~ [ صدى ] ~ }{ ~ [ شآعر ] ~ }{ ~ [ المليون ] ~

[][ ابو هـآدي ][]

والله يامانع بن شلحاط اني مدري وش يحس فيه ولادري وجوده في برنامج شاعر الميون ليه

لاكن الرجال ماعنده سالفه ولاعنده الا السخريه ولا يشوف الناس ناس
ويتحدى وهو مايفقه فالشعر شي زي ما قال

اجل يقول لثاني الدهمشي في واحد من بيوته يقول الل قال البيت هذا ماهو عربي ياهندي او باكستاني

يوم قاله المذيع عارف عمر البارح من تتوقع يتأهل من شعراء الحلقه الأولى يقول مدري منهم ونسيت قصايدهم


وش انت يا مانع بن شلحاط


لا ويقول لواحد من الشعراء اسلوبك تقليدي وهو مانع بنفسه تقليدي ولا يقدر يجدد فالمفرده

اقول احسن الله عزاكم فالنقد اللي فيه مانع بن شلحاط

وكل الشكر يا نايف العتيبي على هذه الصفحه وعلى جهودك

[مُهــرة عتيبــة]

بصراحة بالرغم من إني عاقدة العزم على إني ما أشوف شاعر المليون
لكن أنجبرت بعد ما أعلن وجود كم شاعر عتيبي..

طبعاً إضطريت للكتابة هنا كمشاركة لهذا المتصفح لأني كنت العام الماضي أقوم بدورك
أخوي نايف في مُتصفح شبيه لهذا المتصفح (الجــانب الآخر...من شاعر المليون),,

وبرضو كتعليق على اللي صار لأول مشارك عتيبي
رائد الشيباني العتيبي
طبعاً اللجنة تراهن وتراهن ومافيك حيلة وأنت شاعر بالرغم من صغر سنك
وبالنهاية الدرجة قبل الأخير 38 إذا ذاكرتي ماخانتني,,

ياترى السبب في هذي الدرجة إستخدامه لقافية نفس قافية يوسف العصيمي في النسخة الأولى
ولأنه أعاد لهم ذكريات الفيلم المرعب ؟!!
أو لأن الشاعر قال


من صلب قومٍ يلحقون المخلين
عتيبه الهيلا نهار الطرادي ...



مع العلم إن مسعود الوايلي قعد ساعة يمدح في يام ويام ويام ويام
ومع هذا المركز الثاني كان !!

وغير كذا وكذا إذا فيه أحد بيحاجني على ملاحظتي..
ممكن تدققون في طريقة نقد حمد السعيد لرائد من ناحية حرب وسيوف وسكاكين
أنا اعتقد الشاعر له مطلق الحرية في إختيار الألفاظ مالم تكن تتجاوز المحظور...


الحديث يطول ... وبنشوف رائد يرجع أو ناوين لهم على نيّة أكبر
يا نايف عرويل...أو فلاح المروقي...أو عبدالله حديجان!!

في واحد من هـ الثلاثة راح يكون ورقة رابحة للبرنامج!!

::

[نايف تراحيب]

هلا فيك يابو هادي

الله لا يضرك بس ولو فهو له جمهوره ومحبينه مانبي نزعلهم يابو هادي

برايفت لبو هادي


كلامك عين العقل : )

[نايف تراحيب]

هلا وغلا بمهرة عتيبه

والله وانا اخوك فالبدايه قلت بيكون فيه تفآعل من الأعضاء بس ماشفت هالتفآعل

وقلت اجل خلني كل مإتيحت لي الفرصه اني اجيب شي جديد انزله

بس جآبك الله : )

