هي>> لااريدك؟؟؟

[بنت الهيــــلا]

المشاركة الأصلية كتبت بواسطة شيخ الشيوخـ احـــم <<< يقول الله يستر من هالرد كان مانزلوه من الإدارة ورجعوه عضو عادي :) <<< يارجال لو يعطيك الحصان باند هي خربانه خربانه نرجع لموضوعنا كفو يابوسـعد يالغضنفر يالحصن الحصين بيض الله وجهك فكنا من هالحريم العوب الوحدة لسانها يلوط اذانها يدافع البلا ماعندهم الا حقوقنا وحقوقنا وتنطلق على بركة الله حملة ( كلنا ابو سـعد ) تعالو يالحريم وش تبون يالحريم!!! بالفصيح ... ماذا تريدون مناااااااااااا ؟؟؟ لاعاااااااااد يومن شفناكم فيه حطينا لكم 1/سواقين 2/وشغالات 3/وبيوت وخير ونعمه وكل يومين مشغل وكوافيره وسوق وملابس وكل عرس مبلغ وقدره وش تبون نحمل عنكم ونجيب عيال !!! نطبخ عنكم !!! لا واذا الرجال رجع البيت ولقى البيت محتاس ومافيه غدا ( كالعاده ) وقال لها كلمتين بس كلمتين !!! قالت : ودني بيت اهلي مااااااااااااااااالـت عليتس انتي وبيت اهلتس هذا اللي فالحه فيه ودني بيت اهلـــي ( عسى بيت اهلك تضربه آر بي جي وانتي عندهم ان شالله ) ويرتاح منتس والمشكله كل يوم والا نص يوم تقول احمد ربك اخذتني زين وحسب ونسب وهي تشبه فتون اخت مانع ودواس لا ومن زين الطبايع امها كل يوم مبلطه عندها ( كنها ميسون ) غااااااااثت(ن) الرجال ماتزورهم الا القايله لين كره بيته وعيشته >>>>>> ماينلام واحد من الجيران يقول لي ..... شفته طلع قبل المغرب يهرج نفسه وشماغه على كتفه وفاتح زراره ............. وديناكم للكليات والجامعات وكل يومين في تعليم البنات نراجع في تعيينكم وهواش مع الموظفين وحالتنا حالة لين جتكم وظايف ورواتب وعطيناكم سيارات وسواقين ودلع وكل ما شفتو لكم خبر والا خبرين في الجريده واحد طلق مرته والثاني سرق ذهبها وخلاقينها جيتو تنوحون وتصيحون والمشكلة الخبر الي قريتوه مكتوب في اخره ( مريض عقلياً ) والا ( مدمن مخدرات ) ولقطتوها كل وحده اسرع من الثانية ماعندكم الا الرجال والرجال و حقوقنا وحقوقنا حقوقكم والله نجمعكم في الصمان كلبوكم يالحريم ونطلق عليكم ( كيماوي )

حدك حدك أيــه

خذيتوها من بيت أهلها معززه مكرمه فواجب عليكم تسعدونها باللي تقدرون عليه

وتقدرونها وتقدرون دورها

والله لا لله ثم وجودها يا مجدد عهد صدام
لتروحون مثل أمريكا يوم قطع الملك خالد عنها البترول

المرأه شأنها عظيم محد يعرف قدرها إلا القليل
وحنا ما نعمم لكن مثل مانتم عارفين الشر يعم والخير يخص

والمريض يعدي الصحيح

وأنت بتعقيبك تفتح علينا أبواب حنا في غنا عنها

يكفي ما جاها منكم

هالمخلوق الرقيق الناعم صاحبة الجلالة الإنسانية
والكرم الأخلاقي والقلب الصافي

كيف تجرؤ يا شيخ أن تقول تلك العبارات الأرهابية لهذا الكائن اللطيف

حقكم والله من حطكم في بركان ايسلندا

ولا رماكم في مثلث برمودا

حرام هالكائنات تعيش على الأرض

وأشكر جميع الأخوات الاتي أثرن الموضوع بمدخلاتهن الراقية

ولا عدمت الأنامل الراقية التي خطت تلك الحروف المشرقة والواعدة

لمستقبل زاهر ومشرق للبشرية ..

[بنت الهيــــلا]

يا باشا للكل حرية رأي وما يحق لأحد يلزم أحد برايه حتى لو أنه على حق

و بعض العبارات تمنيت يا شاعرنا الكريم الفاضل إنك تجاوزتها

أنت من جدك عمرك شفت مره عايشه من دون رجال سواء أب أخ عم جد ولا عمرك شفت رجال من دون مره سواء كانت أم أخت عمه بنت آخي اللي هي
هالمنظومه البشريه المعقدة يكمل بعضها بعض والعرج فيهم يتعكز على خويـه والله يستر على سعيد وسعيده هههه

والمسئلة فيها شيء من الطرافة والمناقشة الفكاهية فلا تحملونها أزود من الازم

ودمتــــــــم سالميـــن

[بقايا ذكريات]

اخي شيخ الشيوخ اوكيه انا معك ان فيه حريم مبسوطات واوضاعهم تمام بس انا هنا قاعدين نتكلم عن مشكلة الحرمه المعذبه والمنهانه والي سلبت اقل حقوقها,ماهو قاعدين نحط مقارنه بين الرجال والمرآه مثل ماخطت بعض الاقلام واكتبت كلام ماهو مقبول ابدآ
فاتمنى أناقش ونعرف الي علينا وعليكم لكي نقلل من تلك النسبه التي عذبت
وانت جعلك ترزق بذيك الحرمه الي تصبحك بوجه حسن واتقومك بسطور>>وحده حاقده عليك
والصوره اغيرها هاذا وقته هالحين ماهو شايفني مشغوله يابن الحلال قل لااله الاالله
وبعدين يصير خير

[بقايا ذكريات]

هلا اختي الدعجانيه
كلامك بقمة الروعة ووجودك بيننا زاد الموضوع حلاوه ورقي
اتمنى لاتحرميني من تواجدك دائمآ

[بقايا ذكريات]

جان دارك وربي كتبتي الي مانصدمه فيه قريته اكثر من مره من شاعرنا القدير ومو قادره استوعب انها طلعت هالكلمه منه>>تحسين فيني وتقرين الي بخاطري
لاتحرميني من تواجدك

[؛؛ابو ريناد؛؛]

عزتي راس مالي

موضوعك يحمل في طياته الكثير أختي هناك الكثير من الصور السيئه من الجنسين
صحيح فيه ضلم وفيه دلع
فيه صرف عقلاني وفيه بخل
فيه طلب منطقي وفيه بذخ كثرت مصاريف
يعني اشياء قد تخرج عن الطور احياناً
الظلم كما ذكر مرفوض رغم وجوده وهناك رجال لايستحقون النساء والعكس
لاكن ليش مافيه ولو واحدة من المشاركات ذكرت حسنه واحده لرجل غير خالك الله يرحمه
عموماً الموضوع طغت عليه العصبيه لذا لن يكون هناك حلول
شيخ الشيوخ الله يعينك يمكن تمثل للعداله ولا تهون بنت الهيلا (تهمة ارهاب)

تقبلو حضوري المتواضع بين تلك الكوكبة

[بقايا ذكريات]

المشاركة الأصلية كتبت بواسطة ؛؛ابو ريناد؛؛ عزتي راس مالي موضوعك يحمل في طياته الكثير أختي هناك الكثير من الصور السيئه من الجنسين صحيح فيه ضلم وفيه دلع فيه صرف عقلاني وفيه بخل فيه طلب منطقي وفيه بذخ كثرت مصاريف يعني اشياء قد تخرج عن الطور احياناً الظلم كما ذكر مرفوض رغم وجوده وهناك رجال لايستحقون النساء والعكس لاكن ليش مافيه ولو واحدة من المشاركات ذكرت حسنه واحده لرجل غير خالك الله يرحمه عموماً الموضوع طغت عليه العصبيه لذا لن يكون هناك حلول شيخ الشيوخ الله يعينك يمكن تمثل للعداله ولا تهون بنت الهيلا (تهمة ارهاب) تقبلو حضوري المتواضع بين تلك الكوكبة

اخوي ابو ريناد اتمنى كل من يرد بعصبيه يتخذك قدوه له>>ومو قصدي الكل قصدي الي عارف نفسه>>شخص واحد لاغير بس ماراح اقول اسمه
وثانيآ اخوي ابو ريناد الحمدالله ان جا شخص واحد من الرجال واعترف ولو بس تلميح المهم تقولون بالفم المليان ان الظلم ضد النســــــــــاء موجود
وانا بس يارجال بما ان هنا بعض الرجال المحترمين والي عارفين انا وش قاعده اتكلم فيه بضبط نشوف المشكله وانعالجها اتمنى التركيز اونعطي حلول ماتدرون يمكن سوينا شي لرجل ام امرأه
واشكرك اخوي ابو ريناد على اسلوبك الراقي جدآ ومرورك الكريم

[نايف تراحيب]

طيب وبعدين ؟



/



،

[شيخ الشيوخـ]

ياجماعة كل واحد يصلح سيارته

[ابوسـعد]

السيارات متصادمه هههههههههههههه ياشيخنا الوفي......يالله انك تحييه..اشوف محلات التصليح الناس ماسكين سرا,,ههههههههه وخمسين,,,,وميه من البنات ..واربعمائه من الاكك....وكبتت عليهم البارحه...واليوم البلوت عند النجم ...وترى انت قبيلي !!؟؟ مابا غارك ههههههههههههه والسعار يقابل الي يبا هههههههههههههههههههههههه...سيارتي..ياسيارتي....على وزن ..دنانتي يادنانتي

وياهلاوغلا