بالنسبه للشيبآني فهو شآعر ولا عليهآ كلآم

بس القلق كآن سآكنه القلق من وش القلق انه مايكون قدهآ ويمثل عتيبه وربعه

بس بدايته موفقه واسلوبه كان حمآسي واعجبني والقصيده ماعليهآ شي

انا استغربت من حمد السعيد وتوقعت انه راح يمدحه وراح يطلب منه قصيده او ما شابه

بس لقيت انه علق كثير على قصيدته وقال نراهن عليك

نرآهن عليك ماتكفي كما طلعت عيوب القصيده طلع الجميل فيهآ
اما بالنسبه لشعآر عتيبه اتوقع ماعليهم كلآم انا ارآهن على نايف بن عرويل
شكراً مهرة عتيبه وهذا بالفعل اللي انا كنت ابغآه اللي هو التغطيه والنقآش ووجهآت النظر

كل الود


/


،

[مُهــرة عتيبــة]

شوف اخوي نايف إحنا لو نراهن من هنا ليوم الدين
البرنامج من أول ماجتهم قائمة الأسماء المليون قبل لا تتقلص وتصير 48 أسماء
وهو مرتب له ومخطط مين اللي بيآخذ البيرق هـ السنة..

ومن ناحية شعراء عتيبة اللي شاركوا فـ أبصم لك بالمليون ماراح يآخذها ولا واحد فيهم : )
وإن وصولوا لآخر مرحلة فـ نقول للبرنامج والقائمين عليه ماقصرتوا بيّض الله وجيهكم
وطبعاً هذا الكلام مو القصد منه التقليل من شاعرية شعرائنا أو إنهم ما يستحقون
لكن الكتاب باين من عنوانه سواء هـ السنة مع الشاعر رائد!!
أو السنوات اللي راحت مع كل من مثل عتيبة..


وبالنسبة لرائد الشيباني
مهما كان مستوى قصيدته أعتقد يستحق أكثر بالإضافة إلى إن القصيدة مافيها خلل أو كسر
فـ له حضور مسرحي وطريقة إلقائه حماسية..

وصدقني الموضوع لأنه ذكرهم بيوسف العصيمي، ويوسف الكل يعرف كيف كانت الحرب الضروس
بين تواجده ولجنة التحكيم...


ومن ناحية تواجدي...أعتقد بتواجد كل ما أثارت لجنة التحكيم حفظيتي ضد شعرائنا : )


::

[نايف تراحيب]

هلا فيك مهرة عتيبه

المسئله ماهي من ياخذ البيرق البيرق قطعت قمآش مايمثل شي وجوده مثل عدمه

وبعدين فيه جمهور واعي وفيه متذوق شعر يعني اذا شعراء عتيبه المشآركين هذا العآم يستحقون راح ينصفهم الجمهور بقلبه

بعيداً عن التصويت وعن اللجنه

ثانياً راح يطلع الشآعر من البرنامج وهو معروف [ مشهور ] وهذا بيد الشآعر يا يكون معروف دايم يا يختفي بعد البرنامج

ثالثاً راح يطلع بمية الف كحد ادنى وسياره رنج حسب معلوميتي هذا من غير العطايا

البرنامج ضخم اختي مهره ماهو بسيط ولو اصبحو متابعيه في تنآقص

كل الشكر اختي مهرة عتيبه على وجودك : )

/


،


كل الود

[°o.Oرﯾﻣ O.o°]

والله اني احب اسمع قصيدة الشاعر التونسي مدري اعيش جو مع اللهجه والموسيقى للكلمه مع اني مدري وش يقول بس احب اسمعها مرارا وتكرارا ههههههه

[مُهــرة عتيبــة]

نبارك للشاعر العتيبي الشيباني رائد

متابعين لقناة أبوظبي..

ربما نعود إن كان هناك ما يستحق..


::

[°o.Oرﯾﻣ O.o°]

مبروك تأهل نايف بن عرويل وعقبال فلاح المورقي ان شاء الله

[مُهــرة عتيبــة]

من جديد...


نبارك للمُبدع
نايف بن عرويل العتيبي
حضور يبيّض الوجه
يستاهل كل خير..


مشاهدة سطحية للحلقة ..


::